قوعام • 10 قازان، 2019

زياتكەرلەر زەينەتكەرلەرگە قۇرمەت كورسەتتى

38 رەتكورسەتىلدى

نازارباەۆ زياتكەرلىك مەكتەپتەرىندە ۇزاق مەرزىمدى قامتيتىن «ۇرپاقتار ساباقتاستىعى» جوباسى ءوز جۇمىسىن باستادى.

جوبانىڭ ماقساتى – زەينەت جاسىنداعى قاريالار مەن زيات­­كەر وقۋشىلاردىڭ اراسىندا قارىم-قاتىناس ورناتۋ، جالعىز تۇراتىن قارتتارعا سەپتەسىپ، مەكتەپ ومىرىنە ارالاسۋىنا ىقپال ەتۋ. شاڭىراق وقۋشىلارىمەن بىرلەسكەن شىعارماشىلىق جۇ­مىس­تار ىستەۋ ارقىلى ۇلتتىق قۇن­دىلىقتاردى دارىپتەۋدە قاريالار مەن جاس ۇرپاقتىڭ سابا­ق­تاس­تىعىن قالىپتاستىرۋ، رۋ­حاني مادەنيەتىن كوتەرۋ، ادامگەر­شىلىككە، ەڭبەككە تاربيە­لەۋ.

جۋىردا زياتكەرلىك مەكتەپتەر وقۋشىلارى مەن ۇجىمدارى ءبىر ادامداي دايىندالىپ، قارتتار كۇنىنە وراي وسى اۋقىمدى جوبانى قولعا العان. وسى ورايدا اقتاۋداعى NIS قاريالارعا ىزەت كورس­ەتۋ ماقساتىندا «ۇرپاقتار ساباقتاستىعى» فوتوكورمەسىن ۇيىم­داستىردى. مەكتەپتىڭ باس دالىزىندە بالالاردىڭ اتا-اجە­لە­رىمەن تۇسكەن سۋرەتتەرى قاز-قاتار ءىلىنىپ، ىستىق لەبىز ءبىلدىرۋ تاق­تاي­شاسى ورناتىلىپتى.

قىزىلور­دالىق زياتكەرلەر ايما­قتاعى ءتۇرلى سالالاردا قىزمەت ەتكەن زەينەتكەرلەردى شاقى­رىپ، قاريالاردىڭ ءومىر جو­لىن­داعى كورگەن قىزىق-قۋا­نىش­­تارى، جەتكەن جەتىس­تىك­تەرى تۋرالى اڭگىمەلەرىن تىڭداپ، مەيماندارعا مەرەكەلىك كونتسەرت ۇيىمداستىردى، ءوز قولدارىمەن جاساعان سىي-سياپاتتارىن ۇلەس­تىر­دى. ال تالدىقورعانداعى زياتكەرلىك مەكتەپ الماتى وبلى­سىنىڭ مامانداندىرىلعان مەكە­مەلەرى اراسىندا ءوزارا ىنتى­ماق­تاس­تىق تۋرالى مەموراندۋمعا قول قويىپ، ەرىكتىلەر قوزعالىسىن كەڭەيتۋگە جانە وقۋشىلاردىڭ جاھاندىق جاۋاپكەرشىلىگىن ارتتى­رۋعا باعىتتالعان الەۋ­مەت­تىك جو­بالاردى جۇزەگە اسىرۋعا بەكى­­نىپ وتىر.

سونداي-اق پەتروپاۆل قالا­سىنداعى مەكتەپ «كوپتى كور­گەن كونەمىن!» اتتى ءىس-شارا ۇيىم­داس­تىرىپ، وبلىستاعى ارداگەر ۇستازداردى قوناققا شاقىرعان. ولارعا مەكتەپىشىلىك ەكسكۋرسيا جاسالىپ، وقۋشىلار ءوز ونەر­لە­رىن كورسەتتى. وسكەمەندەگى زيات­كەر­لىك مەكتەپ ء«بىز بىرگەمىز» قايى­رىم­دىلىق اكتسياسىن باستاپ، «سولنەچنىي» كەنتىندەگى قارتتار ۇيىنە ۇستەل ويىندارى مەن ادەبي كىتاپ­تار جيناۋدى قولعا السا، سەمەيدەگى NIS جوبانى ەرەكشە فورماتتا باستاۋدى ءجون كورگەن ەكەن. ولار مەكتەپتىڭ اكت زالىندا «مەيىرىمدىلىك پەن قۇرمەت كۇنى» اتاۋىمەن 11-سىنىپ وقۋشىلارى مەن پە­داگوگ-ۇيىمداستىرۋشى-كۋراتورلار كونتسەرتتىك ەلە­مەنت­­تەرى ارالاس توك-شوۋ ۇيىم­داستىرعان. قوناقتارعا ءتۇرلى ونەر ۇيىرمەلەرىنىڭ تاربيە­لەنۋ­­شى­لەرى دايىنداعان ساحنالىق قويى­لىمدار تارتۋ ەتىلگەن.

