Alageum Electric كومپانياسى, «ەنەرگيا» قازاقستاندىق وتىن-ەنەرگەتيكا جۇيەلەرىن عىلىمي-زەرتتەۋ جانە جوبالاۋ-ىزدەستىرۋ ينستيتۋتى اق جانە «ەلەكترودەتال» جشس كاسىپورىندارىنىڭ قۇرامىنا كىرەتىن كەنتاۋ ترانسفورماتور زاۋىتىنىڭ عالىمدارى مەن ينجەنەرلەرى قۇراستىرعان قۋاتى جوعارى قۇرىلعى وسى سالاداعى ءىرى جەتىستىك بولىپ سانالادى. اتالعان قوندىرعىنىڭ ستاندارتتى ترانسفورماتورلاردان باستى ايىرماشىلىعى جۇمىس ىستەۋ كەزىندەگى ەنەرگيا شىعىنى 43 پايىزعا تومەندەتىلگەن. ءبىر ەرەكشەلىگى, اتالعان قۋات كوزى ساعات ءتارىزدى جۇمىس ىستەيدى. تەلەفونداردى زاريادتاۋعا, ميكروتولقىندى پەشتە تاعامدى قىزدىرۋعا, ەلەكتر شاينەكتەرىن قايناتۋعا جانە ەلەكتر ەنەرگياسىنسىز كوپ نارسەنى جاساۋعا بولادى.
ءبىلىم جانە عىلىم مينيسترلىگى مەن دۇنيەجۇزىلىك بانك ء«ونىمدى يننوۆاتسيالاردى ىنتالاندىرۋ» اتتى جوبانى بىرلەسىپ جۇزەگە اسىرىپ كەلەدى. وسى جوبا اياسىندا اۆتوترانسفورماتور 2017 جىلى ء«ونىمدى يننوۆاتسيالار كونسورتسيۋمىنىڭ» باعدارلاماسى شەڭبەرىندە قولداۋ تاپقان بولاتىن. عىلىم مەن بيزنەستى بىرىكتىرۋ ارقىلى كولىك جاساۋ سالاسىندا يننوۆاتسيالىق ىلگەرىلەۋگە قول جەتكىزىپ وتىر.
ەلىمىزدەگى قۋاتتىلىعى وتە جوعارى العاشقى اۆتوترانسفورماتوردىڭ جوبالاۋشىسى تەحنيكا عىلىمدارىنىڭ دوكتورى, قازاقستاننىڭ ەڭبەك سىڭىرگەن ەنەرگەتيگى سەرگەي سوكولوۆ. ءوز سالاسىندا ۇلكەن ناتيجەلەرگە قول جەتكىزگەن ونىڭ عىلىمي ەڭبەكتەرى ەلىمىزدە جانە شەتەلدەردە جاريالانىپ, جاقسى باعاعا يە بولعان.
«قۋاتى 63 مۆا اۆتوترانسفورماتور قازاقستانعا وتە قاجەت. مۇنداي ترانسفورماتورلارعا دەگەن سۇرانىس كۇننەن-كۇنگە ارتىپ كەلەدى. ال شەتەلدەردە بۇل ترانسفورماتور ءوزىنىڭ ەرەكشەلىكتەرىنە وراي باسقا دا وسىنداي ترانسفورماتورلارمەن باسەكەگە تۇسە الادى», دەدى س.سوكولوۆ.
كەنتاۋ ترانسفورماتور زاۋىتىنىڭ اۆتوترانسفورماتورى وتاندىق ءونىم رەتىندە پايدالانۋعا ءازىر تۇر. جۋىق ارادا تۇركىستان وبلىسىنا قاراستى كەلەس, سارىاعاش جانە ماقتاارالدا ەلەكتر ەنەرگياسىن بولە باستايدى. بۇگىنگى تاڭدا سارىاعاش اۋدانىنىڭ تۇرعىن ءۇي-كوممۋنالدىق شارۋاشىلىق مەكەمەسىمەن شارت جاسالعان.
قۋاتتىلىعى جوعارى ترانسفورماتورلارعا دەگەن سۇرانىس جىلدان-جىلعا ارتىپ كەلەدى. ماسەلەن, ەلىمىزدەگى بارلىق قوسالقى ستانسالار حح عاسىردىڭ 80-جىلدارى سالىنعانى بەلگىلى. دەمەك, الداعى ۋاقىتتا ولاردى جاڭعىرتۋعا تۋرا كەلىپ وتىر. سوندىقتان ەسكى قۇرىلعىلاردى ءوزىمىزدىڭ وتاندىق ونىمگە الماستىرۋ قازاقستانداعى يمپورت الماستىرۋ باعدارلاماسىنىڭ نەگىزگى فيلوسوفيالىق تۇجىرىمىنا ساي كەلەدى. «كەنتاۋ ترانسفورماتور زاۋىتى» اق بۇل باعىتتا بەلسەندى جۇمىس اتقارۋدا. الداعى ۋاقىتتا كەرنەۋى 220 كۆ كلاستى قۋاتتىلىعى 63 مۆا اۆتوترانسفورماتور – قازاقستانداعى يمپورت الماستىرۋ جونىندەگى اۋقىمدى جۇمىستىڭ جارقىن مىسالى بولارى انىق.
ونىڭ ءبىر دالەلى, ەلىمىزدە جوعارى قۋاتتى ترانسفورماتورلارعا دەگەن سۇرانىس جىل سايىن ارتىپ كەلەدى. الدىن الا ەسەپتەۋلەر بويىنشا, كەلەسى 5 جىلدا قازاقستاننىڭ 220 كۆ كەرنەۋدەگى اۆتوترانسفورماتورلارعا دەگەن قاجەتى 4 ەسە ارتىپ, قارجىلاي مۇمكىندىگى 22 ملن تەڭگەدەن اسپاق.
«Asia Trafo» زاۋىتى اۋماعىندا وتكەن سالتاناتتى شارانىڭ سوڭى Rixos Khadisha شىمكەنت قوناقۇيىندە جالعاسىن تاۋىپ, ەلىمىز بەن شەتەلدىڭ سالا بىلگىرلەرىنىڭ قاتىسۋىمەن القالى جيىنعا ۇلاستى. كەڭەستە وتاندىق ەلەكتر ترانسفورماتور ءوندىرۋ ىسىندەگى مۇمكىندىكتەر مەن جەتىستىكتەر ءسوز بولدى.
شىمكەنت
