«بۇل جان-جاقتى ويلانىپ قابىلدانعان شەشىم بولدى. 30 جىل بويى ەل باسقاردىم. ءار ۋاقىتتا حالىق مەنى تاڭداپ, داۋىس بەرگەنىنە العىسىمدى بىلدىرەمىن. ءار نارسەنىڭ ءوز ۋاقىتى بار. قاتىپ قالعان قاعيدا ەش جەردە جوق. جاڭا وزگەرىستەر كەرەك بولدى. ءار باسشى ءوزىنىڭ جاڭالىعىمەن كەلەدى. سوندىقتان بۇل ويلانا كەلە قابىلدانعان شەشىم بولدى. بۇل قادام وتە ورىندى بولدى دەپ ويلايمىن. ەشقانداي وكىنىش جوق. مەملەكەت باسشىسى رەتىندە لايىقتى ادامدى تاڭدادىم دەپ ايتا الامىن», دەدى نۇرسۇلتان نازارباەۆ.
سونداي-اق ەلباسى الەم ەلدەرىنىڭ باسشىلارىنان كوپتەگەن حابارلامالار كەلىپ تۇسكەنىن ايتتى.
«ماعان الەمنىڭ جەتەكشى ەلدەرىنىڭ باسشىلارىنان كوپتەگەن حابارلامالار كەلىپ ءتۇستى. ولاردىڭ ايتۋىنشا, ءبىزدىڭ ەلدەگى بيلىكتىڭ بەيبىت جاعدايدا اۋىسۋى كوپكە ۇلگى بولىپ وتىر», دەدى تۇڭعىش پرەزيدەنت ن.نازارباەۆ.
