ساياسات • 09 قازان، 2019

ەقىۇ: اۋعانستان ماسەلەلەرى بويىنشا دوڭگەلەك ۇستەل ءوتتى

20 رەتكورسەتىلدى

سىرتقى ىستەر مينيسترلىگى ەۋروپاداعى قاۋىپسىزدىك جانە ىنتىماقتاستىق ۇيىمىمەن (ەقىۇ) بىرلەسىپ «اۋعانستان جانە ەقىۇ:  ارىپتەستىك پەن ىنتىماقتاستىق ءۇشىن مۇمكىندىكتەر جاساۋ» تاقىرىبىندا دوڭگەلەك ۇستەل ۇيىمداستىردى. بۇل تۋرالى ءسىم ءباسپاسوز قىزمەتى حابارلادى.

ءىس-شارا ەقىۇ-عا قاتىسۋشى ەلدەردىڭ تۇراقتى وكىلدەرىنىڭ، ونىڭ ىشىندە ورتالىق ازيانىڭ ءۇش ەلى بويىنشا ۇيىمنىڭ باسقارۋشى «ۇشتىگى» مۇشەلەرىنىڭ تۋرنەسى اياسىندا وتكىزىلدى.

دوڭگەلەك ۇستەل جۇمىسىنا نەگىزگى بايانداماشىلار رەتىندە بۇۇ ارنايى وكىلى، اۋعانستانعا كومەك كورسەتۋ جونىندەگى بۇۇ ميسسياسىنىڭ باسشىسى تاداميچي ياماموتو، ارنايى وكىلى، ورتالىق ازيا ءۇشىن پرەۆەنتيۆتى ديپلوماتيا جونىندەگى بۇۇ وڭىرلىك ورتالىعىنىڭ باسشىسى ناتاليا گەرماندى قوسا العاندا،  حالىقارالىق جانە وڭىرلىك ۇيىمداردىڭ جوعارى لاۋازىمدى وكىلدەرى، سونداي-اق ەقىۇ، ەو، اوسشك، شىۇ، ءواواۇو جانە بۇۇ بجكب دەلەگاتتارى قاتىستى.

قازاقستاننىڭ سىرتقى ىستەر ءمينيسترى مۇحتار تىلەۋبەردى، ءوزىنىڭ قۇتتىقتاۋ سوزىندە: «ەقىۇ-نىڭ وسىنداي وكىلەتتى دەلەگاتسياسىنىڭ ساپارى 2010 جىلى وتكەن وسى جۇزجىلدىقتاعى جالعىز بولىپ سانالاتىن استانا ءسامميتىنىڭ قورىتىندىسىن جۇيەلى ىسكە اسىرۋعا ەۋروپالىق سەرىكتەستەردىڭ مۇددەلىلىگىن كۋالاندىرادى»، - دەپ اتاپ ءوتتى.

«ورتالىق ازيانىڭ بولاشاعى اۋعانستاننىڭ بەيبىت جانە تۇراقتى دامۋىمەن تىعىز بايلانىستى. قازاقستان اۋعان حالقىنا ءوز مەملەكەتىنىڭ قالپىنا كەلتىرۋىنە ەكىجاقتى جانە كوپجاقتى قولداۋ كورسەتۋدى جالعاستىرۋدا. ءبىز، مىقتى جاھاندىق جانە وڭىرلىك ارىپتەستىك، ۇزاق مەرزىمدى ينۆەستيتسيالار مەن وڭىرلىك ۇيلەسىمدىلىكتىڭ وسى ەلدىڭ بەيبىت بولاشاعىن قامتاماسىز ەتۋ ءۇشىن ماڭىزدى مانگە يە ەكەنىنە سەنەمىز»، - دەدى م. تىلەۋبەردى.

ءسىم باسشىسى، اۋعانستانعا كومەك كورسەتۋ، ونىڭ ىشىندە قر-نىڭ ەقىۇ-عا، يسلام ىنتىماقتاستىعى ۇيىمىنىڭ سىرتقى ىستەر مينيسترلەرىنىڭ كەڭەسىنە 2011 جىلى توراعالىق ەتۋ بارىسىندا، سونداي-اق 2017-2018 جىلدارى بۇۇ قاۋىپسىزدىك كەڭەسىنە تۇراقتى ەمەس مۇشەلىگى كەزەڭىندە ءداستۇرلى تۇردە ەلدىڭ سىرتقى ساياساتىنىڭ نەگىزگى باسىمدىقتارىنىڭ ءبىرى بولىپ تابىلاتىنىن ەرەكشە اتاپ ءوتتى.

