مەديتسينا • 08 قازان، 2019

ومىرگە قايتا ورالعان بالالارعا وزگەشە كومەك كەرەك

11 رەتكورسەتىلدى

جۋىردا نۇر-سۇلتان قالاسىندا «اۋىر دەرتكە شالدىققان بالالارعا ستاتسيوناردا ەم الىپ شىققاننان كەيىنگى پسيحولوگيالىق جانە الەۋمەتتىك وڭالتۋدى ۇيىمداستىرۋدىڭ وزەكتى ماسەلەلەرى» اتتى حالىقارالىق كونفەرەنتسيا ءوتتى.

قارشادايىنان اۋىر دەرتكە شالدىقسا دا تاتار ءدامى تاۋسىلماي بىلىكتى دارىگەرلەردىڭ ارقاسىندا ومىرگە قايتادان ورالىپ جاتقان بالالار از ەمەس. بۇل باعا جەتپەس ۇلكەن قۋا­نىش. دەگەنمەن «باتپانداپ كىرىپ، مىس­قالداپ شىعار» اۋرۋدان ايىعۋدا ومىر­گە قۇشتارلىقپەن بىرگە تاباندىلىق، اتا-انا، دارىگەرلەر مەن اينالاداعى ورتا­نىڭ تۇسىنىستىگى مەن قولداۋى قاجەت-اق. سون­دىق­تان دا كونفەرەنتسيا تاقىرىبىندا كورسە­تىلگەندەي، ونكولوگيالىق اۋرۋلارعا شال­دىققان جانە اعزالارىنا ترانسپلانتاتسيا جاسالعان بالالارعا، ولاردىڭ وتباسى­لارىنا كاسىبي جانە كەشەندى كومەك كورسە­تۋدى ۇيىمداستىرۋ، ۇزاق ۋاقىت اۋرۋمەن كۇرەستەن كەيىن ولاردىڭ قالىپتى ومىرگە قايتا ورالۋىنا جاعداي جاساۋ وتە وزەكتى.

«University Medical Center» كورپورا­تيۆتىك قورىنىڭ انا مەن بالا ۇلتتىق عىلىمي ورتالىعىنىڭ پسيحوالەۋمەتتىك كومەك كورسەتۋ سەكتورىنىڭ مەڭگەرۋشىسى ءلايلا تۇسىپباەۆانىڭ ايتۋىنشا، بويلا­رىنداعى دەرتپەن كۇرەسىپ، ستاتسيوناردان ەمدەلىپ شىققان بالالاردىڭ وڭالىپ كەتۋىندە، الەۋمەتكە بەيىمدەلىپ قالىپتى تىرشىلىككە ەنۋىندە دۇرىس پسيحولوگيالىق احۋال بولماسا كوڭىلدەگىدەي تۇپكىلىكتى وڭ ناتيجە شىقپاۋى دا مۇمكىن. «بالالار ورتالىقتا ۇزاق ۋاقىت ەمدەلەدى، جارتى جىل، تىپتە بىرنەشە جىل جاتىپ، كلينيكاداعى كۇتىمگە ۇيرەنگەن بالا مەن اتا-انا ۇيلەرىنە شىعىسىمەن ابدىراپ قالادى. اينالادان ۆيرۋس جۇقتىرىپ الا ما دەپ قورقىپ، وقشاۋلانىپ، جاندارىن قويارعا جەر تاپپايدى. ال كونفەرەنتسيادا وسى ساناتتاعى بالالارعا ەمنەن كەيىنگى ومىردە جاسالار قادامدار جايىندا ايتىلىپ، الەۋمەتتىك-پسيحولوگيالىق جاردەم بەرۋدە تاجىريبە الماسۋ قاي تاراپقا دا پايداسىن تيگىزەتىنى ءسوز بولدى. شىنىندا دا كونفەرەنتسيانىڭ پلەنارلىق جانە سەكتسيالىق وتىرىستارىندا ماسەلەلەر كوتەرگەن ماماندار قايتا وڭالتۋ جۇمىستارىن جۇرگىزۋدە ارنايى ورتالىقتاردىڭ قاجەتتىگىنە ءمان بەردى. ءيا، اۋىر دەرتتى جەڭگەن بالالار سانى تىم كوپ ەمەس شىعار، الايدا ولاردىڭ ارقايسىسىنىڭ قالىپتى تىرشىلىككە ورالۋى قوعام ءۇشىن ماڭىزدى، ساپالى ءومىر سۇرۋىنە قول جەتكىزۋى وتاندىق مەديتسينانىڭ عانا ەمەس، قوعامنىڭ دا جەڭىسى. ىزگىلەنگەن قوعامدا ورتاعا قايتا قوسىلعان ءاربىر بالا – كاپيتال، باعا جەتپەس قۇندىلىق دەيدى. سوندىقتان دا وڭالتۋ ورتالىقتارى وبلىستاردا دا اشىلىپ، وعان مەملەكەتپەن قاتار بيزنەس، جالپى قوعام ارالاسىپ جاتسا عانيبەت بولماق.

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

تەمەكىنىڭ تاۋقىمەتى

مەديتسينا • بۇگىن، 07:05

ۇقساس جاڭالىقتار