ايماقتار • 09 قازان، 2019

چاك-چاك دايىنداۋدان سايىس ءوتتى

34 رەتكورسەتىلدى

شىمكەنتتە تاتار جانە باشقۇرت ەتنوستارىنىڭ ءتىلى مەن مادەنيەتى كۇنى ءوتىپ، وندا اسپازدار اراسىندا چاك-چاك دايىنداۋ­دان سايىس ۇيىمداستىرىلدى. بايقاۋعا ەسكى تاتار رەتسەپتىمەن دايىندالعان 10-نان استام تاعام ۇسىنىلدى.

بىرنەشە جىل قاتارىنان ۇيىم­داستىرىلىپ كەلە جاتقان باي­قاۋدىڭ شارتى بويىنشا تا­عامنىڭ ءدامى، دايىنداۋ ءتاسىلى نازارعا الىندى. ءىس-شاراعا قاتى­سۋشىلار «قۇس ءتىلى»، «وراما»، «ساۋكەلە»، «بايتەرەك» سەكىلدى اتاۋ بەرىلگەن 10-نان اس­تام چاك-چاك تۇرىنەن ءدام تاتىپ، ارنايى دا­يىندالعان كونتسەرتتىك باعدار­لامانى تاماشالادى.

بايقاۋ قورىتىندىسى بويىن­شا ءبىرىنشى ورىنعا زۋلفيا بوگ­دانوۆا دايىنداعان «قۇس ءتىلى» چاك-چاگى لايىقتى دەپ تابىلدى. وزگە جەڭىمپازدار العىس حاتتار جانە باعالى سىيلىقتارمەن ماراپاتتالدى.

«چاك-چاك – ماي مەن سۇتكە يلەنگەن قامىردان جاسالىپ، بال ارالاستىرىلعان تاعام. تاتار ۇلت­تىق اسحاناسىنىڭ ماقتانىشى سانالادى. ونى نەگىزىنەن جاس جۇبايلاردىڭ ءومىرى بالداي ءتات­تى بولسىن دەگەن نيەتپەن ۇي­لەنۋ تويلارىندا داستارقانعا قويادى. سونىمەن قاتار قادىرلى قوناقتارعا ەرەكشە اس رەتىندە ۇسى­نادى»، دەي­دى شىمكەنت قالالىق تاتار-باش­قۇرت ەتنومادەني بىر­لەس­تىگىنىڭ ءتور­ايىمى اسيا مۋحام­مە­دوۆا.

تاتار مەن باشقۇرت ەتنوس­تارىنىڭ ءتىلى مەن مادەنيەتىنە ارنالعان ءىس-شارادا قالالىق قازاقستان حالقى اسسامبلەياسى توراعاسىنىڭ ورىنباسارى ءمۇ­راتالى قالمۇراتوۆ تۇتاستىقتى تۋ ەتكەن وسىنداي يگى شارالار ارقىلى ەلدىڭ بەرەكە-بىرلىگىن نىعايتۋدىڭ ماڭىزدىلىعىن ءسوز ەتتى.

ايتا كەتۋ كەرەك، بۇگىندە شىم­كەنتتە 10 مىڭنان استام تاتار مەن 400-گە جۋىق باشقۇرت ۇلتى­نىڭ وكىلدەرى تۇرادى. ءوز بولاشاعىن قازاق­­ستانمەن بايلانىستىرعان ولار ەلىمىزدىڭ ءال-اۋقاتىن ارتتىرۋ جولىندا ءتۇرلى سالالاردا جەمىستى ەڭبەك ەتۋدە. قالالىق تاتار-باشقۇرت ەتنو­مادەني بىرلەستىگى قالا كولە­مىندە ۇيىمداستىرىلاتىن ءىس-شا­رالارعا بەلسەنە قاتىسىپ كەلەدى.

 

 

شىمكەنت

 

سوڭعى جاڭالىقتار

ۇقساس جاڭالىقتار