ايماقتار • 10 قازان، 2019

ۋنيۆەرسيتەتتەگى «Zhas star» فيتنەس ورتالىعى

16 رەتكورسەتىلدى

جاستار جىلى اياسىندا وسكەمەندەگى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە «Zhas star» فيتنەس ورتالىعى اشىلدى. جاي كۇندەرى تاڭعى ساعات 07:00-دەن تۇنگى 21:00-گە، دەمالىس كۇندەرى ساعات 09:00-دەن 19:00-گە دەيىن جۇمىس ىستەيتىن ورتالىقتا ستۋدەنتتەرگە بارلىق جاعداي جاسالعان.

«ورتالىققا ۋنيۆەر­سيتە­تىمىزدىڭ دەنەشىنىقتىرۋ جا­نە سپورت فاكۋلتەتىن 25 جىل باسقارعان، شاڭعى سپورتى بويىنشا بۇكىلوداقتىق دا­رە­جەدەگى تورەشى الەكسەي ترۋ­­نوۆتىڭ ەسىمىن بەرۋدى ءجون دەپ شەشتىك. ەندى ستۋدەنت­تەرىمىز مۇندا سپورتپەن الاڭ­سىز شۇعىلدانىپ، ۇلكەن جا­رىستارعا دايىندالادى. بي­ىل شقمۋ-عا 37 سپورت شە­­بە­رى وقۋعا ءتۇستى. «التاي»، «تور­­پەدو» كلۋبتارىنىڭ سپورت­شىلارى دا بىزدە وقيدى. مەملەكەت تاراپىنان دا ۇل­كەن قولداۋ كورسەتىلىپ جاتىر. وبلىس اكىمى دانيال اح­­مەتوۆ بيىل جاستارعا 400 گرانت ءبولدى»، دەدى ورتالىقتىڭ اشى­­لۋىندا ءسوز سويلەگەن ۋني­ۆەر­­سيتەت رەكتورى مۇحتار تولەگەن.

فيتنەس ورتالىقتىڭ اشىلۋ سالتاناتىنا «قازاقستان بارىسى» ءتۋرنيرىنىڭ ەكى دۇركىن جەڭىمپازى ايبەك نۇعىماروۆ، Nur Otan پارتياسى وبلىستىق فيليالى توراعاسىنىڭ ءبىرىن­شى ورىنباسارى انۋاربەك مۇح­تارحانوۆ، الەكسەي ترۋنوۆتىڭ قىزى يرينا كور­نيلوۆيچ قاتىسىپ، جىلى لەبىزدەرىن جەتكىزدى. «بۇل جەردەن بولاشاقتا الەم چەمپيوندارى شىعاتىنىنا كۇمانىم جوق. سەبەبى بىرنەشە الەم چەمپيونى وسى قاراشاڭىراقتا وقىعان. ورتالىق قازىرگى زامان تالابىنا ساي جابدىقتالعان ەكەن. وسىنداي جاتتىعۋ زالدارى كوپ بولسىن دەگەن تىلەك ايتامىن»، دەدى داڭقتى بالۋان.

فيتنەس ورتالىقتى جاب­دىقتاۋ ءۇشىن بيۋدجەتتەن تىس 10 ميلليون تەڭگەدەن استام قاراجات ءبولىنىپتى. 50 ستۋدەنتكە تەگىن ابونەمەنت بەرىلىپتى. ال­داعى ۋاقىتتا بەلسەندى جاس­تارعا تاعى دا 50 ابونەمەنت تەگىن بولىنبەك.

 

وسكەمەن

 

سوڭعى جاڭالىقتار

الماتىدا زەرتحانالار سانى ارتادى

وڭتۇستىك قازاقستان • كەشە

ۇقساس جاڭالىقتار