تۇرعىنداردى, بارلىق قوعامدىق ۇيىمداردى, ءتۇرلى الەۋمەتتىك توپتاردى مەملەكەتتىك ءتىل ساياساتىن جۇرگىزۋگە اتسالىسۋعا شاقىرۋ, ىنتىماقتاستىقتى, رۋحاني تۇتاستىقتى, وتاندىق ءپاتريوتيزمدى نىعايتۋعا, ۇلتارالىق كەلىسىمدى قامتاماسىز ەتۋگە جۇمىلدىرۋ, قازاقستاندا تۇراتىن ەتنوس وكىلدەرىنىڭ بىرلىگى مەن ىنتىماعىنىڭ كەپىلى رەتىندە, قازاقستاندىق جاس ۇرپاقتىڭ پاتريوتتىق تاربيەسىندەگى مەملەكەتتىك ءتىلدىڭ ءرولىن ناسيحاتتاۋ, سونداي-اق وزگە ۇلت وكىلدەرىنىڭ اراسىندا مەملەكەتتىك ءتىلدىڭ مارتەبەسىن كوتەرۋ, انا تىلدەردى دامىتۋ, دارىندى جاستاردى انىقتاۋ, ولاردى مەملەكەتتىك ءتىل ساياساتىن جۇرگىزۋ جۇمىستارىنا تارتۋ, دامۋىنا جاعداي جاساۋ ماقساتىنداعى فەستيۆال اياسىندا بىرقاتار شارالار ءوتتى.
«تىلگە قۇرمەت – ەلگە قۇرمەت» مەملەكەتتىك ءتىلدى مەڭگەرگەن وزگە ۇلت جاستارىنىڭ فورۋمى, ء«تىل مارتەبەسى - ەل مارتەبەسى» اتتى پىكىرسايىس, «وزگە ءتىلدىڭ ءبارىن ءبىل – ءوز ءتىلىڭدى قۇرمەتتە» تاقىرىبىندا فلەشموب, جاڭا قازاق ءالىپبيىن ناسيحاتتاۋ ماقساتىندا «جاڭا ءالىپبي – رۋحاني جاڭعىرۋدىڭ نەگىزى» اكتسياسى, ءتىل تۋرالى العاشقى زاڭنىڭ قابىلدانعانىنا 30 جىل تولۋىنا وراي ء«تىل – مادەنيەت, ءتىل-ادەبيەت, ءتىل-تاريح» ادەبي كەش, «ۇلت قازىناسى - بىرلىك» ەتنوبىرلەستىكتەر اراسىندا كونكۋرس, ورىس ءتىلىن مەڭگەرگەن قازاق جاستارى اراسىندا - «وي - سانا», ءۇش ءتىلدى مەڭگەرگەن جاستار اراسىندا - ء«تىلدارىن», ء«تىل شەبەرى», اباي اتىنداعى كوركەمسوز وقۋ شەبەرلەرىنىڭ وبلىستىق كونكۋرستارى ۇيىمداستىرىلدى.
