يدەيانى پروتوتيپكە اينالدىرۋ ءۇشىن قاتىسۋشىلارعا 24 ساعات بەرىلدى. حاكاتوندى اشقان الماتى اكىمى باقىتجان ساعىنتاەۆ مەگاپوليستىڭ تىنىس-تىرشىلىگىن قامتاماسىز ەتەتىن بارلىق سالالارعا جاڭا ءارى ءتيىمدى شەشىمدەر قاجەت ەكەنىن ايتتى. اكىمنىڭ تۇسىندىرۋىنشە پەرسپەكتيۆالى, زياتكەرلىك ازىرلەمەلەر مەن تالدامالاردى ۇسىنعان كوماندالارعا قولداۋ كورسەتىلەدى, ويتكەنى ولاردىڭ ۇسىنىستارى قالانىڭ تىنىس-تىرشىلىگىن قامتاماسىز ەتۋدە پراكتيكا جۇزىندە قولدانىلادى. «اقىلدى مارافوندى ءبىز جىل سايىن وتكىزەمىز, اۋقىمىن كەڭەيتەمىز جانە ولاردى پايدالاناتىن سالالاردى ۇلعايتامىز, بۇل ىسكە كرەاتورلار مەن ازىرلەۋشىلەردى كەڭىنەن تارتاتىن بولامىز», دەدى ب. ساعىنتاەۆ.
ايتا كەتۋ كەرەك, بۇل جولى 30 جۇمىستىڭ ىشىندە ءۇش كوماندانىڭ جوبالارى ۇزدىك دەپ تانىلدى
Almaty SmartCity Challenge حاكاتونىنىڭ جۇلدەلىك قورى 3 ملن تەڭگەنى جارىس جەڭىمپازدارى اتانعان ءۇش كوماندا ءوزارا ءبولىستى: HCK50 («Salem Tourist» جوباسى - 1,5 ملن تەڭگە), GGG («Smart bin» - 1 ملن تەڭگە) جانە Mbionics («اقىلدى تۇراق» - 500 مىڭ تەڭگە).
حاكاتونعا قاتىسۋشىلاردىڭ بارلىعى اتاۋلى سەرتيفيكاتتار الدى.
شاراعا قولداۋ كورسەتكەن دەمەۋشىلەردىڭ «كاسپەرسكيدىڭ زەرتحاناسى» اق, «قازتەلەپورت» اق ارنايى سىيلىقتارىمەن جاڭا ءارى كرەاتيۆتى يدەيالارى ءۇشىن 9 كوماندا ماراپاتتالدى.
تۋريستەرگە ارنالعان «Salem ءTourist» موبيلدى قوسىمشاسى ارقىلى قالامىزدىڭ وتە قىزىق جەرلەرى جانە كورنەكى ورىندارى, ولارعا قالاي بارۋعا بولاتىندىعى, رەيتينگى جانە قالالىقتاردىڭ پىكىرى تۋرالى اقپاراتتاردى الۋعا بولادى. بۇل جوبانى ازىرلەگەندەر قوسىمشانىڭ الماتىنىڭ تۋريستىك تارتىمدىلىعىن ارتتىرىپ, تۋريستەرگە بارىنشا جايلى جاعدايلاردى جاسايتىندىعىن ايتتى.
«Smart bin» جوباسىنىڭ اۆتورلارى داتچيكتەر ارقىلى قالانىڭ قوقىس تولعان كونتەينەرلەرى بىردەن كوزگە تۇسەتىنىن جەتكىزدى. ولار كونتەينەرلەردىڭ تەز تولۋى جانە تازارۋى لوگيستيكانى وڭتايلاندىرۋعا, قانشا قوقىس جينايتىن ماشينالار مەن كونتەينەرلەردىڭ قاجەت ەكەنىن ەسەپتەۋگە, باعىتتى انىقتاۋعا, قوقىس كولىكتەرىنىڭ مايىن ۇنەمدەۋگە, تەحنيكا مەن جولدىڭ توزۋىن ازايتۋعا جانە قىزمەتكەرلەردىڭ جۇمىس ۋاقىتىن قىسقارتۋعا مۇمكىندىك بەرەتىنىن ايتتى.
Mbionics كومانداسىنىڭ «اقىلدى قالا» جوباسىن جاساۋشىلار جەدەل مونيتورينگتىڭ الماتىنىڭ بوس تۇراقتارىندا كولىكتى ورنالاستىرۋ پروتسەسسىن باسقاراتىنىن ايتتى. بۇل جوبا قالانىڭ كولىك تۇراعى كەڭىستىگىن جاسقارتۋمەن قاتار قالا بيۋدجەتىنە تۇسەتىن قارجىنى اشىق باقىلاۋدى قامتاماسىز ەتەدى.
حاكاتونعا قاتىسۋشىلاردىڭ بارلىعى قالانى دامىتۋعا ارنالعان 30-دان استام جوبا ازىرلەگەن بولاتىن. قاتىسۋشىلار تۇرمىستىق قوقىستاردى وڭدەيتىن فەرما, قالانىڭ جاسىل جەلەگىن سۋاراتىن «اقىلدى» اۆتوسۋشاشقىش, مونيتورينگ جۇيەسى جانە بوس كولىك تۇراعىن ىزدەۋ, قالا قاۋىپسىزدىگىن تالداۋ, جۇكتەمەنى ازايتۋ جانە باسقا دا جوبالاردى قۇرامىنا «كاسپەرسكيدىڭ زەرتحاناسى» اق, «قازتەلەپورت» اق, «پيت» (Tech Garden) اكق, «اقپاراتتىق تەحنولوگيانىڭ حالىقارالىق ۋنيۆەرسيتەتى» اق جانە ءال-فارابي اتىنداعى قازۇۋ-ءنىڭ ساراپتاما جانە مالىمەتتەردى وڭدەۋ ورتالىعىنىڭ وكىلدەرى ەنگەن ساراپتاما ءجيۋريىنىڭ قاراۋىنا ۇسىندى.
