سالتاناتتى تۇردە انت قابىلدادى

ەلوردادا ورنالاسقان ارميا گەنەرالى س.ق.نۇرماعامبەتوۆ اتىنداعى «جاس ۇلان» رەسپۋبليكالىق مەكتەبىنە قابىل­دان­­عان 237 تاربيەلەنۋشى سالتاناتتى تۇر­دە انت قابىلدادى. ءداستۇر بويىنشا ۇلان­دار كەڭەس وداعىنىڭ باتىرى, حالىق قا­ھار­ما­نى, ارميا گەنەرالى ساعادات نۇر­ما­عام­بە­توۆتىڭ ەسكەرتكىشىنە گۇل شوق­تارىن قويدى.

ءىس-شارا ۇلانداردى الاڭعا تۇرعىزۋدان جانە مەكتەپ تۋىن كىرگىزۋدەن باستالدى. اسكەري مەكتەپ تاربيەلەنۋشىلەرىنىڭ ماڭىزدى وقيعاسىمەن قورعانىس ءمي­نيسترى­نىڭ ورىنباسارى, گەنەرال-مايور تيمۋر داندىباەۆ قۇتتىقتادى.

«سىزدەر ارقاشان تەك كاسىپقوي اسكەري قىزمەتشىلەر عانا زاماناۋي ار­ميا­نىڭ نەگىزىن قۇرايتىندىعىن ەستە ساق­تاۋ­لارىڭىز قاجەت. جاس بولعاندارى­ڭىزعا قارا­ماستان, سىزدەر دۇرىس جولدى تاڭ­دا­دىڭىزدار. ادامنىڭ ەسەيۋى قوعامدا ءوز ورنىن تابۋمەن, باستىسى بولاشاق ما­مان­دىق­تى تاڭداۋعا تىكەلەي بايلانىس­تى. بۇل ۇدەرىستەن قالاي وتەتىندەرىڭىز سىزدەر­دىڭ ال­داعى تاعدىرلارىڭىزدى ايقىندايدى» دەپ اتاپ ءوتتى.

بۇدان كەيىن ۇلاندار انت بەردى. انت­ ماتى­نىندە «مەن اسكەري مەكتەپ­ تار­­بيە­­­لەنۋشىسىنىڭ ارى مەن ابىرويىن ار­داقتاۋعا, مۇلتىكسىز ءتارتىپ پەن اس­كە­ري كى­شىپەيىلدىك ەرەجەلەرىن ساق­تاۋ­عا, بار ىنتاممەن وتانىمىز – قا­زاق­ستان رەس­پۋبليكاسىن قورعاۋعا ءوزىمدى دايىن­داۋ­عا انت ەتەمىن», دەپ جازىلعان.

سالتاناتتى ءىس-شارانىڭ سوڭىندا بارابانشىلار روتاسىنىڭ ۇلاندارى با­راباندارىمەن دەفيلە كورسەتسە, 4-ءشى وقۋ روتاسىنىڭ تاربيەلەنۋشىلەرى قويان-قولتىق ۇرىس تاسىلدەرىن, ال 2-ءشى وقۋ رو­تا­سىنىڭ ۇلاندارى قارۋمەن ءوز قويى­لىم­دارىن ۇسىندى.

بۇدان كەيىن اتا-انالار مەن كەلگەن قوناقتار اسكەري مەكتەپتىڭ وقۋ-ماتە­ريال­دىق بازاسىمەن, سونداي-اق تۇرعى­لىق­تى جاعدايىمەن تانىستى.

انت بەرۋ ۋادەسىن شىمكەنت قالاسى مەكتەبىنىڭ 200-دەن اسا ۇلاندارى دا قا­بىلدادى. تاربيەلەنۋشىلەر اسكەري مەك­تەپتىڭ اتى بەرىلگەن كەڭەس وداعىنىڭ باتىرى سابىر راقىموۆتىڭ ەسكەرتكىشىنە گۇل شوقتارىن قويدى. سونداي-اق بۇل كۇنى كەڭەس وداعىنىڭ ەكى مارتە باتىرى ت.بيگەل­دينوۆ اتىنداعى قاراعاندى «جاس ۇلان» رەسپۋبليكالىق مەكتەبىنىڭ 225 ۇلانى انت قابىلدادى.

ءبىلىم الۋشىلار ستاندارتتى مەكتەپ ساباقتارىمەن قاتار اسكەري پان­دەردى, ونىڭ ىشىندە جالپىاسكەري تاك­­تيكانى, بايلانىس نەگىزدەرىن, ساپ­تىق دايىندىقتى, جالپىاسكەري جار­عىلاردى جانە ت.ب. مەڭگەرەتىندىگىن اي­تىپ وتكەن ءجون. ۇلاندار اسكەري پان­دەردىڭ سىنىپتارىنداعى اس­كەري تەح­ني­كا مەن قارۋ-جاراقتىڭ ۇلگىلەرى بويىنشا زەرتتەلەتىن ماتەريالدى ءىس جۇ­زىندە بەكىتە الادى.