«قازاق ءتىلى» قب توراعاسى بەكتۇر تولەۋعاليەۆتىڭ ايتۋىنشا, بىرلەستىك ابىشكە ارنالعان بايقاۋلاردى 1995 جىلدان بەرى ۇيىمداستىرىپ كەلەدى. دارىندى جاستاردى انىقتاۋ, قولداۋ كورسەتۋ ماقساتىنداعى بايقاۋدا باق سىناعان 20-عا تارتا جاس اقىنداردىڭ وبلىستىڭ بەلگىلى ونەر ادامدارى مەن عالىمدار باعالادى.
ناتيجەسىندە, 1-ورىندى شايىر ورتا مەكتەبىنىڭ 10-سىنىپ وقۋشىسى اماندىق ورىنباەۆ, 2-ورىندى ء«بىلىم يننوۆاتسيا ليتسەيىنىڭ» 10-سىنىپ وقۋشىسى رامازان تەزەكباەۆ يەلەنسە, 3-ورىن ماڭعىستاۋ اۋدانى, شەتپە ليتسەيىنىڭ 11-سىنىپ وقۋشىسى ۇلداي داۋىلوۆاعا بۇيىردى. ماراپاتتى ماڭعىستاۋ وبلىسى اكىمىنىڭ ورىنباسارى ق.جۇماشەۆ تابىستادى.
سونداي-اق شارادا وزگە اتالىمدار بويىنشا وتكەن بايقاۋدىڭ قورىتىندىلارى جاريالاندى. «قازاق حالقىنىڭ ۇلتتىق ادەت-عۇرىپ, سالت-داستۇرلەر تۋرالى شىعارما» اتالىمى بويىنشا تۇپقاراعان اۋدانى ج.مىڭباەۆ اتىنداعى مەكتەپ-گيمنازياسىنىڭ 10-سىنىپ وقۋشىسى گۇلدانا نۇرعابىلوۆا جۇيرىك دەپ تانىلدى. «ەلباسى ەڭبەكتەرىنەن شىعارما» اتالىمى بويىنشا ىنتالاندىرۋ سىيلىعىن ءىت ليتسەيىنىڭ 10-سىنىپ وقۋشىسى شۇعىلا جولامانوۆا, 3-ورىندى بەينەۋ اۋدانىنىڭ كۇيكەن ورتا مەكتەبىنىڭ وقۋشىسى ايدانا جاديگەروۆا ۇتىپ السا, ء«ابىش كەكىلباەۆتىڭ ەڭبەكتەرىنەن شىعارما» اتالىمىنان 1-ورىن قاراقيا اۋدانىنىڭ №1 مەكتەپتىڭ 9-سىنىپ وقۋشىسى ارايلىم سابىروۆاعا, «اباي قۇنانباەۆتىڭ ەڭبەكتەرىنەن شىعارما» اتالىمىنان جۇلدە تۇپقاراعان اۋدانىنىڭ م.ابدىحالىقوۆ اتىنداعى ورتا مەكتەپتىڭ 10-سىنىپ وقۋشىسى ۇلميرا جيدەلىگە بۇيىردى.
بايقاۋدا ورىن العان جۇلدەگەرلەرگە ديپلومدار جانە قىمبات سىيلىقتار تابىستالدى, ىنتالاندىرۋ سىيلىعىن العاندار دا تارتۋدان تىس قالعان جوق.
