ايماقتار • 10 قازان، 2019

اتىراۋداعى سكەيت-پارك

16 رەتكورسەتىلدى

ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ما­قا­لاسى ءبىراز يگى ىستەرگە جول اشتى. سونىڭ تاعى ءبىر دالەلى – اتىراۋدا اشىلعان سكەيت-پارك.

ەكسترەمالدى سپورتقا قى­زىعاتىن جاستارعا ارنال­عان جاڭا نىسان اتالعان باعدارلامانىڭ «تۋعان جەر» باعىتى بويىنشا اتىراۋ قالاسىنىڭ كۇنىنە ارنالعان سىي بولدى. يگى ىسكە ۇيىتقى بولعان – «گازسترويمونتاج» جشس باسشىسى ەرلان تا­بىلديەۆ. بۇعان دەيىن دە اي­ماقتا بۇقارالىق سپورتتى دا­مىتۋ شارالارىنا بەلسەندى قاتىسىپ جۇرگەن كاسىپكەر وبلىس ورتالىعىنداعى «رەترو ساياباقتان» وسىنداي ورىن اشۋدى ءجون كورىپتى.

قالا كۇنى مەرەكەسىندە پاي­دالانۋعا بەرىلگەن نىساننىڭ اشىلۋ سالتاناتىندا شاھار باسشىسى اليمۇحاممەد قۇت­تۇ­مۇرات ۇلى: «جاڭا سكەيت-پارك سپورتتى دامىتۋعا سۇبەلى ۇلەس قوسادى دەگەن سە­نىمدەمىن. جاستاردىڭ ۋا­قىتىن ءتيىم­دى وتكىزۋگە ار­نالعان سپورت­تىق نىساندار قاتارىن تولىقتىرىپ، الاڭ­دار سالۋدى العا قاراي دا جالعاستىرا بەرەمىز»، – دەپ اتاپ ءوتتى.

سكەيت-پاركتىڭ جالپى اۋماعى – 1600 شارشى مەتر. مۇندا سىرعاناپ، كروسسفيتپەن شۇعىلدانۋعا، ستريتبول الاڭىندا اينالىسۋعا بولادى. قوعامدىق تاماقتانۋ، سپورتتىق قۇرالدار ساتاتىن ورىندار دا قاراستىرىلعان.

وبلىس ورتالىعىندا جا­يىق وزەنىنىڭ جاعاسىندا ور­نالاسقان رەترو ساياباق بۇ­­­­گىندە اتىراۋلىقتار مەن قا­لا قوناقتارىنىڭ دەمالا­تىن جايلى ورنىنا اينالدى. ادەمى گۇلزارلارمەن كوم­كەرىلگەن سايا­باقتا امفي­تەاتر، كافە، كورمە زالى، مۋ­­زىكالىق سۋبۇرقاق پەن جا­ساندى توعان بار. ەندى بۇل قاتارعا سكەيت-پارك تە قو­­سىلدى.

 

اتىراۋ

 

سوڭعى جاڭالىقتار

ۇقساس جاڭالىقتار