10 قازان، 2019

بولگاريانىڭ ۆيتسە-پرەزيدەنتى پاۆلودار وبلىسىنا كەلدى

53 رەتكورسەتىلدى

بولگاريانىڭ ۆيتسە-پرەزيدەنتى يليانا يوتوۆا جەرگىلىكتى بولگار ەتنوسى وكىلدەرىمەن كەزدەستى.

قازاقستان حالقى اسسامبلەياسى وكىلدەرى قادىرلى قوناقتى شاشۋ شاشىپ قارسى الدى. يليانا يوتوۆا قازاقتىڭ قىمىزىن ءىشىپ، بولگار دياسپوراسى وكىلدەرى ازىرلەگەن داستارحاننان ءدام تاتتى.

وبلىس اكىمىنىڭ ورىنباسارى اسحات ورالوۆ شەتەلدىك مەيماندى وڭىرلىك ەتنو-مادەني بىرلەستىكتەردىڭ قىزمەتىمەن تانىستىردى. قازىر جەرگىلىكتى اسسامبلەيادا 24 بىرلەستىك، 50 شىعارماشىلىق ۇجىم قىزمەت ىستەيدى.

سونىمەن بىرگە قانت ءدارجۇمان اتىنداعى ۇلتتىق جاڭعىرۋ مەكتەبىندە 18 تىلدىك ۇيىرمە،  بولگار تىلىنەن ساباق بەرەتىن مەكتەپ تە بار. مەكتەپتە  بولگاريادان  كەلگەن وقىتۋشى ءدارىس بەرۋدە.

- ءارتۇرلى ۇلتتارعا دەگەن قولداۋلارى ءۇشىن قازاق ەلىنە العىس بىلدىرەمىن، - دەيدى يليانا يوتوۆا. – مەنىڭ ساپارىمنىڭ ماقساتى – جاڭعىرۋ مەكتەبىندە بولگار ءتىلىن وقىتۋعا قولداۋ كورسەتۋ، بولگار تاريحى، مادەنيەتى مەن ءتىلىن ۇيرەتەتىن جەكسەنبىلىك مەكتەپ اشۋ.

ال ۆالەنتينا شاتوۆا باسقاراتىن وبلىستىق «بولگار ۇلتتىق مادەني ورتالىعى” قوعامدىق بىرلەستىگى  2002 جىلى قۇرىلدى. ورتالىقتا “لازاركي”، “بلگارسكا روزا” شىعارماشىلىق ۇجىمدارى جۇمىس ىستەيدى.  بىرلەستىك  “رودنو سلوۆو”، “راۋشان گۇلدەر مەرەكەسى” سياقتى ۇلتتىق مەرەكەلەرىن وتكىزەدى. ورتالىق رەسپۋبليكالىق بولگارلار ورتالىعىمەن تىعىز بايلانىستا.              

سونىمەن بىرگە وڭىردەگى اقتوعاي، ەرتىس، قاشىر اۋداندارىندا بولگار ورتالىعىنىڭ فيليالدارى بار.

جەرگىلىكتى  بولگارلار اتا-بابالارىنىڭ قازاق دالاسىنا ح عاسىردىڭ باسىندا قازاق دالاسىنا ۋكراينا جانە بەسسارابيادان، ەكىنشى تولقىنى دا 1941-44 جىلدارى قىرىم مەن بەسسارابيا بولگارلارى كۇشتەپ قونىس اۋدارعاندارىن ەسكە الادى.

بۇل كۇندەرى ەلىمىزدە تۇراتىن 4،5 مىڭ بولگار حالقىنىڭ ءبىزدىڭ وڭىرىمىزدە ءبىر مىڭعا جۋىعى  تىنىشتىق پەن بىرلىكتە ءومىر سۇرۋدە.

وڭىرگە كەلگەن يليانا يوتوۆانى وبلىس اكىمى بولات باقاۋوۆ قابىلدادى. كەزدەسۋ بارىسىندا تاراپتار ەكىجاقتى ارىپتەستىكتى دامىتۋ ماسەلەلەرىن قاراستىردى.

بولات باقاۋوۆ پەن يليانا يوتوۆا ىسكەرلىك، مادەني-گۋمانيتارلىق قارىم-قاتىناستاردى نىعايتۋعا مۇددەلىلىگىن تانىتتى.

بۇل كۇندەرى ەكى ەل اراسىنداعى قارىم-قاتىناستاردىڭ دامۋىنا حالقىمىزدىڭ اجىراماس بولىگىنە اينالعان بولگار دياسپوراسى دا ۇلەس قوسۋدا.

كەزدەسۋ سوڭىندا بولگار دەلەگاتسياسى «دوستىق ۇيىندەگى» شىعارماشىلىق ۇجىمداردىڭ ورىنداۋىنداعى كونتسەرتتىك باعدارلامانى تاماشالادى.

 

پاۆلودار وبلىسى

 

سۋرەتتەدى تۇسىرگەن ديانا  جاقىپوۆا

 

 

 

 

سوڭعى جاڭالىقتار

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

تەكەلى – ەڭبەكشىلەر مەكەنى

ايماقتار • 17 قاڭتار، 2020

جەر يەسىن تاپسا يگى

ايماقتار • 17 قاڭتار، 2020

ءوزارا تەڭ دارەجەلى ارىپتەستىك

قوعام • 17 قاڭتار، 2020

ۇقساس جاڭالىقتار