فورۋم ادامي رەسۋرستاردى باسقارۋ (HRM) جانە جەكە سەكتورداعى HR-تەحنولوگيالارىن مەملەكەتتىك قىزمەتكە ەنگىزۋ مۇمكىندىگى بويىنشا ءبىلىم الماسۋعا, زاماناۋي ۇردىستەر مەن ۇزدىك تاجىريبەلەردى زەردەلەۋگە ارنالعان الاڭعا اينالدى.
استانا مەملەكەتتىك قىزمەت حابى باسقارۋشى كوميتەتىنىڭ توراعاسى ءاليحان بايمەنوۆ «جۇمىس بەرۋشىنىڭ برەندينگى, مادەنيەت جانە مەملەكەتتىك قىزمەتكە قاتىستى بولۋ» اتتى پانەلدىك سەسسيادا نەگىزگى سپيكەر رەتىندە سويلەدى.
ءوز سوزىندە ءا.بايمەنوۆ مەملەكەتتىك قىزمەتتىڭ الەۋەتىن پايدالانۋعا ىقپال ەتەتىن كوشباسشىلىقتىڭ, كورپوراتيۆتىك مادەنيەتتىڭ ءرولى ماڭىزدى ەكەنىن اتاپ ءوتتى. قىزمەتكەرلەردىڭ قادىر-قاسيەتى مەن ۋاقىتىنا قۇرمەتپەن قاراۋ باسشىلار ءۇشىن قالىپتى جاعدايعا اينالۋى كەرەك, دەدى ول.
وسى جىلى فورۋم الەمنىڭ 150-دەن استام قاتىسۋشىلارىن, ونىڭ ىشىندە ەۋرووداق, ەكونوميكالىق ىنتىماقتاستىق جانە دامۋ ۇيىمىنان جانە باسقا ايماقتاردان بىرىكتىردى.
فورۋم بارىسىندا ينتەراكتيۆتى پىكىرسايىستار مەن شەبەرلىك-ساباقتارى ءوتتى.
