زۇلفۇحار سانسىزباي ۇلى الدىمەن جەرگىلىكتى اتقارۋشى ورگاندارىنىڭ وكىلدەرىمەن قوشقار اتا قويماسىنا بارىپ, ۋلى كولدى زالالسىزداندىرۋ بويىنشا قولعا الىنعان جۇمىستارمەن تانىستى. مۇندا 105 توننا ۋىتتى قالدىقتار كومىلگەن, سونىمەن قاتار 52 توننا راديواكتيۆتى قالدىقتار تاعى بار.
ايتا كەتۋ كەرەك, قوشقار اتا قويماسىندا جيناقتالعان ۋلى قالدىقتار 2015 جىلدان بەرى سوتتىڭ شەشىمىمەن مەملەكەت مەنشىگىنە وتكەن بولاتىن. بۇگىندە ۋلى كولدى زالالسىزداندىرۋ ءۇشىن 17,5 ملرد تەڭگە قاجەت.
بۇدان سوڭ قوعام وكىلدەرىمەن كەزدەسۋ وتكىزىلدى. وندا جاڭادان ەنگىزىلەتىن قازاقستان رەسپۋبليكاسىنىڭ ەكولوگيالىق كودەكسىنىڭ جوباسى تۋرالى ايتىلدى. جاڭا كودەكستىڭ نەگىزگى باسىم باعىتتارىنىڭ ءبىرى بولىپ –«لاستاۋشى تولەيدى» اتتى حالىقارالىق ەكولوگيالىق قاعيداسى جۇزەگە اسىرىلماق. بۇل دەگەنىمىز, قورشاعان ورتاعا ءوزىنىڭ زيانىن كەلتىرەتىن كاسىپورىن ەكولوگيالىق شىعىندى قايتا رەتكە كەلتىرۋ بويىنشا شىعىنداردى تولىقتاي ءوز موينىنا الاتىن بولادى.
ەكولوگيالىق كودەكستەگى جاڭا جوبانىڭ رەداكتسياسى مەملەكەتتىك رەتتەۋ جانە قورشاعان ورتانى قورعاۋ سالاسىنداعى جۇيەنىڭ اشىقتىعى مەن تيىمدىلىگىن كورسەتپەك, سونىمەن قاتار قازاقستان رەسپۋبليكاسىنىڭ حالىقارالىق مىندەتتەمەلەرى نورمالارىن ۇيلەستىرۋگە باعىتتالعان.
كوميتەت توراعاسى زۇلفۇحار جولداسوۆ شاراعا قاتىسۋشىلاردىڭ سۇراقتارىنا جاۋاپتار قايتارىپ, ەكولوگيالىق كودەكستەگى جاڭا جوباعا قاتىستى ايتىلعان بارلىق ۇسىنىستار مەن پىكىرلەر مينيسترلىكپەن جانە ساراپشىلارمەن مىندەتتى تۇردە ەسكەرىلەدى دەپ سەندىردى.
ەسكە سالا كەتەيىك, ەكولوگيالىق كودەكستىڭ جاڭا جوباسى پارلامەنتتىڭ قارالۋىنا 2019 جىلدىڭ سوڭىندا جولدانادى دەپ جوسپارلانعان. قازىرگى ۋاقىتتا قۇجاتتىڭ جوباسى قوعامدىق تالقىلاۋ كەزەڭىنەن وتۋدە.
شاراعا ماڭعىستاۋ وبلىسى اكىمىنىڭ ءبىرىنشى ورىنباسارى ءاليحان قىراۋباەۆ, وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى دۇيسەن قۇسبەكوۆ, وڭىرلىك ەكولوگيا دەپارتامەنتىنىڭ قىزمەتكەرلەرى, مۇناي جانە گاز كومپانيالارى, ۇكىمەتتىك ەمەس ۇيىمدارى, قوعامدىق ۇيىمدار, بۇقارالىق اقپارات قۇرالدارى, شيكىزات وندىرۋشىلەر جانە باسقا دا مۇددەلى مەملەكەتتىك ورگاندارىنىڭ وكىلدەرى قاتىستى.
سونداي-اق, باسقوسۋدا زۇلفۇحار سانسىزباي ۇلى ماڭعىستاۋ وبلىسى ەكولوگيا دەپارتامەنتىنىڭ باسشىسى بولىپ تاعايىندالعان رۋسلان توكەنوۆتى تانىستىردى. بۇعان دەيىن رۋسلان كارىم ۇلى اتالمىش دەپارتامەنتتىڭ باسشىسىنىڭ مىندەتىن اتقارۋشى بولىپ كەلدى. كوميتەت توراعاسى جاڭا باسشىعا قىزمەتىندە جوعارى ناتيجەگە قول جەتكىزۋىنە, الدا تۇرعان مىندەتتەردى بۇلجىتپاي ورىنداي الاتىنىنا سەنىم ءبىلدىردى.