فەستيۆال اياسىندا وبلىستىڭ قالا-اۋداندارىندا, مەملەكەتتىك مەكەمە-كاسىپورىندارىندا, بارلىق ورتا, ارناۋلى ورتا جانە جوعارى ءبىلىم بەرۋ ۇيىمدارىندا, كىتاپحانالاردا تىلگە قاتىستى شارالار وتكىزىلدى. بارلىق ءبىلىم بەرۋ ۇيىمدارىندا ء«تىل اپتالىقتارى», ا. بايتۇرسىن ۇلىنىڭ تۋعان كۇنىنە وراي ۇلى تۇلعانىڭ ءومىرى مەن شىعارماشىلىعىنا ارنالعان تاربيە ساعاتتارى, «احمەت بايتۇرسىن ۇلى – ۇلتتىڭ ۇلى ۇستازى», «احمەت بايتۇرسىن ۇلى - قازاق حالقىنىڭ رۋحاني كوسەمى», ء«تىل ءبىلىمىنىڭ اتاسى», «ا.بايتۇرسىن ۇلى تاعلىمى» اتتى ادەبي-سازدى جانە تانىمدىق-تاريحي كەشتەر, كورمەلەر, كىتاپ كورمەلەرى, مەملەكەتتىك ءتىلدىڭ پايدالانىلۋ اياسىن كەڭەيتۋ, جاستارعا پاتريوتتىق تاربيە بەرۋ ماقساتىندا جوعارى جانە ارناۋلى ورتا وقۋ ورىندارىنىڭ ستۋدەنتتەرى اراسىندا «وزگە ءتىلدىڭ ءبارىن ءبىل – ءوز ءتىلىڭدى قۇرمەتتە», ء«تىل – دوستىقتىڭ التىن كوپىرى», «تاربيە باسى - ءتىل» تاقىرىپتارىنا ەسسە جازۋدان وبلىستىق بايقاۋى, قازاق ءالىپبيىن لاتىن گرافيكاسىنا كوشىرۋدى, لاتىننەگىزدى جاڭا قازاق جازۋى ەملە ەرەجەلەرىن ءتۇسىندىرۋ بويىنشا كوشپەلى كەڭەس-كەزدەسۋلەر, بارلىعى 150-دەن اسا شارالار وتكىزىلدى.
فەستيۆالدى قورىتىندىلاۋ شاراسىندا وبلىستاعى بىرقاتار ء تىل جاناشىرلارى ء«تىل تۋرالى» زاڭنىڭ قابىلدانعانىنا وتىز جىل تولۋىنا وراي, مەملەكەتتىك ءتىلدىڭ مەرەيىن ءوسىرىپ, قولدانۋ اياسىن كەڭەيتىپ, ۇلتارالىق قاتىناس قۇرالىنا اينالۋىنا سىڭىرگەن ەڭبەگى ءۇشىن قازاقستان رەسپۋبليكاسى پرەزيدەنتى قاسىم-جومارت كەمەل ۇلى توقاەۆتىڭ العىس حاتىمەن, ءتىل ساياساتىن دامىتۋعا قوسقان ۇلەسى ءۇشىن ماڭعىستاۋ وبلىسىنىڭ اكىمى سەرىكباي وتەلگەن ۇلى ترۇموۆتىڭ العىس حاتىمەن, سونىمەن قاتار فەستيۆال اياسىندا وتكىزىلگەن بارلىق بايقاۋلاردىڭ جەڭىمپازدارى ماراپاتتالدى.
جۋرناليست, بلوگەر ماكسيم روجين فەستيۆالدىڭ قۇرمەتتى قوناعى بولدى. ول مەملەكەتتىك تىلدە سويلەپ, ءوز سوزىندە ءتىل ساياساتىن دامىتۋعا باعىتتالعان وي-پىكىرلەرىمەن ءبولىستى.
سونداي-اق قازاقستان رەسپۋبليكاسى حالقىنىڭ تىلدەرى كۇنى مەرەكەسىنىڭ اياسىندا وتكىزىلەتىن فەستيۆال اياسىنداعى بارلىق شارالاردىڭ اقپاراتتىق جاريالانۋى, وبلىس تۇرعىندارىنا مەملەكەتتىك ءتىل ساياساتىنىڭ ناسيحاتتالۋى ماقساتىندا وبلىستىق «MAŃǴYSTAÝ» تەلەارناسىندا ء«تىلى باسقا-تىلەگى ءبىر, ءجۇزى باسقا - جۇرەگى ءبىر», «قازاق ءتىلى – عاجاپ ءتىل!» اتتى بەينەروليكتەردىڭ, «مەملەكەتتىك ءتىل – مەنىڭ ءتىلىم» تەلەحابارىنىڭ كورسەتىلىپ, الەۋمەتتىك جەلىلەردە, وبلىستىڭ قالا, اۋداندار اكىمدىكتەرىنىڭ, مەملەكەتتىك مەكەمە-كاسىپورىندارىنىڭ ينتەرنەت سايتتارىندا كەڭىنەن جاريالاندى.
ماڭعىستاۋ وبلىسى
