2019 جىلى جوسپارلانعان 13 جوبانىڭ ىشىندە جالپى قۇنى 976 ملن تەڭگە بولاتىن 2 جوبا پايدالانۋعا بەرىلدى. ەكى جوبانىڭ ارقاسىندا 37 جۇمىس ورنى قۇرىلدى. ولار بيتۋم ەمۋلسياسى نەگىزىندە گيدرو وقشاۋلاعىش ماتەريالداردى وندىرەتىن «SatexChemie» جشس جانە «Best group» جەل ەلەكتر ستانتسيالارىن سالۋ مەكەمەسى. كەلەر 2020 جىلى 119 ملرد تەڭگەگە 11 جوبانى ىسكە قوسۋ جوسپارلانعان. ناتيجەسىندە 1500-1700-دەي جاڭا جۇمىس ورىندارىن اشۋ كوزدەلىپ وتىر.
ايتا كەتەيىك, قازىرگى ۋاقىتتا ماڭعىستاۋ وبلىسىندا 840 شەتەلدىك كومپانيا جۇمىس ىستەيدى.
- ماڭعىستاۋدا ينۆەستيتسيالىق احۋال جاقسى. قىسقاشا توقتالسام, قاڭتار-تامىز ايىنىڭ ارالىعىندا ماڭعىستاۋ وبلىسىنىڭ ونەركاسىپ كورسەتكىشىنىڭ نەگىزگى كولەمى 98,8% قۇراپ وتىر. وزدەرىڭىز بىلەتىندەي, ماڭعىستاۋ وبلىسىنىڭ ونەركاسىبىنىڭ 90% ۇلەسى تاۋ-كەن ءوندىرۋشى كاسىپورىندار, ياعني مۇناي مەكەمەلەرى بولىپ تابىلادى,- دەدى ماڭعىستاۋ وبلىستىق يندۋستريالىق-يننوۆاتسيالىق باسقارماسى باسشىسىنىڭ ورىنباسارى تالعات ابدىقادىروۆ.
ماڭعىستاۋ وبلىسى
