«بايتەرەك» ۇبح» اق جانە قالالىق اۆتوپاركتەردىڭ باسشىلارىمەن وتكەن جيىندا ءوڭىر باسشىسى قازىرگى ۋاقىتتا اۆتوپاركتەر ءۇشىن نەسيەلەندىرۋدىڭ وتە ءتيىمدى شارتتارى بار ەكەنىن ەسكە سالدى.
– وسى مەحانيزمدەردى پايدالانىڭىزدار. ەگەر سىزدەر جىلجىمالى قۇرامدى جاڭارتۋ بويىنشا مىندەتتەمە الاتىن بولساڭىزدار, ءبىز ءوز تاراپىمىزدان سۋبسيديالاۋدى ارتتىرۋعا دايىنبىز. ەگەر ولاي بولماسا, ءبىز سۋبسيديالاۋدى توقتاتامىز. البەتتە, ءبىز مۇنداي قاتاڭ شارالارعا بارعىمىز كەلمەيدى جانە مۋنيتسيپالدىق اۆتوپارك قۇرۋدى كوزدەپ وتىرعان جوقپىز. الايدا اۆتوبۋستاردىڭ توزۋىنا بايلانىستى جولاۋشىلاردىڭ قاۋىپسىزدىگىنە قاۋىپ تونەتىن بولسا, ونداي قادامعا بارۋىمىزعا تۋرا كەلەدى, – دەدى ول.
ەسكە سالساق, وسى اڭگىمەدەن ءسال بۇرىن قاراعاندىداعى №3 اۆتوپارك 75 جاڭا اۆتوبۋس ساتىپ العان بولاتىن. بۇگىنگى تاڭدا ولاردىڭ ءبىرازى جولاۋشىلارعا قىزمەت كورسەتە باستادى.
جالپى الداعى ۋاقىتتا وبلىس ورتالىعىندا بارلىعى 553 اۆتوبۋستى جاڭاسىنا اۋىستىرۋ قاجەت بولادى.
قاراعاندى وبلىسى
