ايماقتار • 09 قازان، 2019

وڭتايلى ورتالىق كاسىپكەرلەر مەن ينۆەستورلار ءۇشىن «ءبىر تەرەزە» قاعيداتىمەن جۇمىس ىستەيدى

22 رەتكورسەتىلدى

شىمكەنتتە كاسىپكەرلەر مەن ينۆەستورلارعا قىزمەت كورسەتەتىن بىرىڭعاي ورتالىق جۇمىس ىستەيدى. ء«بىر تەرەزە» قاعيداتى بويىنشا بيزنەستى قولداۋ مەن دامىتۋدىڭ بارلىق شارالارىن قامتاماسىز ەتەتىن بۇل ورتالىق قىزمەتىنە جۇگىنەتىندەردىڭ قاتارى كۇن وتكەن سايىن ارتىپ كەلەدى.

قازىرگى تاڭدا فرونت-وفيس مامان­دارى­­نىڭ قىزمەتىنە 5 مىڭعا جۋىق ادام جۇگىنگەن. كاسىپكەرلەرگە قىزمەت كور­­­سەتۋ ورتالىعىنىڭ جۇمىسىمەن تا­نىس­قان قالا اكىمى ەرلان ايتاحانوۆ اتال­عان ورتالىق بيزنەس وكىلدەرىنىڭ با­سىن قوساتىن الاڭعا اينالۋ كەرەك ەكە­نىن ايتتى. سونىمەن قاتار قالا باس­­شى­سى ينۆەستورلاردى ەڭ الدى­مەن قالا­­نىڭ ينۆەستيتسيالىق مۇمكىن­دىك­تەرى قى­زىق­­تىراتىنىن كولدەنەڭ تارتىپ، ول قىز­­مەتتى ۇيىمداستىرۋدا نەگىزگى قادام­دارىن جەڭىلدەتىلگەن فورماتتا سيپات­تاۋعا باسا نازار اۋدارۋ قاجەتتىگىنە توقتالدى.

«بيزنەسكە ارنالعان ۇكىمەت» جوباسىن «SHYMKENT» اكك» اق مەن «اتامەكەن» كاسىپكەرلەر پالاتاسى بىرگە جۇزەگە اسىرۋدا. بۇل جۇمىستار بيزنەس مۇمكىندىكتەرىن كەڭەيتۋ، سونداي-اق ينۆەستورلاردى تارتۋ ماقساتىندا ەل ۇكىمەتىنىڭ ينۆەستورلار ءۇشىن ء«بىر تەرەزە» فرونت-وفيستەرىن قۇرۋ تۋرالى تاپسىرماسىنىڭ نەگىزىندە جۇزەگە استى.

اتالعان ۇدەرىستەردى وڭتايلان­دىرۋ، كاسىپ­كەرلەر مەن ينۆەستورلارعا كور­سە­تىلەتىن مەملەكەتتىك قىزمەتتەردى كەڭەي­­تۋ ماقساتىندا مەملەكەتتىك كىرىس­تەر جانە كوشى-قون قىزمەتتەرى دەپار­تامەنتى مەن «قازپوشتا» اق قىز­مەتتەرىن ء«بىر تەرەزە» ارقىلى بىرىكتىرۋ تۋرالى شەشىم قابىلداندى.

مۇندا ينۆەستورلار مەن كاسىپكەر­لەرگە 9 باعىت بويىنشا قىزمەت كورسەتى­لەدى. اتاپ ايتقاندا: مەملەكەتتىك قىز­مەت­تەر كورسەتۋ، جوباعا قولداۋ كور­سەتۋ، ماركەتينگتىك قىزمەتتەر، بۋحگال­تەرلىك قىزمەتتەر، مەملەكەتتىك سا­تىپ الۋ بويىنشا كەڭەستەر، CT KZ سەر­تيفيكاتتارىن بەرۋ، قارجى ۇيىم­دارى مەن دامۋ ينستيتۋتتارىنىڭ قىزمەت­تەرى، بيزنەستىڭ قۇقىقتارى مەن زاڭدى مۇددەلەرىن قورعاۋ بويىنشا قىزمەتتەر، كوشى-قون ماسەلەلەرى مەن كەدەن، سالىق ماسەلەلەرى.

«بيزنەسكە ارنالعان ۇكىمەت» نا­رىق­­تاعى وزگەرىستەردى، مەملەكەتتىك سايا­­ساتتاعى، ەكونوميكاداعى، زاڭ­ناما­داعى وزگەرىستەردى ەسكەرە وتىرىپ، ساي­كەسىن­شە، ۇنەمى جاڭارىپ وتىرادى.

 

شىمكەنت

 

سوڭعى جاڭالىقتار

ۇقساس جاڭالىقتار