ايماقتار • 09 قازان، 2019

قوستاناي وبلىسىندا اۋىل كىتاپحانالارىنىڭ سانى سوڭعى ءۇش جىلدا ەكى ەسە قىسقارعان

21 رەتكورسەتىلدى

بۇل جونىندە  بۇقارالىق اقپارات قۇرالدارى ءۇشىن وتكىزگەن بريفينگتە وبلىستىق امبەبەپ  كىتاپحانا ديرەكتورى داريعا دۇيسەباەۆا ءمالىم ەتتى.

2016 جىلدىڭ قاڭتارىندا  وبلىس اۋداندارىندا، اۋىلداردا 406 كىتاپحانا بولسا، بۇگىن ولاردان  255  كىتاپحانا عانا قالدى. ونىڭ باستى سەبەبى  ىشكى-سىرتقى كوشى-قوننىڭ توقتاماۋى  ەكەنى بەلگىلى. كوپتەگەن اۋىلداردا از عانا ءتۇتىن قالعاندىقتان، ول جەردە كىتاپحانا ۇستاۋ جەرگىلىكتى بيۋدجەتكە ءتيىمسىز. امالسىزدان الدىڭعىلاردىڭ ءبىرى بولىپ كىتاپحانا جابىلادى.

ء«بىز بۇل ۇدەرىسكە ەشتەڭە ىستەي الماي وتىرمىز. اۋىلدا قانشا ادام قالسا دا، كىتاپحانا ولاردىڭ باراتىن ورنى.  مەرزىمدى باسپاسوزدەردى الىپ وقيدى، كىتاپ الادى دەگەندەي، باس قوساتىن ورىن دا كىتاپحانا، ويتكەنى  ءتۇرلى شارالار وتكىزدى. اۋىل، اۋدان اكىمدەرىنە وسىلاي ءتۇسىندىرىپ ايتامىز، بىراق ناتيجە ونشالىقتى جوق» دەدى داريعا دۇيسەباەۆا.

سونىمەن قاتار ول ل.تولستوي اتىنداعى ورتالىق امبەباپ كىتاپحانا جاعدايىن دا ايتتى. ول 40 جىلدان بەرى جوندەۋ جۇمىسىن كورمەگەن، قىستا سۋىق، جازدا تىم ىستىق. ء«ۇمىتىمىزدى ۇزبەيمىز، الداعى جىلدارى جوندەلەتىن بولۋى ءتيىس» دەدى ول.

سوڭعى جاڭالىقتار

ۇقساس جاڭالىقتار