وسى تۇستا م. تىلەۋبەردى، فورۋمعا قاتىسۋشىلاردىڭ نازارىن،  پرەزيدەنت ق. توقاەۆتىڭ  قازاقستاندا ورنىقتى دامۋ ماقساتتارى بويىنشا بۇۇ ارنايى وڭىرلىك ورتالىعىن، سونداي-اق تۇراقتى ءوزارا بايلانىس جونىندەگى ەقىۇ تاقىرىپتىق ورتالىعىن قۇرۋ قاجەتتىلىگى تۋرالى باستاماسىنا اۋدارتتى.

ءوز كەزەگىندە كەزدەسۋ قاتىسۋشىلارى، ەقىۇ-شىۇ جانە ەقىۇ-اوسشك جەلىسى بويىنشا اۋعانستانعا كومەك كورسەتۋ ۇدەرىسىنە قاتىساتىن نەگىزگى حالىقارالىق جانە وڭىرلىك ۇيىمدار اراسىنداعى سينەرگيانى دامىتۋدىڭ ماڭىزدىلىعىن اتاپ ءوتتى.

سونىمەن، بۇۇ-نىڭ جوعارى وكىلدەرى ت. ياماموتو جانە ن. گەرمان ورتالىق ازياداعى بەيبىتشىلىك پەن تۇراقتىلىقتى قولداۋداعى قازاقستاننىڭ جانە ءوڭىردىڭ باسقا دا ەلدەرىنىڭ ەلەۋلى ۇلەسى تۋرالى مالىمدەدى. اتاپ وتىلگەندەي، بۇۇ قاۋىپسىزدىك كەڭەسىنە مۇشەلىگى بارىسىندا ءبىزدىڭ ەلىمىز حالىقارالىق قوعامداستىقتا اۋعان تاقىرىبىن تالقىلاۋ دەڭگەيىن ارتتىرۋ ءۇشىن جەكە مىسال رەتىندە پراكتيكالىق ۇلەسىن كورسەتتى.

يىۇ-نىڭ اۋعانستانداعى تۇراقتى وكىلى ح. بوتسالى ءوز سوزىندە، قازاقستاننىڭ مۇسىلمان الەمى مۇشەلەرى اراسىنداعى داۋسىز بەدەلىنە، سونداي-اق قر تۇڭعىش پرەزيدەنتى - ەلباسى ن. نازارباەۆتىڭ يىۇ كەڭىستىگىندەگى بەيبىت باستامالارىنىڭ، ونىڭ ىشىندە يسلامدىق تاتۋلاسۋ جونىندەگى زور الەۋەتىنە توقتالدى.

شەتەلدىك قوناقتار، قازاقستاننىڭ، ەۋروپالىق وداقتىڭ جانە قازاقستان رەسپۋبليكاسىنىڭ جەتەكشى جوو بازاسىندا اۋعان جاستارىنا ارنالعان ءبىلىم بەرۋ جوبالارىن ىسكە اسىرۋ جونىندەگى بۇۇ دامۋ باعدارلاماسىنىڭ كوپجاقتى كۇش-جىگەرىن جوعارى باعالادى.

تۇراقتى وكىلدەر نۇر-سۇلتان جانە الماتى قالالارىندا بولعان كەزدەرىندە مەملەكەتتىك حاتشىسى ق. كوشەرباەۆ، جوعارعى سوت باسشىلىعى، اقپارات جانە قوعامدىق دامۋ ءمينيسترى د. اباەۆ، ادام قۇقىقتارى جونىندەگى ۋاكىلى ە. ءازىموۆا جانە قر-نىڭ باسقا دا مەملەكەتتىك ورگاندارى مەن ۆەدومستۆولارىنىڭ باسشىلارىمەن كەزدەسىپ، قابىلداۋىندا بولدى.

ساپار باعدارلاماسىنا، سونداي-اق «استانا» حالىقارالىق قارجى ورتالىعىنا بارۋ دا كىردى، ونىڭ جۇمىسىن احقو باسشىسى ق. كەلىمبەتوۆ تانىستىردى.

سوڭعى جاڭالىقتار

ۇلتتىق كينوداعى كارانتين

ايماقتار • بۇگىن، 16:56

ۇقساس جاڭالىقتار