پارلامەنت • 10 قازان، 2019

سەنات: قانداي زاڭ جوباسى ماجىلىسكە قايتارىلدى

104 رەتكورسەتىلدى

پارلامەنت سەناتىنىڭ وتىرىسىندا ەلىمىزدىڭ كەيبىر زاڭنامالىق اكتىلەرىنە مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا تۇزەتۋلەر قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى. 

زاڭ جوباسىندا مەملەكەتتىك قىزمەتتى وتكەرۋدى جاڭعىرتۋ ءۇشىن كونكۋرستىق راسىمدەر جەڭىلدەتىلەدى، وزىق شەتەلدىك جوعارى وقۋ ورىندارىندا دوكتورانتۋرا باعدارلامالارى بويىنشا وقىعان، سونداي-اق، حالىقارالىق ۇيىمداردا جۇمىس تاجىريبەسى بار ادامداردى كونكۋرستان تىس تاعايىنداۋ كوزدەلەدى، مەملەكەتتىك قىزمەتشىلەردى الەۋمەتتىك قورعاۋ جونىندەگى شارالار ناقتىلانادى.

مەملەكەتتىك قىزمەت ىستەرى جونىندەگى ۋاكىلەتتى ورگاننىڭ قۇقىق قورعاۋ ورگاندارى لاۋازىمدارىنا بىرىڭعاي بىلىكتىلىك تالاپتارىن بەكىتۋ جانە مەملەكەتتىك اكىمشىلىك لاۋازىمدارعا ورنالاسۋعا كانديداتتاردىڭ جانە قۇقىق قورعاۋ قىزمەتىنە كىرەتىن ازاماتتاردىڭ تەستىلەۋ ناتيجەلەرىنە شاعىم جاساۋ ءتارتىبىن ايقىنداۋ جونىندەگى قىزمەتى رەتتەلەدى.

مەملەكەتتىك قىزمەت وتكەرۋ كەزىندە كاسىبي الەۋەتىن نەعۇرلىم ءتيىمدى پايدالانۋدى قامتاماسىز ەتۋ ءۇشىن ساياسي جانە مەملەكەتتىك قىزمەتشىلەردى روتاتسيالاۋ تەتىگى ناقتىلانعان.

نورماتيۆتىك قۇقىقتىق اكتىلەردىڭ جوبالارىنا سىبايلاس جەمقورلىققا قارسى عىلىمي ساراپتاما ينستيتۋتى قالپىنا كەلتىرىلۋدە.

زاڭ جوباسىن تالقىلاۋ بارىسىندا سەناتتىڭ تۇراقتى كوميتەتتەرى مەن دەپۋتاتتارىنىڭ ەسكەرتپەلەرى مەن ۇسىنىستارىن ەسكەرە وتىرىپ، ءماجىلىس ماقۇلداعان زاڭ جوباسىنا وزگەرىستەر مەن تولىقتىرۋلار ەنگىزۋ قاجەتتىگى تۋىندادى.

ماسەلەن، قولدانىستاعى ءتارتىپتى ساقتاۋ ماقساتىندا وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنا دەنساۋلىق ساقتاۋدىڭ، ءبىلىم بەرۋدىڭ، مادەنيەت جانە سپورت وبلىستىق باسقارمالارىنىڭ باسشىلارىن تاعايىنداۋ، سونداي-اق ولاردى بوساتۋ كەزىندە كانديداتۋرالاردى ءتيىستى ۋاكىلەتتى مەملەكەتتىك ورگاندارمەن كەلىسۋ ۇسىنىلىپ وتىر.

وبلىستاردىڭ (رەسپۋبليكالىق ماڭىزى بار قالالاردىڭ، استانانىڭ) پوليتسيا دەپارتامەنتتەرىنىڭ باستىقتارىن قۇقىق قورعاۋ ورگاندارى باسشىلىعىنىڭ پرەزيدەنتتىك رەزەرۆىندە تۇرعان پوليتسيا قىزمەتكەرلەرىنىڭ قاتارىنان ءتيىستى جەرگىلىكتى اتقارۋشى ورگاندارمەن كەلىسۋ بويىنشا ەلىمىزدىڭ ىشكى ىستەر ءمينيسترى تاعايىندايتىن بولادى.

ودان باسقا، لاۋازىمدار ساناتتارى (ساياسي جانە اكىمشىلىك مەملەكەتتىك قىزمەتشىلەر) بويىنشا وزدەرىنە باعىنىستى ادامداردىڭ سىبايلاس جەمقورلىق قۇقىق بۇزۋشىلىقتار جاساعانى ءۇشىن لاۋازىمدى تۇلعالاردىڭ جاۋاپكەرشىلىگىن ناقتىلاۋعا جانە رەگلامەنتتەۋگە باعىتتالعان تۇزەتۋلەر ەنگىزىلەدى.

سەنات باسشىسى جوعارعى پالاتا سونداي-اق زاڭعا مادەنيەت ۇيىمدارىنا شارۋاشىلىق قىزمەتى قۇقىعىنداعى رەسپۋبليكالىق مەملەكەتتىك كاسىپورىننىڭ زاڭدى مارتەبەسىن الۋ قۇقىعىن بەرۋدى كوزدەيتىن تۇزەتۋ ەنگىزۋگە باستاما جاساعانىن اتاپ ءوتتى.

ء«بىزدىڭ يدەيامىز مادەنيەت نىساندارىنىڭ ماتەريالدىق-تەحنيكالىق جابدىقتالۋىن جاقسارتۋ، ءوز قىزمەتكەرلەرى ءۇشىن جالاقى دەڭگەيىن ارتتىرۋ، سونىمەن قاتار مادەنيەت سالاسىنداعى قىزمەت ساپاسىن جاقسارتۋ ءۇشىن حالىققا قوسىمشا قىزمەت كورسەتۋ مۇمكىندىگىنە يە بولۋى بولىپ تابىلادى»، - دەپ ءتۇسىندىردى د.نازارباەۆا.

توراعا قازىر مادەنيەت سالاسى قىزمەتكەرلەرىنىڭ جالاقىسى ورتاشا رەسپۋبليكالىق دەڭگەيدەن 30 پايىزعا تومەن ەكەنىن، ال كىتاپحانالاردا، مۇراجايلاردا جانە تەاترلاردا جۇمىس ىستەيتىن قىزمەتكەرلەر 50-70 مىڭ تەڭگە الاتىنىن اتاپ ءوتتى.

«پرەزيدەنت قاسىم-جومارت توقاەۆتىڭ تاپسىرماسى بويىنشا قازىر ولاردىڭ جالاقىسى 1،72 كوەففيتسيەنتكە ۇلعايتىلۋدا، سوندا دا بۇل شارا جابدىقتاۋ مەن ساپا ماسەلەسىن تۇبەگەيلى شەشە المايدى. بۇل ماسەلەدە داۋ كوپ، ۇكىمەتتە بىرلىك جوق، بىرەۋ قولدايدى، ال بىرەۋ قارسى، بۇل بيۋدجەتتىڭ شىعىن بولىگىن ارتتىرادى دەپ سانايدى. پىكىر بىرلىگى جوق. سوندىقتان وسى تۇزەتۋدى قاراۋدى كەيىنگە قالدىرۋ تۋرالى شەشىم قابىلداندى»، - دەدى سەنات باسشىسى.

داريعا نازارباەۆا تالقىلاۋدى اياقتاي كەلىپ، پارلامەنتتىك تىڭداۋلاردا مادەنيەت سالاسىنداعى وزەكتى ماسەلەلەردى كوتەرۋدى ۇسىندى.

 

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار