ونسىز ءبىز ۇلتتىڭ كەلەشەكتەگى دامۋىن قامتاماسىز ەتە المايمىز. ۇكىمەت بۇل پروبلەمانى عىلىمي-زەرتتەۋلەردىڭ دەڭگەيىن ارتتىرۋ جانە ولاردى پراكتيكادا قولدانۋ تۇرعىسىنان قاراعانى ءجون.
ا.ي.باراەۆ اتىنداعى عىلىمي وندىرىستىك ورتالىق قىزمەتكەرلەرى مەملەكەت باسشىسىنىڭ يدەيالارىن تولىعىمەن قولداي وتىرىپ, اگروونەركاسىپ كەشەنى مەن عىلىمدى دامىتۋ سالاسىندا دۇرىس مىندەتتەر قويدى دەپ سانايدى. قازىرگى تاڭدا ا.ي.باراەۆ اتىنداعى عىلىمي وندىرىستىك ورتالىق اگروونەركاسىپ كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى شەڭبەرىندە سۋارمالى پوليگون (اقىلدى پوليگون) قۇرۋ ماسەلەسى بويىنشا بەلسەندى جۇمىس جۇرگىزۋدە. بۇل جۇمىستى ءبىز اۋىل شارۋاشىلىعى مينيسترلىگىمەن بىرلەسىپ جۇرگىزەمىز. بۇل ءۇشىن اشعوو «Valmont» امەريكالىق كومپانياسىمەن كەلىسىم جاسادىق جانە ولارمەن ناقتى سۋارۋ سالاسىندا ىنتىماقتاستىققا قول قويدىق. جوبا اۋىل شارۋاشىلىعى داقىلدارى مەن يرريگاتسيالىق جۇيەلەردى ءوسىرۋدىڭ جاڭا يننوۆاتسيالىق اگروتەحنولوگيالارىن, سونداي-اق اشعوو بازاسىندا مونيتورينگ جانە باقىلاۋ تەحنولوگيالارىن كورسەتۋگە باعىتتالعان. كومپانيا عىلىمي ورتالىققا جاڭا بۋىنداعى ءۇش جاڭبىرلاتقىش قوندىرعىسىن جەتكىزدى. جاڭا اگرەگات ونىمدىلىكتى ارتتىرۋعا جانە سۋ رەسۋرستارىن ۇنەمدەۋگە مۇمكىندىك بەرەدى. جوباعا سايكەس, عوو بازاسىندا 3 مىڭ گەكتار جەر سۋارىلاتىن القاپ بولماق. ءبىزدىڭ الدىن الا عىلىمي ىزدەنىستەرىمىز بويىنشا مۇنداي جوبالار ەلدىڭ ەكسپورتتىق الەۋەتىن ارتتىرۋعا مۇمكىندىك بەرەدى. بۇل رەتتە اتالعان جوبا استىق داقىلى عانا ەمەس, سونداي-اق ءارتاراپتاندىرۋ باعدارلاماسىنا قاتىساتىن اۋىل شارۋاشىلىعى داقىلدارىن ناقتى سۋارۋ ارقىلى جۇزەگە اسىرىلادى. اتاپ ايتقاندا, سولتۇستىكتە – سويا, جاسىمىق – ورتالىق قازاقستاندا, جۇگەرى مەن ماقتا – تۇركىستان وبلىسىندا وسىرىلەدى. بۇل جوبا قازاقستاننىڭ اگروونەركاسىپ كەشەنىنە شەتەلدىك ينۆەستيتسيالاردى تارتۋدا سەرپىن بەرەتىنى قۋانتادى. بۇل تۋرالى پرەزيدەنت قازاقستان حالقىنا جولداۋىندا دا اتاپ ءوتتى. سۋارۋدىڭ ءرولىن اۋىل شارۋاشىلىعىندا اسىرا باعالاۋ قيىن. بۇل قازىرگى جاعدايدا ونىمدىلىگى از جەرلەردى تۇبەگەيلى جاقسارتۋعا جانە جوعارى ءونىمدى جەرگە اينالدىرۋعا سەپتىگىن تيگىزەدى. ال الەمدىك اۋىل شارۋاشىلىعى زاماناۋي جاعدايدا وندىرىلەتىن ءونىمنىڭ عىلىمدى قاجەتسىنۋىن كۇشەيتۋ باعىتىندا ءىس-قيمىل اتقارىپ كەلە جاتقاندىقتان, قازاقستانعا دا دامۋ ينستيتۋتتارىندا, عىلىمي ورتالىقتاردا جانە تەحنولوگيالىق جوبالاردا اوك-دەگى جوسپارلارعا جەتەكشى عىلىمي باعدارلامالاردى وندىرىسپەن بايلانىستىرۋ قاجەت. رەسپۋبليكادا اۋىل شارۋاشىلىعىنىڭ ەلەۋلى وسۋىنە باعىتتالعان اگروسەكتوردى يننوۆاتسيالىق دامىتۋدىڭ وبەكتيۆتى, شىنايى, قازىرگى زامانعى جانە مەملەكەت جاقسى قولدايتىن ستراتەگياسى قاجەت. «اقىلدى» سۋلاندىرۋ, تىڭايتقىشتاردى قولدانۋ جانە اۋىل شارۋاشىلىعى داقىلدارىن ءارتاراپتاندىرۋدى ەنگىزۋ قاجەت. وسى جاعدايدا عانا ەلەۋلى تابىستارعا قول جەتكىزۋگە جانە قازاقستاندىق اۋىل شارۋاشىلىعىن الەمدىك دەڭگەيدە تولىق باسەكەگە قابىلەتتى ەتۋگە بولادى.
كەنجە ابدۋللاەۆ,
ا.باراەۆ اتىنداعى اۋىل شارۋاشىلىعى عىلىمي وندىرىستىك ورتالىعىنىڭ باس ديرەكتورى, پروفەسسور
