قازاقستان • 08 قازان، 2019

YouTube Kids: كىشكەنتاي كورەرمەندەردى قالاي قاداعالايمىز؟

25 رەتكورسەتىلدى

YouTube – شەكسىز ۆيدەولار جەلىسى. مامانداردىڭ ايتۋىنشا، ونىڭ كورەرمەندەرىنىڭ كوپ بولىگىن بالدىرعاندار قۇرايدى. ايتسا ايتقانداي-اق بۇگىندە ول كەز كەلگەن بالالى ءۇيدىڭ قىزىعىنا اينالعان. كىشكەنتاي نارەستەدەن باستاپ، ويىن بالاسىنا دەيىن ونىڭ شىرماۋىنان شىعا المايدى. وكىنىشتىسى سول، بۇل ۆيدەو جەلىسىندە بالاعا كەرەگى دە، قاجەتسىزى دە جەتىپ-ارتىلادى. مۇنى ەسكەرگەن ماماندار يۋتۋبتىڭ بالالارعا ارنالعان قوسىمشاسىن جاسادى. ءبىز ول جايىندا نە بىلەمىز؟

YouTube Kids – ارنايى بالدىرعاندار ءۇشىن جاسالعان YouTube قوسىمشاسى. مۇندا كورۋگە رۇق­سات ەتىلگەن ۆيدەولاردى بالالار تەك مەجەلى ۋاقىتتا عانا كو­رە الادى. قۋانىشتىسى، شەكتى ۋاقىتتى اتا-انا ءوزى قويادى. ياعني بەلگىلى ءبىر ۋاقىتتان سوڭ قوسىمشا بۇعاتتالادى. بۇل – بالاسىن سمارتفوننان ايىرا المايتىن اتا-انالار ءۇشىن تاپتىرماس قوسىمشا. ول 2015 جىلدىڭ 23 اقپانىندا Android جانە iOS قوسىمشالارى ءۇشىن جاسالعان بولاتىن. كەيىنىرەك LG، Samsung، Sony سمارتفوندارىنىڭ قولدانۋشىلارى دا بۇل قوسىمشانى قولدانا الدى. قوسىمشانىڭ سوڭعى نۇسقاسى بيىلعى جىلدىڭ 13 قىركۇيەگىندە ازىرلەندى. 2019 جىلدىڭ دەرەگى بويىنشا YouTube Kids بۇگىندە الەمنىڭ 60-تان استام ەلىندە قولجەتىمدى. ونىڭ ىشىندە ارگەنتينا، اۋستراليا، اۋس­تريا، اقش، بەلگيا، قازاقستان، برا­زيليا، رەسەي، كانادا، تاعى باسقا كوپتەگەن مەملەكەت بار.

بالالار قوسىمشاسى ءار بالانى جەكە ينديۆيد رەتىندە قاراستىرادى. ويتكەنى قوسىمشانى قولدانۋشى ءار بالاعا ارنايى جەكە اككاۋنت اشادى. وندا بالانىڭ جاسى مەن قىزىعۋشىلىعى ەسەپكە الىنادى. سول ارقىلى بالاعا لايىقتى ۆيدەولار تىزبەگى كورسەتىلەدى. ال ەگەر بالاڭىزدىڭ نە نارسەگە قىزىعاتىنىن بىلمەسەڭىز، وندا ونىڭ كورگەن جانە ىزدەگەن ۆيدەولارى ارقىلى قى­زىعۋ­شىلىعىن انىقتاي الاسىز. با­­لاڭىزدىڭ قىزىعۋشىلىعىن انىق­تاعاننان كەيىن، ونى ءتۇرلى قوسىمشا ۇيىرمەلەرگە بەرسەڭىز دە بولادى.

