ايماقتار • 10 قازان، 2019

ەڭبەگى ەرەن ەتنوگراف

47 رەتكورسەتىلدى

جاقىندا ۇلتتىق مۋزەيدىڭ «ارحەولوگيا جانە ەتنوگرافيا» ءبولىمى ۇيىمداستىرۋىمەن قازاق ەتنوگرافيا عىلىمىنىڭ نەگىزىن قالاۋشىلاردىڭ ءبىرى، تاريح عىلىمدارىنىڭ دوكتورى، پروفەسسور حالەل ارعىنباەۆتىڭ تۋعانىنا 95 جىل تولۋ قۇرمەتىنە ارنالعان «ەتنوگرافيا عىلىمىنىڭ كوشباسشىسى» اتتى دوڭگەلەك ۇستەل ءوتتى.

ءىس-شارانى «حالىق قازىناسى» عىلىمي-زەرتتەۋ ينستيتۋتىنىڭ ءبولىم جەتەكشىسى ايبار ەرلان ۇلى ءسوز سويلەپ اشتى. دوڭگەلەك ۇستەلگە ۇعا اكادەميگى، انتروپولوگ-عالىم ورازاق سماعۇلوۆ، ل.ن.گۋميلەۆ اتىنداعى ەۇۋ-ءنىڭ پروفەسسورى جامبىل ارتىقباەۆ، ۇلتتىق مۋزەيدەن ەتنولوگ، تاريح عىلىمىنىڭ كانديداتى قارلىعاش ەرعازىقىزى، مۋزەي پەداگوگيكاسى جانە بالالار شىعارماشىلىعى ءبولىمىنىڭ جەتەكشىسى گاۋھار قا­سيقىزى، تاريح ءبولىمىنىڭ اعا عىلىمي قىزمەتكەرى سىرىم سەرىكقازى ۇلى قاتىسىپ، تۇلعانىڭ زەرتتەۋ ەڭ­بەكتەرىنە جان-جاقتى تالداۋ جاسادى. اكا­دە­ميك و.سماعۇلوۆ ەڭبەك­تەرىنىڭ عىلىمدا الاتىن ورنىنا كەڭىنەن توقتالدى. پروفەسسور ج. ارتىقباەۆ عالىمنىڭ ءومىر جولى مەن عىلىمي ىزدەنىسى جايلى اڭگى­مەلەدى. عالىم ح.ارعىنباەۆتىڭ «قازاق حالقىنداعى سەميا مەن نەكە» كىتابىنىڭ قازاق ەتنوگرافياسىندا شوقتىعى بيىك ەڭبەك ەكەندىگىن جانە قازاق تىلىندە جازىلعان العاشقى ەتنوگرافيالىق مونوگرافيا ەكەنىن اتاپ ءوتتى.

حالەل ارعىنباەۆتىڭ «قازاقتىڭ مال شارۋاشىلىعى» اتتى زەرتتەۋ ەڭبەگىنىڭ دە قازاق قوعامى ءۇشىن ورنى بولەك رۋحاني قازىنا ەكەنى ايتىلدى. وكىنىشكە قاراي بۇل ەڭبەك كوبىنە نازاردان تىس قالىپ قويىپ جاتادى. وسى رەتتە ۇلتتىق مۋزەي قىزمەتكەرلەرى تاراپىنان عالىمنىڭ قۇندى ەڭبەگى الداعى ۋاقىتتا مەملەكەتتىك تاپسىرىس­پەن قايتا باسىپ شىعارىلسا دەگەن ماسەلە كوتەرىلدى. عالىمنىڭ ءىزىن جالعاعان شاكىرتتەرى ەتنوگراف-عالىم تۋرالى پىكىرلەرىن ورتاعا سالدى.

قارشىعا كۇلەن

سوڭعى جاڭالىقتار

ۇقساس جاڭالىقتار