ق. ەسەكەەۆتىڭ ايتۋىنشا, 5G قوسقاننان كەيىن كوپتەگەن قىزمەتتەر قولجەتىمدى بولادى. ەڭ الدىمەن, بەينەكونفەرەنتسيا بايلانىسى, ە-commerce جانە باسقا دا قىزمەتتەر اشىق بولادى.
«5G — بۇل مۇلدەم باسقا جىلدامدىق. شامامەن 30 ەسە ارتىق. ەلەستەتۋدىڭ ءوزى وڭاي ەمەس, وسى ماسەلە ارقىلى كوپتەگەن نارسەلەردى جاساۋعا بولادى, ماسەلەن: اۆتوكولىكتى قاشىقتان باسقارۋدان باستاپ, قاشىقتان مەديتسينامەن اينالىسۋ. 5G كوپتەگەن وزگەرىستەر الىپ كەلەدى. ەسكە ءتۇسىرىپ وتسەك, 4G قوسىلعاننان كەيىن ءبىزدىڭ ومىرىمىزگە ينستاگرام مەن فەيسبۋك ەندى. سول سەكىلدى 5G قوسىلعاننان كەيىن جاڭا قىزمەتتەر پايدا بولماق», — دەپ مالىمدەدى «قازاقتەلەكوم» اق باسقارما توراعاسى.
بۇعان قوسا, ق. ەسەكەەۆ 5G جەلىلەرىن ەنگىزگەننەن كەيىن قارقىندى تۇردە دامي باستايتىن سالالاردى اتاپ ءوتتى.
«تەحنولوگيالار كەلەدى, ءسويتىپ ونەركاسىپ, ەلەكتروندى كوممەرتسيا ودان ءارى ايقىن دامي باستايدى. 5G ءتۇرلى سالالاردا بىرنەشە رەۆوليۋتسيالىق وزگەرىستەر ەنگىزەدى دەپ ويلايمىن. العاشقى سالا – كولىك سالاسى بولادى. سەبەبى مۇنداي جىلدامدىقتار كولىكتە وتە قولايلى. 5G ەنگىزىلگەننەن كەيىن 2-3 نەگىزگى سالانىڭ تۇبەگەيلى وزگەرگەنىن بايقايتىن بولامىز», — دەدى ق. ەسەكەەۆ.
«قازاقتەلەكوم» اق باسقارما توراعاسى بۇگىنگى تاڭدا 5G جەلىسىن ەنگىزۋ بىرنەشە ءتۇرلى وندىرۋشىدە تەستىلەۋدەن وتكىزىلىپ جاتقانىن ايتتى.
«ارقايسىسى ءوزىنىڭ ستاندارتىن, جەلىسىنىڭ مۇمكىندىكتەرىن, ءوزىنىڭ جىلدامدىق سيپاتتامالارىن ۇسىنادى. ءبىىزدىڭ ءبىر ۆەندورمەن شەكتەلگىمىز كەلمەيتىنى تۇسىنىكتى. ءبىزدىڭ كومپانيانىڭ ستراتەگياسى – ۆەندورلىق تاۋەلسىزدىك. ءبىز تىكەلەي تەحنولوگيالىق تاۋەلدىلىكتە بولماۋى ءۇشىن كوپتەگەن سان الۋان ۆەندورلارىمىزدىڭ بولۋىن قاراستىراتىن بولامىز», — دەپ ءتۇسىندىردى ق. ەسەكەەۆ.
سونىمەن قاتار, ق. ەسەكەەۆ قازاقستاندا جاڭا ەSIM تۇجىرىمداماسىنىڭ جاسالۋى تۋرالى ايتتى. ونىڭ ايتۋىنشا, چيپ تۇرىندەگى SIM-كارتانىڭ كادىمگى ءتۇرى باعدارلامالىق شەشىمگە اۋىستىرىلاتىن بولادى. بۇل تۇجىرىمدامانى قازىر ۇيالى بايلانىس وپەراتورلارى رەتتەۋشىمەن پىسىقتاپ جاتىر.
«مەن تاياۋ ارادا ءبىز SIM-كارتانى ۇيالى تەلەفونعا ءچيپتى سالماستان, باعدارلامالىق جاساۋعا بولاتىن ەSIM العاشقى جوبالارىن ۇسىناتىن بولامىز دەپ ويلايمىن. 5G پايدا بولعان سوڭ بۇل تەحنولوگيانىڭ نەگىزگى بولىگى ەSIM نەگىزىندە ەنگىزىلەتىن بولادى دەپ ويلايمىن», — دەدى «قازاقتەلەكوم» اق باسقارما توراعاسى.
اۋىل تۇرعىندارى ءۇشىن «اقىلدى اۋىل» جانە «بۇلتتى» بەينەباقىلاۋ ءتارىزدى تەحنولوگيالار قاشان قولجەتىمدى بولادى دەگەن سۇراققا ق. ەسەككەۆ ءبىر جىل ىشىندە اۋىلداردى كەڭجولاقتى ينتەرنەتپەن قامتىعان سوڭ بۇل مۇمكىن ەكەنىن جەتكىزدى.
ء«بىز قالادا سوڭعى ءۇش جىلدا جيىنتىقتى بەينەباقىلاۋدى بەلسەندى تۇردە دامىتتىق. اۋىلعا جوعارى جىلدامدىقتى ينتەرنەت پەن قازاقتەلەكومنىڭ كەلۋىمەن ول تۇبەگەيلى وزگەرەدى دەپ ويلايمىن. بۇل – ەلەكتروندى كوممەرتسيا سالاسىنداعى وزگەرىستەر بولماق. ەڭ الدىمەن, سەبەبى, اۋىل تۇرعىندارىنا كوممەرتسيالىق رەسۋرستار تەڭ قۇقىلى قولجەتىمدى بولادى. بەينەباقىلاۋ مەن باسقا دا سەرۆيس تۇرلەرى قوسىلعاننان كەيىن ءبىر جىل ىشىندە اۋىلدارعا دا جەتەدى دەپ ويلايمىن. باستىسى, جىلدامدىق پەن قوسىلعان ابونەنتتەردىڭ سانى», — دەدى ق. ەسەكەەۆ.
