بايقاۋ «بولاشاققا باعدار: رۋحاني جاڭعىرۋ» باعدارلاماسى اياسىندا ماڭعىستاۋ وبلىستىق عىلىمي-ادىستەمەلىك جانە مادەني قىزمەت كورسەتۋ ورتالىعىنىڭ «ەلىمىزگە تانىمال, ءوڭىرىمىزدىڭ, ۇلى ەسىمدەرىن ماقتان تۇتامىز» جوباسى بويىنشا وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسى جانە وبلىستىق عىلىمي-ادىستەمەلىك جانە مادەني قىزمەت كورسەتۋ ورتالىعىنىڭ ۇيىمداستىرۋىمەن ءوتتى.
كوركەم ونەرپازداردىڭ شەبەرىلىكتەرىن شىڭداۋ, مۇمكىندىكتەرىن كورەرمەنگە كورسەتۋ, درامالىق جانردىڭ رەپەرتۋارلىق بازاسىن نىعايتىپ, ونىڭ دامۋىنا ىقپال ەتۋ, قويىلىمداردىڭ كوركەمدىك يدەيالىق دەڭگەيىن ارتتىرۋ جانە ءابىش شىعارمالارىن ناسيحاتتاۋ ماقساتىنداعى شاراعا ماڭعىستاۋدىڭ اۋدان-قالالارىنان ون دراما ۇجىمى قاتىستى.
تەاتر بايقاۋىنا جاڭاوزەن قالاسى «التىن شاڭىراق» حالىقتىق تەاترى, مۇنايلى اۋدانى, قىزىلتوبە حالىقتىق دراما ۇجىمى, قاراقيا اۋدانى سەنەك «كوز اينەك» دراما ۇجىمى, قاراقيا اۋدانى مۇنايشى «قارا شاڭىراق» دراما ۇجىمى, بەينەۋ اۋدانى اقجىگىت حالىق تەاترى, ماڭعىستاۋ اۋدانىنىڭ جىڭعىلدى حالىقتىق دراما ۇجىمى, وندى حالىقتىق دراما ۇجىمى, جارمىش حالىق تەاترى, ۇشتاعان دراما ۇجىمى, تۇپقاراعان اۋداندىق دراما ۇجىمى, ورتالىق قىزمەتكەرلەرى قاتىستى.
بايقاۋ قورىتىندىسىندا ءى ورىن ماڭعىستاۋ اۋدانى جىڭعىلدى حالىقتىق دراما ۇجىمىنا, ءىى ورىن جاڭاوزەن قالاسى «مۇنايشى» مادەنيەت ءۇيىنىڭ حالىقتىق «التىن شاڭىراق» دراما ۇجىمىنا, ءىىى ورىندى مۇنايلى اۋدانى قىزىلتوبە مادەنيەت ءۇيىنىڭ حالىقتىق دراما ۇجىمى مەن قاراقيا اۋدانى سەنەك اۋىلىنىڭ «كوز اينەك» دراما ۇجىمىنا بۇيىردى. ال بەينەۋ اقجىگىت حالىقتىق دراما ۇجىمى, قاراقيا اۋدانى مۇنايشى «قارا شاڭىراق» دراما ۇجىمى, ماڭعىستاۋ اۋدانى جارمىش حالىق تەاترى, ماڭعىستاۋ اۋدانى وندى حالىقتىق دراما ۇجىمى, ماڭعىستاۋ اۋدانى ۇشتاعان حالىقتىق دراما ۇجىمى, تۇپقاراعان اۋداندىق مادەنيەت ءۇيىنىڭ دراما ۇجىمىنا العىس بەرىلدى.
سونداي-اق, بايقاۋ اياسىندا «ۇزدىك ستسەناري» جۇلدەسى ماڭعىستاۋ اۋدانىنىڭ قاتىسۋشىلارى ل.سادۋوۆاعا, «ۇزدىك سۋرەتشى» جۇلدەسى م.ەسەنوۆكە, «ۇزدىك ايەل ادام ءرولى» ءۇشىن جۇلدەسى س.زورانعا بەرىلسە, «ۇزدىك ەپيزودتىق رول» ءۇشىن سىيلىعىنا گ.مەدي, «ۇزدىك ەپيزودتىق رول» نوميناتسياسى ا.اسقانباەۆ لايىقتى دەپ تانىلدى. «ۇزدىك كوستيۋمەر» جانە «ۇزدىك رەجيسسەر» اتاعى قاراقيا اۋدانىنان كەلگەن م.قۋانتقانوۆاعا, «ۇزدىك ەر ادام ءرولى» اتاعى بەينەۋلىك ءا.كومەكوۆكە تابىس ەتىلدى.
