بۇل تۋرالى حيرۋرگيالىق جۇمىس جونىندەگى اسكەري مەديتسينالىق مەكەمە باسشىسى, مەديتسينالىق قىزمەت پولكوۆنيگى عالىمجان وماروۆ مالىمدەدى. ونىڭ ايتۋىنشا, قازىر اتالعان ناۋقاستار جاعدايى قاناعاتتانارلىق كۇيدە. ولار اسكەري گوسپيتالدىڭ بەيىندى بولىمشەسىنە جاتقىزىلعان. ارىستاعى وقيعادان كەيىن بۇل اسكەري قىزمەتشىلەر اسكەري اۆياتسيانىڭ مەديتسينالىق مەكەمەسىنە جەدەل تۇردە جەتكىزىلگەن بولاتىن. وندا ولارعا ۋاقتىلى قاجەتتى مەديتسينالىق كومەك كورسەتىلىپ, تەز ارادا وڭالۋعا جاعداي جاسالدى.
جالپى ەسكە سالار بولساق, 21 قىركۇيەكتە ارنايى جابدىقتالعان پوليگون اۋماعىندا (ارىس قالاسىنان 60 شاقىرىم جەردە) جوسپارلى جارۋ جۇمىستارى بارىسىندا وق-ءدəرى فراگمەنتىنىڭ وزدىگىنەن جارىلىسى ورىن العان بولاتىن. سونىڭ سالدارىنان كەلىسىمشارت بويىنشا قىزمەت ىستەيتىن 10 ساپەر-اسكەري قىزمەتشى جاراقاتتانعان ەدى.
