ايماقتار • 04 قازان، 2019

اقىندارىن ىزدەگەن اكىم

85 رەتكورسەتىلدى

حالقىمىزدا «اكىمى اقىنىن ىزدەگەن ەل باقىتتى» دەگەن قاناتتى ءسوز بار. ۇلت رۋحانياتىنا ولجا سالعان اتاقتى اقىنداردان بولەك، بۇگىندە اۋليەاتا وڭىرىندە جاس شايىر­لار شوعىرى دا قالىپتاسىپ كەلەدى. «رۋحاني جاڭعىرۋ» باعدارلاماسى جانە جاستار جىلى اياسىندا جامبىل وبلىستىق ش.ءۋاليحانوۆ اتىنداعى امبەباپ-عىلىمي كىتاپحاناسىندا تاراز قالاسىنىڭ اكىمى قايرات دوساەۆ ءوڭىردىڭ جاس قالامگەرلەرىمەن كەزدەستى.

ەركىن پىكىر الاڭىنا كەل­گەن اكىم اۋەلى الماتى شاھا­رىندا وتكەن ستۋدەنتتىك جىل­­دا­رىنان ەستەلىكتەر ايتىپ، شىعىستىڭ ۇلى شايىرى ومار حايامنىڭ رۋباياتىن جانە قازاقتىڭ دارىندى اقىنى ءجۇسىپ قىدىروۆتىڭ ليريكالىق ولەڭىن جاتقا وقىپ بەردى. «تاراز – اقىن­دار­دىڭ قالاسى. كەزىندە كو­نە تارازدىڭ كەلبەتى مەن ارۋ­لارىنىڭ سۇلۋ­لىعىن فير­دوۋسي سياقتى ۇلى اقىن­دار «سەرگىتەر جۇرەك جاراسىن، ءموپ-ءمولدىر كوزدىڭ قارا­سىن، تارازدان عانا تابا­سىڭ» دەپ جىرلاعان. بۇگىن وز­دە­رىڭىزدەي تالانتتى جاستار­مەن كەزدەسىپ وتىرعانىما قۋا­­­نىشتىمىن»، دەدى اكىم. كەز­دەسۋ بارىسىندا اڭگىمە ادە­­بيەت تاقىرىبىندا ءوربىدى. سونىمەن قاتار اكىمدىكتىڭ قول­داۋىمەن اۋليەاتا وڭى­رىندە جاس قالامگەرلەردىڭ فو­رۋمى ۇيىمداستىرىلسا، جاستاردىڭ بىرقاتارىنىڭ كىتابى جارىققا شىقسا دەگەن ۇسىنىستار دا ايتىلدى. بۇدان كەيىن جيىنعا قاتىسقان تابيعات ابايلداەۆ، دانيار الىمقۇل، نۇربولات ساتىمقۇل، ارايلى جاقسىلىق، عاينيكەن مارالتايقىزى جانە وزگە دە جاس اقىندار ءوز ولەڭدەرىن وقى­سا، شاپاعات ءابدىر حالقى­مىزدىڭ يگى جاقسىلارىنا ارناۋ ارنادى. كەش بارىسىندا نۇرلان ابدىكارىموۆ ءشامشى قالداياقوۆتىڭ «سىعان سەرەناداسى»، ءىليا جاقانوۆتىڭ «جايلاۋكول كەشتەرى» اتتى ان­دەرىن ورىنداپ، كوپشىلىكتىڭ ىقىلاسىنا بولەندى.

ەمەن-جارقىن اڭگىمە باراسىندا قايرات دوساەۆ جي­ىنعا قاتىسىپ وتىرعان جيىرما جاس اقىننىڭ ءبارىنىڭ كىتابىن بولماسا دا، ءۇش-ءتورت اۆتوردىڭ جەكە جيناعىن شىعارىپ بەرۋگە بولاتىنىن ايتىپ، ولاردىڭ ار­قايسىسىنا حاكىم ابايدىڭ قا­راسوزدەر كىتابىن سىيعا تارتتى.

جامبىل وبلىسى

سوڭعى جاڭالىقتار

تەرمينگە ساۋاتتىلىق كەرەك

قوعام • بۇگىن، 15:33

ەرلىكتى ەل ءبىلۋى ءتيىس!

قوعام • بۇگىن، 08:53

ساپارداعى سىر

رۋحانيات • بۇگىن، 08:51

اعالاردىڭ جاس شاعى

100 • بۇگىن، 08:42

اقاڭنىڭ اماناتى

رۋحانيات • بۇگىن، 08:40

ءجۇز جىل

100 • كەشە

ۇقساس جاڭالىقتار