وسى جولداۋدا پرەزيدەنت ىشكى ساياساتتى, مەملەكەتتىك ينستيتۋتتاردى نىعايتۋدىڭ, ازاماتتاردىڭ قۇقىقتارى مەن بوستاندىقتارىن قورعاۋدىڭ, ەكونوميكانى جانە حالىققا الەۋمەتتىك ءال-اۋقاتىنىڭ مودەرنيزاتسياسىنىڭ نەگىزگى ماسەلەلەرىنە توقتالدى. سونىڭ ىشىندە مەملەكەت باسشىسى ۇكىمەتكە جالاقىنى كوبەيتۋ ءۇشىن جاعداي جاساۋدى تاپسىردى. بۇل – جۇمىس ساپاسى مەن جۇمىسشىلاردىڭ ءومىرىن جاقسارتۋمەن بايلانىستى بۇگىنگى تاڭداعى كاسىپوداقتار جۇمىسىنىڭ وزەكتى ماسەلەلەرىنىڭ ءبىرى.
پرەزيدەنت جولداۋىن «قازاقستاندىق سالالىق مادەنيەت, سپورت, تۋريزم جانە اقپارات قىزمەتكەرلەرىنىڭ كاسىپتىك وداعى» قوعامدىق بىرلەستىگىنىڭ مۇشەلەرى مەن بارلىق مادەنيەت قىزمەتكەرلەرى, جالپى جۇرتشىلىق قۋانا قابىلدادى.
ەڭ وزەكتى ماسەلە – ەڭبەكاقى. سەبەبى مادەنيەت قىزمەتكەرلەرىنىڭ جالاقىسى كوپ ۋاقىتتان بەرى كوتەرىلگەن جوق. مۇعالىمدەر جانە دارىگەرلەرمەن سالىستىرعاندا, مادەنيەت سالاسىندا ەڭبەك ەتەتىن قىزمەتكەرلەر الدەقايدا تومەن ايلىق الادى. سوندىقتان ونەردە جۇرگەن جاستار تابىستىڭ باسقا كوزدەرىن ىزدەيدى. وسىدان بارىپ ونەر سالاسى ماماندارىنىڭ تاپشىلىعى بايقالۋدا.
ءبىز وسى ۋاقىتقا دەيىن جالاقىنى كوتەرۋ, جەكە جانە ۆەدومستۆولىق تۇرعىن ۇيگە قول جەتكىزۋ, زەينەتاقى تولەمدەرىن جاساۋ ماسەلەلەرىن الەۋمەتتىك ارىپتەستەرمەن بىرگە رەسپۋبليكالىق جانە ايماقتىڭ دەڭگەيدە ۇدايى كوتەرىپ ءجۇرمىز. ەندى وسى جولداۋدان سوڭ مادەنيەت قىزمەتكەرلەرىنىڭ الەۋمەتتىك جاعدايلارىنا كوڭىل بولىنەدى. مادەنيەت قىزمەتكەرلەرى, اسىرەسە جاس ماماندار جەڭىلدىگى بار تۇرعىن ءۇي باعدارلامالارىنا قاتىسا الادى. كەلەسى جىلى مادەنيەت سالاسىنىڭ ماماندارى مەملەكەتتىك قولداۋ مەن قامقورلىقتى ايتارلىقتاي سەزىنەتىن بولادى.
سونىمەن قاتار جۇرتشىلىقتىڭ جاپپاي سپورتپەن اينالىسۋىنا جاعداي جاساۋ, دەنەشىنىقتىرۋ ءىسىن جەتىلدىرۋ, سالاۋاتتى ۇلت قالىپتاستىرۋعا جانە ەكونوميكامىزدىڭ ماڭىزدى سالاسى ءتۋريزمدى دامىتۋعا باسا ءمان بەرىلىپ وتىر. پرەزيدەنت جولداۋى ءسوزسىز بارلىق قازاقستاندىقتارعا كۇش-قۋات بەرەتىنى انىق.
سۆەتلانا يمانقۇلوۆا,
«قازاقستاندىق سالالىق مادەنيەت, سپورت, تۋريزم جانە اقپارات قىزمەتكەرلەرىنىڭ كاسىپتىك وداعى» قوعامدىق بىرلەستىگىنىڭ ءتورايىمى