قوسىمشا بالالارعا ارنالعان دۇنيەلەردى اۆتوماتتى تۇردە سۇزگى­دەن وتكىزىپ وتىرادى. الايدا بۇل با­­لاڭىزدىڭ پسيحيكاسىنا كەرى اسەر ەتەتىن نەگاتيۆتى ۆيدەولاردى مۇل­دەم كورسەتپەيدى دەگەن ءسوز ەمەس. قو­سىمشا قانشا سۇزگىدەن وتكىزىپ تۇر­سا دا اتا-انا مىندەتتى تۇردە اك­كاۋنت­تى قاداعالاپ وتىرۋى شارت. ويت­كەنى كەيبىر اتا-انالاردىڭ ايتۋىنشا، اراسىندا اگرەسسيا تۋعىزاتىن مۋلتفيلمدەر دە كەزدەسەدى. ما­مان­دار مۇنى جەلىدە ۆيدەونىڭ تىم كوپتىگىمەن تۇسىندىرەدى. سول سە­­بەپتى ونىڭ بارلىعىن سۇزگىدەن وت­­كى­زىپ وتىرۋ قيىنعا سوعادى. قو­سىم­­­شانىڭ اراعا جىلدار سالىپ جا­ڭارىپ وتىراتىنىن ەسكەرسەك، بۇل ول­قىلىقتىڭ دا ورنى تولادى. ال ازىر­گە اتا-اناعا بالاسىنىڭ نە نارسە كورەتىنىن باقىلاۋى اسا ما­ڭىزدى. ءبىر قۋانتارلىعى، قاجەت بولعان جاع­دايدا اتا-انا ىزدەۋ جۇيەسىن بۇ­عاتتاي الادى. ياعني، بالا تەك اتا-اناسى تاڭداپ بەرگەن كىشكەنتاي اۋدي­تورياعا لايىقتى دۇنيەلەردى عانا كورە الادى. بۇل باقىلاۋ ادەتتە مەكتەپكە دەيىنگى بالالار ءۇشىن ءتيىمدى.

مامانداردىڭ بالاعا باقىلاۋ كەرەك دەپ دابىل قاعۋى بەكەر ەمەس. ويتكەنى سمارتفوندى مولشەردەن تىس قولدانۋدىڭ سالدارى ءتۇرلى زياندى جاعدايعا اكەلەدى. ەڭ اۋەلى بالانىڭ ۇيقىسى بۇزىلادى. ويتكەنى بالانى قىزىققا تولى مۋلتفيلم الەمىنەن شىعارۋ قيىن. ولار سمارتفون نەمەسە تەلەديدار الدىندا بىرنەشە ساعات بويى وتىرۋى مۇمكىن. سول سە­بەپتى دە كوپ جاعدايدا بالانىڭ ۇيىق­تاۋ رەجىمى بۇزىلادى. ال ونىڭ ارتى فيزيكالىق بەلسەندىلىكتىڭ تومەن­دەۋىنە اپارادى. ياعني، ۇيقىسى دۇرىس ەمەس بالا ويىن قۋمايدى. راسىندا، بۇگىندە دوپ تەۋىپ، اسىق اتىپ، اسىر سالىپ ويناعان بالانى كوپ كورمەيسىز. قاي ۇيگە بارساڭىز دا تەلەفونعا تەلمىرگەن بالانى كەزىكتىرەسىز. ال ۇزاق ۋاقىت ءبىر ورىندا تاپجىلماي وتىرۋ سكوليوز، ميوپيا، سەمىزدىك سىندى ءتۇرلى اۋرۋلارعا اكەلەدى. بالالاردىڭ يممۋندىق جۇيە­سى ەرەسەكتەرگە قاراعاندا ءالسىز بولۋى سەبەپتى ۇيالى تەلەفونداردان بولىنەتىن را­ديا­تسيالىق ساۋلەلەنۋدىڭ دە قاۋپى جوق ەمەس.

ايتا بەرسەك، بۇل ءتىزىم جالعاسا بەرەدى. ەڭ باستىسى، اتا-انا مەن با­لا اراسىنداعى بايلانىس بىرتە-بىرتە ۇزىلەتىنىن ۇمىتپاعان ءجون. بالا سمارتفونعا تاۋەلدى بولىپ، اي­نالاسىمەن ارالاسۋدان قالماسا يگى. سونىڭ الدىن الۋ ماڭىزدى. بۇل رەتتە YouTube Kids قوسىمشاسى اتا-اناعا ۇلكەن كومەكشى بولماق.

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار