ايماقتار • 10 قازان، 2019

تۋعان جەردەگى توسىنسىي

25 رەتكورسەتىلدى

وقىرمانعا «وزىمە ساباق»، «اقىل قالتا» ەڭبەكتەرى ارقىلى ەتەنە تانىس عالىم-جازۋشى مىرزاگەلدى كەمەل بيىل 70 جاسقا تولىپ وتىر. وسىناۋ ايتۋلى كۇنگە وراي قازاقستان جازۋشىلار وداعىنىڭ مۇشەسى، حالىقارالىق «الاش» ادەبي سىيلىعىنىڭ لاۋرەاتى، پرەزيدەنت جانىنداعى مەملەكەتتىك باسقارۋ اكادەميسىنىڭ پروفەسسورى، اۋدارماشى، قالامگەر مىرزاگەلدى كەمەل شىمكەنت قالاسىنداعى «وتىرار» عىلىمي-امبەباپ كىتاپحاناسىندا وقىرماندارمەن كەزدەستى.

قازاق وقىرماندارىنا رۋحاني ولجا سالعان ساناتكەرمەن كەزدەسۋگە جينالعان جۇرتتىڭ قاتارى كوپ بولدى. جازۋشى ەركىنبەك تۇرىسوۆ، بەلگىلى اقىن نارماحان بەگاليەۆ باستاعان ەل اعالارى مەرەيتوي يە­سىنىڭ ءومىرى مەن شىعارماشىلىعى تۋرالى سىر شەرتتى.

كەزدەسۋ بارىسىندا كىتاپ وقۋ مادەنيەتى تومەندەپ بارا جاتقان تۇس­تا وقىرماننىڭ سۇرانىسىنا وراي ساۋاتتى، تىڭ تۋىندىلار جاز­عان قالامگەردىڭ ەڭبەكتەرى جايلى عيبراتتى اڭگىمە شەرتىلدى.
جازۋشى ءۇشىن ەڭ ۇلكەن سىيلىق اتالعان كىتاپحانا عيماراتى ىشىنەن ءوزىنىڭ مۋزەي-كابينەتىنىڭ اشىلۋى بولدى.

«نەگىزى وقىرماندارمەن كەزدەسۋگە شاقىرعان ەدى. بىراق وسىنداي توسىنسىي جاساپ وتىر. الەمنىڭ 20 ەلىندە بولسام دا، مۇنداي قۇرمەت كورگەن جوقپىن. قازىر ەلوردادا تۇرامىز، الداعى ۋاقىتتا وتباسىمىزبەن تۋعان جەرگە كوشىپ كەلىپ، قىزمەت ەتۋدى جوس­پارلاپ وتىرمىز. كەلەشەكتە بۇل بولمە كەرەمەت سۇحبات الاڭىنا اينالادى دەپ ۇمىتتەنەمىن. وسى ءىستى ۇيىم­داستىرعان «وتىرار» كىتاپحا­ناسىنىڭ باسشىلىعىنا العىسىمدى بىلدىرەمىن»، دەدى تەبىرەنىسىن جاسىرا الماعان اعامىز.

تىڭدارماننىڭ قۇلاق قۇرىشىن قاندىرىپ، وقىرمانعا تەرەڭ وي سالعان كەش سوڭىندا ول جاستارعا جانە قوعام مۇشەلەرىنە رۋحاني قۇن­دىلىقتار سىيلايتىن «مە­يىرىم»، «جازباشا ترەنينگ» اتتى جا­ڭا كىتاپتارىن تانىستىردى. اۆ­توردىڭ ايتۋىنشا، بۇل كىتاپتار جا­قىن ارادا اۋقىمدى تارالىممەن جا­رىققا شىقپاق. ال بۇدان بىلاي جازۋ­شىنىڭ شىعارماسىن ىزدەۋ­شىلەر مۋزەي-كابينەتىنە كەلىپ، بار­لىق كىتاپتارىن وقي الادى. «اقىل قال­تادان» باستاپ جۋىردا عا­نا جارىق كور­گەن «جەتىلۋدىڭ 7 جولى» اتتى ەڭبە­گىنە دەيىن وسىندا قو­يىلعان.

اۆتور جوعارىدا اتالعان شى­عار­مالارىنان بولەك، ىزگىلىك پەن يمان­دىلىققا، ءبىلىم مەن پا­راسات­قا ۇندەيتىن كىتاپتار جازىپ، قىتاي عۇلامالارى لاو تسزى ءىلىمى مەن كون­فۋ­تسي ترaكتaتتaرىن تارجى­مالاعان بولاتىن.

بۇل يگى ءىس-شارا اۆتور­دىڭ 70 جىل­دىق مەرەيتويىنا ۇلكەن تارتۋ بولدى.

شىمكەنت

سوڭعى جاڭالىقتار

الماتىدا زەرتحانالار سانى ارتادى

وڭتۇستىك قازاقستان • كەشە

ۇقساس جاڭالىقتار