نەگىزگى مالىمدەمە ازاماتتىق قوعام جونىندە بولدى. جولداۋدا ازاماتتاردىڭ بارلىق ءوتىنىش-تىلەكتەرىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ مىندەتى قويىلدى. اسا ماڭىزدى مەملەكەتتىك مىندەتتەردى شەشۋ ءۇشىن تالقىلاۋ جۇمىستارىنا ازاماتتىق قوعامدى تارتۋعا شاقىردى. وسىنداي ماقساتتا «ۇلتتىق قوعامدىق سەنىم كەڭەسى» قۇرىلعانىن جانە بۇل كەڭەس روتاتسيالىق تارتىپپەن جۇمىس ىستەيتىندىگىن ايتتى.
پرەزيدەنت قازاق ءتىلىنىڭ مەملەكەتتىك ءتىل رەتىندەگى ءرولىن ناقتىلادى, قازاق ءتىلىنىڭ الداعى ۋاقىتتا ۇلتارالىق قاتىناس تىلىنە اينالاتىنىن جەتكىزدى. جولداۋداعى ەڭ ماڭىزدى ماسەلە – جەردىڭ شەتەلدىكتەرگە ەشقاشان ساتىلماۋى تۋرالى ايتۋى بولدى. سونداي-اق جولداۋدا مۇمكىندىگى شەكتەۋلى ادامدارعا قامقورلىق كورسەتۋدى, باعانى ءجونسىز وسىرۋگە تىيىم سالۋدى, شاعىن جانە ورتا بيزنەسكە قولداۋ جاساۋدى, ادام ساۋداسى مەن جىنىستىق زورلىق-زومبىلىققا, بالالارعا قاتىستى قىلمىستارعا قولدانىلاتىن جازانى شۇعىل تۇردە قاتايتۋدى تاپسىردى.
جولداۋداعى تاعى ءبىر قۋاناتىن جاعداي مەملەكەت باسشىسى ۇكىمەتكە جىل سوڭىنا دەيىن ازاماتتاردىڭ زەينەتاقى جيناعىنىڭ ءبىر بولىگىن ماقساتتى تۇردە پايدالانۋىنا بايلانىستى بولدى, مىسالى, باسپانا ساتىپ الۋ نەمەسە ءبىلىم الۋ ءۇشىن جۇمساۋ ماسەلەسىن جىل سوڭىنا دەيىن پىسىقتاۋدى تاپسىردى. تاعى ءبىر جاڭالىق, مەملەكەتتى باسقارۋ «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسى بويىنشا جۇزەگە اساتىندىعى. بۇل فورمۋلا بويىنشا حالىق جەرگىلىكتى بيلىك جۇمىسىن تىكەلەي باعالاي الادى. ساۋالناما جانە ونلاين داۋىس بەرۋ ارقىلى تۇرعىنداردىڭ 30 پايىزىنان استامى قالا نەمەسە اۋىل اكىمىنىڭ جۇمىسىن ءتيىمسىز دەپ ەسەپتەسە, بۇل پرەزيدەنت اكىمشىلىگىنىڭ ارنايى كوميسسيا قۇرىپ, تۋىنداعان ماسەلەنى زەرتتەۋىنە جانە ءتيىستى ۇسىنىم ەنگىزۋىنە نەگىز بولا الادى. جولداۋدا ايتىلعان ۇسىنىستار مەملەكەت باسشىسىنىڭ ەلدى تولعاندىرعان ماسەلەنى بىلەتىنىن دالەلدەدى. وعان قوسا, الداعى ۋاقىتتاردا اتقارىلاتىن جۇمىستاردىڭ ناقتى جوسپارىنا اينالادى دەپ سەنەمىز.
ەرجان قۇتتىباەۆ,
اۋداندىق ءماسليحات دەپۋتاتى, ازاماتتىق قوعام وكىلى
شىعىس قازاقستان وبلىسى,
تارباعاتاي اۋدانى
