ۇكىمەت • 09 قازان، 2019

سەمەيدىڭ كەشەندى جوسپارى ىسكە اسىرىلادى

25 رەتكورسەتىلدى

سەمەي قالاسىنا جۇمىس ساپارى اياسىندا پرەمەر-مينيستر اسقار مامين قالا اكتيۆىمەن سەمەي قالاسىنىڭ الەۋمەتتىك-ەكونوميكالىق دامۋىنىڭ 2020-2025 جىلدارعا ارنالعان كەشەندى جوسپارىن ىسكە اسىرۋ ماسەلەلەرى، سونداي-اق ابايدىڭ 175 جىلدىعىن اتاپ وتۋگە دايىندىق جونىندە كەڭەس وتكىزدى.

سەمەي قالاسىنىڭ الەۋمەتتىك-ەكونوميكالىق دامۋ ناتيجەلەرى جانە 2025 جىلعا دەيىنگى جوسپارلار تۋرالى قالا اكىمى ە.ءسالىموۆ، قارجى ءبىرىنشى ۆيتسە-ءمينيسترى ب.شولپانقۇلوۆ، ۇلتتىق ەكو­نو­ميكا ۆيتسە-ءمينيسترى ە.الپى­سوۆ، يندۋستريا جانە ينفراقۇ­رى­لىمدىق دامۋ ۆيتسە-ءمينيسترى ب.قاماليەۆ باياندادى.

سەمەي قالاسىنىڭ الەۋمەتتىك-ەكونوميكالىق دامۋىنىڭ 2020-2025 جىلدارعا ارنالعان كەشەندى جوسپارىندا 56 ءىس-شارانى ىسكە اسىرۋ قامتىلعان، وعان 260،2 ملرد تەڭگە قارجى قاراستىرىلعان. ونىڭ ىشىندە رەسپۋبليكالىق بيۋد­جەتتەن – 98،5 ملرد تەڭگە، جەرگى­لىكتى بيۋدجەتتەن – 85،5 ملرد تەڭگە، 76،1 ملرد تەڭگە كولەمىن­دەگى جەكە ينۆەستيتسيالار قاراستى­رىلعان. ينۆەستيتسيالار كاسىپ­كەر­لىكتى دامىتۋعا، اوك، تۇر­عىن ءۇي قۇرىلىسىنا جانە ينجە­نەرلىك-كوممۋنيكاتسيالىق ين­فراقۇرىلىمعا، تۇر­عىن ءۇي-كوممۋنالدىق شارۋا­شى­لى­عىنا، الەۋمەتتىك جانە كولىك ين­فرا­قۇرىلىمىنا باعىتتالاتىن بولادى.

كەشەندى جوسپار شارالارىن ىسكە اسىرۋ 2025 جىلعا قاراي ءىجو 1،6 ەسەگە ارتتىرۋعا (ناق­تى مانىندە) نەمەسە نومينالدى مانىندە 300 ملرد تەڭگەگە دەيىن جەتكىزۋگە مۇمكىندىك بەرە­دى. 4 مىڭنان اسا جاڭا جۇمىس ورىندارى قۇرىلادى، اۋىل شارۋا­شى­لىعى ونىمدەرىنىڭ كولەمى 19%-عا ۇلعايىپ، 43 ملرد تەڭ­گە­نى قۇرايتىن بولادى. 133 كوپ­قاباتتى نەمەسە 702،9 مىڭ شارشى مەتر تۇرعىن ءۇيدى پايدالانۋعا بەرۋ جانە ورتاشا ءومىر ءسۇرۋ ۇزاقتىعىن 75 جاسقا دەيىن جەتكىزۋ جوسپارلانعان. 2025 جىلدىڭ قورىتىندىسى بويىنشا جاقسى جانە قاناعاتتانارلىق كۇيدەگى جولداردىڭ ۇلەسى 73،6%-دان 95%-عا دەيىن جەتكىزىلەدى.

