قازاق ونەرپازدارى رەسەيدە كونتسەرت قويدى

رۋحانيات • 10 قازان، 2019

قازاق ونەرپازدارى رەسەيدە كونتسەرت قويدى

«وتانداستار قورى» كەاق-نىڭ ماڭىزدى باعىتى شەتەلدەگى قازاق مادەني ورتالىقتارىن قولداۋ. بۇل - شەتەلدە تۇراتىن وتانداستارمەن بايلانىستى نىعايتۋ، قازاقتىڭ ۇلتتىق-مادەني ورتالىقتارىنىڭ جۇمىسىن ۇيىمداستىرۋدا تيىمدىلىكتى ارتتىرۋ.

راۋان قايدار

شەتەلدەگى مادەني ورتالىقتاردىڭ مەرەيتويلىق جانە مەرەكەلىك ءىس-شارالارىن، اتاپ ايتقاندا، ءنوۆوسىبىر وبلىسىنىڭ قازاق مادەنيەتى كۇندەرىن جانە ومبى وبلىسىنىڭ ايماقتىق قازاق ۇلتتىق مادەني اۆتونومياسىنىڭ 20 جىلدىعىن مەرەكەلەۋ اياسىندا 2019 جىلدىڭ 5-6 قازان ارالىعىندا رەسەي فەدەراتسياسىندا ءنوۆوسىبىر جانە ومبى قالالارىندا قازاقستاندىق ارتىستەردىڭ قاتىسۋىمەن كونتسەرتتەر ءوتتى.

كونتسەرت اقپارات جانە قوعامدىق دامۋ مينيسترلىگىنىڭ جانە رقب دۇنيەجۇزى قازاقتارىنىڭ قاۋىمداستىعىنىڭ قولداۋىمەن «وتانداستار قورى» كەاق ۇيىمداستىردى.

كونتسەرتتەردىڭ ماقساتى - وتانداستاردىڭ شىعارماشىلىق الەۋەتىن ارتتىرۋ، رەسەي فەدەراتسياسىندا تۇراتىن قازاق دياسپوراسى وكىلدەرىنىڭ ۇلتتىق مادەنيەت پەن ءتىل قاجەتتىلىكتەرىن قاناعاتتاندىرۋ،سونداي-اق حالىقتار اراسىندا مادەنيەتتى ءوزارا بايىتۋ، وسكەلەڭ ۇرپاقتى تولەرانتتىلىق پەن دوستىق رۋحىندا تاربيەلەۋ، شەكارارالاس ىنتىماقتاستىقتى نىعايتۋ.

قازاقستان مەن رەسەيدى ورتاق تاريح پەن مادەنيەت، ورتاق شەكارا، ۇقساس مەنتاليتەت، ورتاق مادەني جانە اقپاراتتىق كەڭىستىك بىرىكتىرەدى. مادەنيەت، عىلىم جانە ءبىلىم سالاسىنداعى قازاقستان مەن رەسەيدىڭ جەمىستى ىنتىماقتاستىعى ۇلتتىق بىرەگەيلىكتى ساقتاۋ جانە دامىتۋ، انا تىلىندە ءبىلىم بەرۋ ولاردىڭ رۋحاني قاجەتتىلىكتەرىن جۇزەگە اسىرۋ ءۇشىن، قولايلى جاعدايلار تۋعىزۋ ارقىلى ەلىمىزدە تۇراتىن حالىقتاردىڭ مادەنيەتىن ەركىن جانە تەڭ دارەجەدە دامىتۋدى قامتاماسىز ەتەتىن ەكى جاقتى قۇجاتتارعا نەگىزدەلەدى.

كونتسەرتكە رەسپۋبليكالىق، حالىقارالىق كونكۋرستار مەن فەستيۆالدەردىڭ لاۋرەاتتارى ونەر كورسەتتى. اتاپ ايتقاندا، رۇستەمبەك وماروۆ اتىنداعى قازاق ۇلت اسپاپتار وركەسترى، كوركەمدىك جەتەكشىسى ءارى باس ديريجەرى قر ەڭبەك سىڭىرگەن قايراتكەرى - تالعات كارىموۆ. «رەترو» ۆوكالدىق ءانسامبلى جانە «Samiyan» توبى. كوركەمدىك جەتەكشىسى مادينا نۇرعوجينوۆا. «شەرنياز» بي ءانسامبلى. كوركەمدىك جەتەكشىسى نۇرلان بەكوۆ. سونداي-اق ءداستۇرلى جانە ەسترادا انشىلەرى قاتىستى.

كونتسەرتتە اتاقتى قازاق، كەڭەستىك جانە شەتەلدىك كومپوزيتورلاردىڭ شىعارمالارى ورىندالدى.