ونىڭ ايتۋىنشا, جالدامالى تۇرعىن ءۇي ساپاسىن تەكسەرۋ ءۇشىن تەكسەرۋدىڭ ستاندارتتى تەتىكتەرى قولدانىلادى. باقىلاۋدى اكىمدىك جۇرگىزەدى.
«اكىمدىك – وسى تۇرعىن ءۇيدى سالۋشى, تاپسىرىس بەرۋشى جانە ساتىپ الۋشى. ول تۇرعىن ءۇيدىڭ ساپالى ءارى ءتيىمدى ۇسىنىلۋىنىڭ ساقتالۋىنا ءتيىستى باقىلاۋ جاسايتىن بولادى», — دەدى م. قوجاحمەت.
سونىمەن قاتار ونىڭ ايتۋىنشا, قوعامدىق كەڭەستەر, Nur Otan پارتياسىنىڭ مۇشەلەرى, كەز كەلگەن جاستار بەلسەندىلەرى وسىنداي تۇرعىن ۇيلەردىڭ ساپاسىنا جانە كەلىسىمشارتتىق مىندەتتەمەلەردىڭ ورىندالۋىنا قوعامدىق مونيتورينگ جۇرگىزۋ قۇقىعىنا يە. سونداي-اق ولار باعدارلاما قاتىسۋشىلارىن ىرىكتەۋ راسىمدەرىنىڭ ايقىندىعىن قامتاماسىز ەتىپ, ولاردىڭ كريتەريلەرگە سايكەستىگىن تەكسەرەدى.
ء«بىز قازىر بۇل ماسەلەنى بۇيرىق دەڭگەيىندە پىسىقتادىق, سوندىقتان كوميسسيالار جۇرتشىلىقتىڭ تارتىلۋىمەن بارىنشا اشىق بولۋى ءتيسى. جاستار, قوعامدىق ۇيىمدار, دەپۋتاتتىق كورپۋس وكىلدەرى كوميسسيا قۇرامىندا بولۋى ءۇشىن جانە بۇل وتىنىمدەردى قاراستىرۋ كەزىندە بارلىق تاپسىرىلعان قۇجاتتار نەگىزىندە شەشىمدەر قابىلداۋدىڭ تولىقتىعىن قامتاماسىز ەتۋ ءۇشىن جانە سىبايلاس جەمقورلىق وقيعالارىنا جول بەرمەۋ ءۇشىن مۇنى مۇقيات قاداعالايتىن بولامىز», — دەدى م. قوجاحمەت.
