نۇر-سۇلتان قالاسىندا «QazIndustry» قازاقستاندىق يندۋستريا جانە ەكسپورت ورتالىعى» اق ۇيىمداستىرۋىمەن «سۋبكەلىسىمشارت بيرجاسى-2019» ءوتتى. شارانىڭ ماقساتى – جەرگىلىكتى قامتۋ ۇلەسىن ۇلعايتۋ, قازاقستاندىق بيزنەستى قولداۋ, دامىتۋ جانە ىشكى نارىقتا ولاردىڭ الەۋەتىن اشۋعا ىقپال ەتەتىن تاۋارلار, جۇمىستار جانە قىزمەتتەر ءوندىرىسىنىڭ ماسەلەلەرى بويىنشا كاسىپورىندار اراسىندا كووپەراتسيالىق بايلانىس ورناتۋ.
شاراعا قازاقستاندىق ءىرى, ورتا جانە شاعىن بيزنەس وكىلدەرى, جەر قويناۋىن پايدالانۋشى كومپانيالار, جۇيە قۇرۋشى كاسىپورىندار جانە دامۋ ينستيتۋتتارى, ينۆەستيتسيالار جانە دامۋ مينيسترلىگى مەن مۇددەلى مەملەكەتتىك ورگاندار قاتىستى.
«QazIndustry» قيەو» باسقارما توراعاسى الىشەر ابدىقادىروۆ كەلىسىمشارت جاساۋعا جانە مەملەكەتتىك ساتىپ الۋلارداعى جەرگىلىكتى قامتۋ ۇلەسىن ارتتىرۋعا ىقپال ەتەتىن مۇنداي شارالاردى ورتالىقتىڭ تۇراقتى وتكىزەتىنىن ايتا كەلە, «سۋبكەلىسىمشارت بيرجاسىنىڭ» ىسكەرلىك جانە كووپەراتسيالىق بايلانىس ورناتۋ ءۇشىن ماڭىزدى قۇرال ەكەنىن مالىمدەدى.
قازاقستاندىق وندىرۋشىلەر ءۇشىن ۇلكەن ماڭىزى بار «QazIndustry» باستامالارىنىڭ ىشىندە باسقارما توراعاسى دۇنيەجۇزىلىك بانكپەن بىرلەسكەن جوبا – جەتكىزۋشىلەردى دامىتۋ قىزمەتىنىڭ ىسكە قوسىلعانىن اتاپ ءوتتى. بۇل جوبا بىرىنشىدەن وتاندىق وندىرۋشىلەردىڭ باسەكەگە قابىلەتتىلىگىن دامىتۋعا باعىتتالعان جانە ەكونوميكانىڭ شيكىزات پەن وڭدەۋ سەكتورىندا ءىرى تاپسىرىس بەرۋشىلەر ءۇشىن الەۋەتتى جەتكىزۋشىلەر بولۋعا مۇمكىندىك بەرەدى.
«ەۋرازيالىق ونەركاسىپتىك كووپەراتسيا, سۋبكونتراكتاتسيا جانە تەحنولوگيا ترانسفەرى جەلىسى» جوباسى بويىنشا بەلسەندى جۇمىس جۇرگىزىلۋدە, وندا عىلىم مەن بيزنەستى, جاڭا ءونىمدى جاساۋعا بەرىلگەن تاپسىرىستار ناتيجەسىندە تۋىندايتىن پروبلەمالىق ماسەلەلەردى تالقىلاۋعا ارنالعان ۆيرتۋالدى الاڭدار كوزدەلگەن. ەۋرازيالىق سۋبكونتراكتاتسيا جەلىسىن قۇرۋ جانە ونىڭ تولىق جۇمىس ىستەۋى ەاەو مۇشە مەملەكەتتەردە ونەركاسىپتىك ءوندىرىستىڭ ءوسۋ قارقىنى مەن كولەمىن ارتتىرۋعا مۇمكىندىك بەرەدى», دەدى ءا.ابدىقادىروۆ.
بيرجا قاتىسۋشىلارىنىڭ اراسىندا «ەۋرازيالىق توپ», «قازتسينك», «قازاقمىس كورپوراتسياسى», «قازتەمىرترانس», North Caspian Operating Company N.V., KAZ Minerals توبى, Karachaganak Petroleum Operating B.V., PSA Kazakhstan, «ارسەلورميتتال تەمىرتاۋ», «اگروماشحولدينگ KZ», «قوستاناي مينەرالدارى», «قازاقالتىن تكك» جانە ماشينا جاساۋ, تاۋ-كەن مەتاللۋرگياسى, حيميا, مۇناي, جەڭىل ونەركاسىپ جانە باسقا دا سالالاردىڭ وتاندىق تاۋار وندىرۋشىلەرى بار.
بيرجا وتكىزىلگەن ءۇش جىلدا «سۋبكەلىسىمشارت بيرجاسى» ءوزىن ءىرى, ورتا جانە شاعىن بيزنەس سۋبەكتىلەرىنىڭ ءوزارا ءىس-قيمىلىنىڭ ماڭىزدى الاڭى رەتىندە كورسەتتى. 2017 جىلى «استانا ەكسپو-2017» الاڭىندا ۇيىمداستىرىلعان بيرجادا وتاندىق كومپانيالار اراسىندا 6 كووپەراتسيالىق كەلىسىم جاسالدى. 2018 جىلى وتاندىق وندىرۋشىلەردىڭ تاۋارلارىن ىشكى نارىقتا جىلجىتۋ جانە يمپورت الماستىرۋشى وندىرىستەردى دامىتۋعا جاردەمدەسۋ ماقساتى بولىپ تابىلاتىن 6 ءۇش تاراپتى كەلىسىم مەن 2 ەكى تاراپتى مەموراندۋمعا قول قويىلدى.
بيرجا-2019 قورىتىندىسى بويىنشا KAZ Minerals توبى «ۆوستوكتسۆەتمەت» جشس, «قاز مينەرالز اقتوعاي» جشس جانە «قاز مينەرالز بوزشاكول» جشس كاسىپورىندارى جانە وتاندىق تاۋار وندىرۋشىلەر «نوۆوپەك» جشس, «ComTrade Product» جشس جانە «IC textile» جشس اراسىندا جالپى سوماسى 16,3 ملرد تەڭگە بولاتىن كەلىسىمشارتتارعا قول قويىلدى.