«سەمەي ەلىمىزدىڭ مادەني جانە رۋحاني مۇراسىندا جانە قازاقستاننىڭ تاۋەلسىز تاريحىندا ەرەكشە ورىن الادى. ەلباسى ن.نازارباەۆ بۇل وڭىرگە، سەمەي قالاسىنا ەرەكشە قامقورلىقپەن قارايدى. بۇعان دەيىن ەلباسىنىڭ تاپسىرماسى بويىنشا سەمەي قالاسىنىڭ الەۋمەتتىك-ەكو­نوميكالىق دامۋىنىڭ 2013-2017 جىلدارعا ارنالعان كەشەندى جوسپارى قابىلدانعان بولاتىن. وسى جوسپاردى جانە باسقا دا باعدارلامالاردى ىسكە اسىرۋ ەسەبىنەن سوڭعى بەس جىلدا ونەر­كاسىپتىك ءوندىرىس كولەمى 38%-عا، اۋىل شارۋاشىلىعى ونىمدەرى – 63%-عا، بولشەك ساۋداداعى تاۋار اينالىمى – 1،6 ەسە، نەگىزگى كاپيتالعا ينۆەستيتسيالار – 1،4 ەسە، بيۋدجەت كولەمى – 1،8 ەسە ۇل­عايدى. سوڭعى جىلدارى سونىمەن قاتار تۇرعىندار سانىنىڭ وسۋىن­دە وڭ ديناميكا بايقالىپ وتىر»، دەدى ا.مامين.

پرەمەر-مينيستر ۇكىمەت­تىڭ قالانىڭ الەۋمەتتىك-ەكو­نو­­مي­كالىق دامۋىنا جانە تۇر­عىن­­داردىڭ ءومىر ءسۇرۋ ساپاسىن ارت­تىرۋعا ەرەكشە كوڭىل ءبو­لىپ وتىر­عان پرەزيدەنت ق.تو­­قاەۆ­­تىڭ تاپسىرماسى بويىن­شا سەمەي قالاسىنىڭ الەۋ­مەت-
تىك-ەكونوميكالىق دا­مۋى­نىڭ 2020-2025 جىلدارعا ار­نال­عان جاڭا كەشەندى جوسپارىن ما­قۇلداعانىن اتاپ ءوتتى.

ۇكىمەت باسشىسى كەشەندى جوسپاردا قاراستىرىلعان ءىس-شارالاردى ۋاقتىلى ءارى ساپالى ورىنداۋ بويىنشا ءتيىستى شارالاردى قابىلداۋدى، سونداي-اق قاراجاتتاردىڭ ۋاقتىلى ءارى ءتيىمدى جۇمسالۋىن باقىلاۋدى قامتاماسىز ەتۋدى تاپسىردى.

2020 جىلى ابايدىڭ 175 جىلدىق مەرەيتويىن اتاپ ءوتۋ تۋرالى ايتا وتىرىپ، ا.مامين ۇكىمەتتىڭ حالىقارالىق، رەس­پۋب­لي­كالىق جانە وڭىرلىك دەڭگەي­لەردە 500-دەن استام ءىس-شارانى قامتيتىن جوسپاردىڭ ورىندالۋىنا ەرەكشە باقىلاۋ ورناتاتىنىن اتاپ ءوتتى.

«ەل پرەزيدەنتى مەرەيتويدى مەملەكەتتىك دەڭگەيدە اتاپ وتەتىنىمىزدى ايتتى. ابايدىڭ وتا­نىنا الەمنىڭ تۇكپىر-تۇكپىرىنەن قوناقتار كەلەدى. سوندىقتان ءبىزدىڭ باستى مىندەتىمىز – بارلىق جوسپارلانعان شارالاردى لا­يىقتى تۇردە ۇيىمداستىرىپ وت­كىزۋ»، دەدى پرەمەر-مينيستر.

تۇڭعىش پرەزيدەنت – ەلباسى نۇرسۇلتان نازارباەۆ باستاماشى بولعان «نۇرلى جەر» جانە يدمب ىسكە اسىرىلۋىن باقىلاۋ، سونداي-اق مەملەكەت باسشىسى ق.توقاەۆتىڭ سەمەي قالاسىن الەۋ­مەتتىك-ەكونوميكالىق دامىتۋ بويىنشا تاپسىرمالارىن ورىن­داۋ اياسىندا ا. مامين «سەم­از» جشس جانە «Daewoo Bus Kazakhstan» اۆتوموبيل قۇراس­تىرۋ كاسىپورىندارىنىڭ جۇمى­سىمەن، «اباي ارەنا» مادەني-سپورت كەشەنىنىڭ سالىنۋ بارىسىمەن، سونداي-اق «قارا­عاي­لى» شاعىن اۋدانىندا كوپقا­باتتى تۇرعىن ۇيلەردىڭ قۇرىلى­سىمەن تانىستى.

 

سەمەي

 

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار