سالاداعى جاعداي تۋرالى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, «سامۇرىق-قازىنا» كولىك جانە لوگيستيكا جونىندەگى باسقارۋشى ديرەكتورى ق. الپىسباەۆ, قازاقستان رەسپۋبليكاسىنىڭ ەنەرگەتيكا ءمينيسترى ق. بوزىمباەۆ, «ەير استانا» اق پرەزيدەنتى پ. فوستەر باياندادى.
قازاقستاندا جولاۋشىلاردى اۆيا تاسىمالداۋ كولەمى وسۋدە — وسى جىلدىڭ 8 ايىندا ازاماتتىق اۆياتسيادا 5,6 ملن جولاۋشى تاسىمالداندى, بۇل وتكەن جىلدىڭ سايكەس كەزەڭىمەن سالىستىرعاندا 1,8%-عا ارتىق.
ۇشۋ گەوگرافياسى كەڭەيتىلىپ جاتىر — قازاقستان 99 حالىقارالىق باعىتتا 24 شەت ەلمەن اۋە قاتىناسىن جۇزەگە اسىرادى, سونىڭ ىشىندە 2019 جىلى نۇر-سۇلتاننان توكيوعا, پراگاعا, ۇلان-باتىرعا باعدارلار اشىلدى. 9 الەمدىك قارجى ورتالىقتارىمەن تۇراقتى اۋە قاتىناسى ورناتىلعان.
اۆيا بيلەتتەردىڭ باعاسىن تومەندەتۋ ماقساتىندا ارزان باعالى اۋە كومپانياسى – «FlyArystan» لوۋكوستەرى اشىلدى, وندا وسى جىلدىڭ مامىر ايىنان باستاپ 450 مىڭنان استام بيلەت ساتىلدى, ولاردىڭ 60%-عا جۋىعى 10 مىڭ تەڭگەگە دەيىن مينيمالدى تاريفتەر بويىنشا ساتىلعان. جاقىن ۋاقىتتا نۇر-سۇلتاننان پاۆلودار, سەمەي جانە شىمكەنت قالالارىنا بيلەت باعاسى 5999 تەڭگەدەن باستالاتىن جاڭا رەيستەر اشىلادى. پاۆلودارعا وپتسيوندىق تاريفتەر 999 تەڭگەدەن باستاپ ساتىلۋدا. 2020 جىلدىڭ سوڭىنا دەيىن لوۋكوستەر ماسكەۋگە حالىقارالىق بايلانىستار اشا وتىرىپ, كوپتەگەن ءوڭىر ورتالىقتارىنا ۇشاتىن بولادى.
«سامۇرىق-قازىنا» كولىك جانە لوگيستيكا جونىندەگى باسقارۋشى ديرەكتورى ق. الپىسباەۆتىڭ ايتۋىنشا, «FlyArystan»-نىڭ ورتاشا ءتاريفى 1 كم-گە ەۋروپالىق لوۋكوستەرلەر تاريفتەرىنەن 4 ەسەگە تومەن.
بيىل قازاقستاندىق ءموز-دەردى جاڭعىرتۋدىڭ ارقاسىندا اۆياتسيالىق وتىن ءوندىرۋ كولەمى 2018 جىلعى وندىرىسپەن سالىستىرعاندا 694 مىڭ تونناعا نەمەسە 1,8 ەسەگە ءوستى. بۇل وتاندىق مۇناي وڭدەۋ زاۋىتتارى ەسەبىنەن ىشكى نارىقتىڭ قاجەتتىلىكتەرىن تولىق قامتاماسىز ەتۋگە مۇمكىندىك بەرەدى.«حالىقتى ساپالى, قاۋىپسىز جانە قولجەتىمدى اۆيا قىزمەتتەرمەن قامتاماسىز ەتۋ – ەلباسى مەن مەملەكەت باسشىسىنىڭ ءبىزدىڭ الدىمىزعا قويىپ وتىرعان ماڭىزدى مىندەتتەرىنىڭ ءبىرى», — دەدى ا. مامين.
پرەمەر-مينيستر 2020 جىلى شانحاي مەن سينگاپۋرعا رەيس اشۋ بويىنشا جۇمىستى جالعاستىرۋدى, سونداي-اق, نيۋ-يورككە ۇشۋ ءۇشىن وتاندىق اۆياكومپانيالاردى اككرەديتتەۋ ءراسىمىن اياقتاۋدى, وسى جىلدىڭ سوڭىنا دەيىن قوستاناي جانە بالقاش اۋەجايلارىنىڭ ۇشۋ-قونۋ جولاعىنىڭ رەكونسترۋكتسياسىن اياقتاۋدى, بەلگىلەنگەن مەرزىمدە تۇركىستانداعى اۋەجاي قۇرىلىسى مەن شىمكەنتتەگى تەرمينال قۇرىلىسىن اياقتاۋدى, وڭىرلەردە شاعىن اۆياتسيا مەن اەرودرومداردى دامىتۋ جونىندەگى باعدارلامانى ازىرلەۋدى جانە قابىلداۋدى جەدەلدەتۋدى تاپسىردى.
ۇكىمەت باسشىسى وتاندىق اۋەجايلاردا شەتەلدىك اۆياكومپانيالار ءۇشىن «اشىق اسپان» رەجيمىن ۇسىنۋ جۇمىسىن بەلسەندى جۇرگىزۋدى تاپسىردى, بۇل جاڭا شەتەلدىك اۆياكومپانيالاردى تارتۋعا, باعىتتاردى كوبەيتۋگە, اۆياكومپانيالار اراسىنداعى باسەكەلەستىكتى ارتتىرۋعا مۇمكىندىك بەرەدى. ال بۇل تيىسىنشە اۆيابيلەت قۇنىنىڭ تومەندەۋىنە اسەر ەتەدى. بيلەت باعاسىنىڭ 20%-نان استامىن اۆيا وتىن شىعىستارى قۇرايتىنى بەلگىلى, سوندىقتان ۇلتتىق ەكونوميكا, ەنەرگەتيكا, يندۋستريا جانە ينفراقۇرىلىمدىق دامۋ مينيسترلىكتەرىنە اۆياكەروسينگە باعا بەلگىلەۋ ماسەلەسىن پىسىقتاۋ تاپسىرىلدى.
پرەمەر-مينيستر «سامۇرىق-قازىنا» قورىنا 2020 جىلى مەملەكەتتىك حولدينگتىڭ باسقارۋىنداعى اۆياكومپانيالاردىڭ اۋە كەمەلەرى پاركىن ۇلعايتۋدى جانە ولاردىڭ ۇشۋ گەوگرافياسىن كەڭەيتۋدى قامتاماسىز ەتۋدى تاپسىردى.«كورىپ وتىرعانىمىزداي, اۆيابيلەتتەر باعاسىن تومەندەتۋگە باعىتتالعان جۇمىس ناتيجەلەرىن بەرۋدە. بۇل جۇمىستى بارلىق وتاندىق اۆياكومپانيالارمەن بىرلەسىپ جالعاستىرۋ قاجەت», — دەپ تۇيىندەدى ا. مامين.
