پرەزيدەنت حالىققا جولداۋىندا ايتقان باستى بەس باعىت ەلىمىزدىڭ ودان ءارى دامۋ جولىن كورسەتكەندەي. ياعني زامان تالابىنا ساي ءتيىمدى مەملەكەت قۇرۋ; ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ, قارقىندى دامىعان جانە ينكليۋزيۆتى ەكونوميكا, الەۋمەتتىك جاڭعىرۋدىڭ جاڭا كەزەڭى, قۋاتتى وڭىرلەر – قۋاتتى ەل.
پرەزيدەنت حالىققا جولداۋىندا قازىر ەلىمىزدە ەلەۋلى ورىن الىپ وتىرعان بىرقاتار ماسەلەگە توقتالدى. كەيبىر كەمشىلىكتەر مەن قايشىلىقتارعا قارسى ءتيىمدى كۇرەس جۇرگىزۋدىڭ وڭتايلى قۇرالى زاماناۋي ءتيىمدى مەملەكەت قۇرۋ ەكەندىگىن اتاپ ءوتتى. ءار باعىتقا ناقتى توقتالا كەلە, ءتورتىنشى, ياعني الەۋمەتتىك جاڭعىرۋدىڭ جاڭا كەزەڭى باعىتىندا ءبىلىم بەرۋ ساپاسىنىڭ جاقسارۋى جايلى وي جوسپارىمەن ءبولىستى. مەملەكەتتىڭ دامۋىندا ءبىلىم بەرۋ سالاسى ستراتەگيالىق ماڭىزعا يە. پرەزيدەنت جولداۋىندا اۋىل مەكتەپتەرىندەگى ءبىلىم بەرۋ سالاسىن جەتىلدىرۋ جايلى ايتىلدى. نەگىزگى ماسەلە – اۋىلدىق جەرلەردەگى بىلىكتى پەداگوگ كادرلاردىڭ تاپشىلىعى ەكەنىن كورسەتكەن پرەزيدەنت قالا مەن اۋىل مەكتەپتەرى اراسىنداعى ورتا ءبىلىم ساپاسى الشاقتاپ بارا جاتقانىن ايتتى. بۇگىنگى تاڭدا اۋىل مەكتەپتەرىندە پەداگوگ مامانداردىڭ تاپشىلىعى سەزىلۋدە. سول سەبەپتى «ديپلوممەن – اۋىلعا!» باعدارلاماسىن قارقىندى جۇزەگە اسىرۋ ماسەلەسى دە تىس قالماۋى كەرەك. سونىمەن قاتار ەلىمىزدەگى جوعارى وقۋ ورىندارى جۇمىسىنىڭ ساپاسىن ارتتىرۋعا كۇش سالۋ قاجەت. پرەزيدەنت ايتقانداي, مامان دايارلاۋ ءىسى ەلىمىزدەگى جانە عالامداعى ەڭبەك نارىعىنان تىس قالماعانى ءجون. جاستاردىڭ باسەكەگە قابىلەتتى, بىلىكتى مامان بولىپ شىعۋى ءۇشىن جوعارى وقۋ ورنىنداعى ءبىلىم بەرۋ ساپاسىن كوتەرۋ ءىسى باستى ماسەلەگە اينالۋى كەرەك.
تۇڭعىش پرەزيدەنت – ەلباسى 2019 جىلدى جاستار جىلى دەپ جاريالاۋىنا بايلانىستى پرەزيدەنتىمىز قاسىم-جومارت توقاەۆ تا جاس ۇرپاقتى قولداۋ – بولاشاقتى قورعاۋ ەكەندىگىن ءبىلدىردى. تاۋەلسىزدىك العاننان بەرى ەلباسىنىڭ پارمەنىمەن دۇنيەگە كەلگەن «بولاشاق» باعدارلاماسى ەل جاستارىنا الەمنىڭ ۇزدىك وقۋ ورىندارىندا ءبىلىم الۋ مۇمكىندىگىن اشىپ بەردى. دارىندى اۋىل جاستارىن ىرىكتەپ, وتاندىق جانە شەتەلدىك جوعارى وقۋ ورىندارىنا دايىنداۋ كەرەك. مەملەكەت – وقيمىن, توقيمىن دەپ تالپىنعان جاس ازاماتتار ءۇشىن بارلىق جاعدايدى جاساپ وتىر. تەك ءبىلىم عانا ەمەس, وتانسۇيگىشتىك رۋحتا تاريبەلەۋ ءىسىن دە باستى نازاردا ۇستاۋ كەرەك.
عىلىم سالاسىنداعى احۋال ەرەكشە نازار اۋدارۋدى تالاپ ەتەدى. ەلىمىزدە عىلىم سالاسىن قارجىلاندىرۋ كوپتەگەن باستامانىڭ ناتيجەلى بولۋىنا سەپتىگىن تيگىزەدى. ءبىز عىلىمسىز ەلىمىزدىڭ دامۋىن قامتاماسىز ەتە المايمىز. مەملەكەتتە ەكونوميكا مەن عىلىم سالاسىندا تىعىز بايلانىس ورناتىلعان جاعدايدا, مەملەكەتتىك رەسۋرستار, قازبا بايلىقتار يگەرىلىپ, مەملەكەتتىڭ پايداسىنا جۇزەگە اسىرىلاتىن بولادى.
كەلەسى 2020 جىلى مەملەكەتىمىز الەمگە ايگىلى عۇلاما عالىمدار, ۇلت ۇستازدارى ءال-ءفارابيدىڭ 1150 جىلدىق, ابايدىڭ 175 جىلدىق مەرەيتويلارىن اتاپ وتكەلى وتىر. ۇلتتى تاربيەلەيمىن دەسەك, ابايدىڭ ولەڭدەرىمەن, شىعارمالارىمەن سۋسىنداتۋ كەرەك. سەبەبى اباي مەن ءال-فارابي شىعارمالارىنداعى ادام بويىنداعى قاسيەتتەر ادامگەرشىلىك تاربيەسى, ەڭبەك ەتۋ, ءبىلىم جانە عىلىم, ادامگەرشىلىك رۋح پەن ادىلەتتىلىك جايلى جازىلۋى, ەڭبەكتەرىنىڭ وشپەس مۇرا ەكەندىگىنە كەپىلدىك بەرەدى. پرەزيدەنتىمىزدىڭ حالىققا جولداۋىنداعى بەس باستى باعىتتارىنىڭ جۇزەگە اسىرىلۋى مەملەكەتىمىزدى ودان ءارى دامىتا تۇسەتىنى ءسوزسىز.
ايجان اكپار,
ش.ءۋاليحانوۆ اتىنداعى
تاريح جانە ەتنولوگيا ينستيتۋتىنىڭ كىشى
عىلىمي قىزمەتكەرى
