ادەبيەت • 10 قازان، 2019

حالىقارالىق بايقاۋدىڭ جۇلدەگەرى

28 رەتكورسەتىلدى

بەلگىلى جازۋشى-دراماتۋرگ، قازاقستاننىڭ ەڭبەك سىڭىرگەن قايراتكەرى جولتاي ءالماش ۇلى رەسەي فەدەراتسياسىنىڭ «زولوتوە پەرو رۋسي» ۇلتتىق ادەبي سىيلىعىنىڭ بيسەر كيروۆ اتىنداعى كۇمىس جۇل­دەسىمەن ماراپاتتالدى.

ءبىراز جىلدان بەرى وتكىزىلىپ كەلە جاتقان بۇل ۇلتتىق ادەبي بايقاۋعا دۇنيە ءجۇزىنىڭ قالامگەرلەرى ءوز شىعارمالارىمەن قاتىسا الادى. بيىل دا وتە كوپ شىعارمالار ءتۇسىپ، تالقىعا سالىنعان.

مىنە، سولاردىڭ اراسىنان قازاق قالامگەرىنىڭ «ۆەچنايا ەلەگيا» اتتى ورىس تىلىندە جارىق كورگەن اڭ­­گىمەلەر جيناعى «رۋحانيات» نو­ميناتسياسى بويىنشا ەرەكشە اتا­لىپ، كۇمىس جۇلدەگە لايىق دەپ تابىلدى.

مۇنى تەك قارىمدى قالامگەردىڭ شىعارماشىلىق جەتىستىگى عانا ەمەس، بۇكىل ۇلت ادەبيەتىنىڭ مارتەبەسى دەپ اتاعان ورىندى بولار.

ايتا كەتەتىن ءبىر جايت، باي­قاۋعا 70 ەلدەن 30 مىڭعا جۋىق ادام قاتىسقان.  ولار – ءتۇرلى نوميناتسيا­لار بويىنشا ەڭبەكتەرىن جولداعان اقىن-جازۋشىلار، جۋرناليستەر، سىقاقشىلار، تاريحشىلار، ەكولوگتار، اۋدارماشىلار، عالىمدار. سونىمەن قاتار قازىلار القاسى قۇرا­مىنا دا جۇزگە جۋىق بەلگىلى تۇلعا­لار تارتىلعان.  بيىلعى ۇلتتىق ادەبي بايقاۋعا 1 قاڭتار مەن 15 قىر­­­كۇيەك ارالىعىندا كەلىپ تۇسكەن تۋىندىلار ىشىنەن قازاقستاندىق قالامگەرلەردىڭ دە وزا شاۋىپ، بايگە الۋى جۇرتشىلىق تاراپىنان ادەبيەت سالاسىنداعى ايتۋلى وقيعا رەتىندە باعالانۋدا.

ءبىز قازاق قالامگەرىن حالىقارالىق ماراپاتقا يە بولۋىمەن شىن جۇرەك­تەن قۇتتىقتاپ، الداعى شىعار­ما­شىلىق جۇمىستارىنا ساتتىلىك تى­لەيمىز!

 

قارشىعا كۇلەن

 

سوڭعى جاڭالىقتار

ۇقساس جاڭالىقتار