الماتى قالاسىنداعى حيميا-بيولوگيالىق باعىتتا ءبىلىم بەرە­تىن وقۋ ورداسى «قارتتارىم – اسىل قازىنام» تاقىرىبىمەن تاڭعى بريفينگ ۇيىمداستىرىپ، اعا بۋىن وكىلدەرىنە ارناپ ءان ايتىپ، شابىتتانا ولەڭ وقىدى. «اتام مەن اجەمنىڭ شەبەرحاناسى» دەگەن اتاۋمەن ەلوردالىق فيزيكا-ماتەماتيكالىق باعىت­تاعى مەكتەپ شەبەرلىك ساعات­تا­رىن ۇيىمداستىردى. ال ورال قالاسىنداعى زياتكەرلىك مەك­تەپ وقۋشىلارى بۇل كۇنى زاعيپ جانداردىڭ ۇيلەرىنە بارىپ، كومەك قولدارىن سوزعان. سونى­مەن قاتار جۋىق ارادا قارتتار ۇيىنە بارىپ، «قازاق اندەرى» جوباسىمەن تانىستىراتىن بولادى.

تارازدىقتار 50-گە جۋىق جال­عىز باستى قارت پەن الەۋمەتتىك ورتا­لىق وكىلدەرىن ءبىلىم ورداسىنا شاقىرىپ، قولونەر بويىنشا شەبەرلىك ساعاتتارىن وتكىزدى. پاۆلودار، اتىراۋ، كوك­شە­تاۋ، قوستاناي، قاراعاندى مەكتەپتەرى دە قارتتار ءۇيى مەن ارنايى پانسيوناتتارعا بارىپ، ءوز ونەرلەرىن كورسەتىپ، قولونەر بۇيىمدارىن جاساۋ بويىنشا، ءتۇرلى شەبەرلىك ساعاتتارىن وتكى­زۋدى، اقتوبەلىكتەر قارتتار ۇيىن­دە سپورتتىق سايىستار ۇيىم­داستىرۋدى، ال الماتى قالا­سى­نىڭ فيزيكا-ماتەما­تي­كالىق باعىتتاعى مەكتەپ وقۋشى­لا­رى قارتتار ۇيىندە سەنبىلىك وتكىزۋدى جوسپارلاپ وتىرعان كورىنەدى.

– قوعامداعى قاريالاردىڭ ورنى مەن ءرولىن كوتەرىپ، قارتتار مەن وقۋشىلار اراسىندا ۇرپاقتار ساباقتاستىعىنىڭ نىعايۋىنا ىقپال ەتۋگە تىرىسامىز، – دەيدى زياتكەرلىك مەكتەپتەردى دامىتۋ دەپارتامەنتى ديرەكتورىنىڭ ورىنباسارى ايدا اعادىل. – ەگدە جاستاعى ادامداردىڭ ەموتسي­و­نالدى جاعدايىنىڭ جاقسا­رۋى، كۇندەلىكتى ومىردەگى بەلسەن­دى­­لىكتەرىن ارتتىرۋعا، جالپى ۆو­لون­تەرلىك قوزعالىستى كەڭەي­تۋ­دە زياتكەرلىك مەكتەپتەر تاراپى­نان ۇلەس قوسىلسا دەگەن ويى­مىز بار.

­بىزدىڭشە، بۇل جوبا ارقىلى بالالار ۇرپاقتار ساباقتاستىعىن جالعاپ، قايىرىمدىلىق ءىس-ارەكەتتەرى ارقىلى ۇلكەندەردى سىيلاۋدى، قاجەت كەزدە قولعابىس بەرۋدى، ەڭ باستىسى، اتا-اناسىنا قامقور بولۋدى ۇيرەنەدى.

 

سوڭعى جاڭالىقتار

ۇقساس جاڭالىقتار