قوعام • 01 قازان، 2019

كۇرشىم تۇرعىندارى مەملەكەت باسشىسىنا العىس ايتتى

141 رەتكورسەتىلدى

جاقىندا مەملەكەت باسشىسى قاسىم-جومارت توقاەۆ «Egemen Qazaqstan» گازەتىندە جارىق كورگەن «ەلۋ جىل بۇرىنعى ەسكى پاروم ەلدى قاشانعى اۋرەگە تۇسىرەدى؟» اتتى ماقالادا كوتەرىلگەن ماسەلەگە نازار اۋدارىپ، ءوزىنىڭ Twitter-دەگى پاراقشاسىنا ۇكىمەتكە شىعىس قازاقستان وبلىسى اكىمدىگىمەن بىرگە بۇقتىرما سۋ قويماسىنا كوپىر سالۋ ءۇشىن قارجى ءبولۋ ماسەلەسىن قاراستىرۋدى تاپسىرعان بولاتىن. پرەزيدەنتتىڭ بۇل تاپسىرماسىن شىعىس جۇرتشىلىعى، اسىرەسە پارومنىڭ زاردابىن ۇزاق جىلدان بەرى تارتىپ كەلە جاتقان كۇرشىم-مارقاكول تۇرعىندارى ىستىق ىقىلاسپەن قابىلدادى. وسى رەتتە اۋدان اقساقالدارىنىڭ رەداكتسيامىزعا مەملەكەت باسشىسىنىڭ اتىنا جولداعان اقجارما العىسىن، جىلى لەبىزىن وقىرمان نازارىنا ۇسىنۋدى ءجون كورىپ وتىرمىز.

قۇرمەتتى قاسىم-جومارت كەمەل ۇلى!

ءبىز، شىعىس قازاقستان وبلىسى كۇرشىم اۋدانىنىڭ اقساقالدارى بۇقتىرما سۋ قويما­سىنا كوپىر سالۋعا قارجى ءبولۋ تۋرالى ۇكىمەتكە، وبلىس اكىمدىگىنە بەرگەن تاپسىرماڭىزدى زور قۋانىشپەن قارسى الدىق.

كەڭەس داۋىرىنەن بەرى اۋدان تۇرعىندارىنا ارمان بولىپ كەلگەن كوپىر ماسەلەسى شەشىلسە، اۋدان تۇرعىندارىنا عانا ەمەس، ستراتەگيالىق ماڭىزى بار شەكارالىق ايماقتىڭ دامۋىنا دا وڭ اسەر ەتەر ەدى. وتكەلدەن پاروممەن ءوتىپ كەلگەن بارلىق تاۋارلاردىڭ باعاسى باسقا وڭىرلەرمەن سالىستىرعاندا 10-20 پايىزعا قىمبات بولۋى، ينفراقۇرىلىمنىڭ جوقتىعىنان كەن ورىندارىنىڭ ءوز دەڭگەيىندە يگەرىلمەۋى اۋدانىمىزدىڭ دامۋىن تەجەپ كەلگەنى ءسوزسىز. ادام تاعدىرى ەڭ باستى قۇندىلىق دەسەك، ناۆيگاتسيالىق ماۋسىم بىتكەن كەزدە جانىن شۇبەرەككە ءتۇيىپ، قاۋىپ-قاتەرگە قاراماستان مۇز ۇستىمەن وتەتىن، مۇزبەن وتەمىز دەپ تالاي اۆتوكولىكتەر سۋ استىنا كەتكەنى دە كوپ قيىن­دىقتار تۋعىزدى.

ءسىزدىڭ «بارشاعا ورتاق يگىلىك! ساباق­تاس­تىق. ادىلدىك. ورلەۋ» اتتى سايلاۋالدى باع­دارلاماڭىزدا، «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىڭىزدا بيلىك پەن قوعام اراسىنداعى ديالوگتى نەگىزگى باسىمدىق رەتىندە الىپ، ازاماتتاردىڭ بارلىق ءوتىنىش-تىلەكتەرىن جەدەل ءارى ءتيىمدى قاراستىرۋدى تاپسىرعان بولاتىنسىز.

سايلاۋالدى «بىرگە» جالپىۇلتتىق اكتسيا كەزىندە اكتسياعا قاتىسقان اۋدان تۇرعىندارىنىڭ 80 پايىزى وسى كوپىر ماسەلەسىن كوتەرگەن بولاتىن. ەلدىڭ زارىن تىڭدايتىن، حالىقتىڭ وتىنىشتەرىنە قۇلاق اسىپ، ماسەلەنى شەشۋ ءۇشىن بارلىق شارالاردى قابىلدايتىن وزىڭىزدەي پرەزيدەنتىمىز بار بولعانىنا قۋانىشتىمىز.

كوپىر ماسەلەسى شەكارالىق كۇرشىم اۋ­دانىنىڭ دامۋىنا، حالىقتىڭ ۇدەرە كوشپەي تۇراقتانۋىنا وڭ اسەر ەتەرى ءسوزسىز. شىعىستىڭ شۇرايلى تابيعاتى وڭىرىمىزگە تۋريستەردى تارتۋعا دا كەڭ جول اشار ەدى. كوپىردىڭ سالىنۋى شەكارالاس اۋدانداردىڭ ەكونوميكالىق وركەندەۋىنە، مەندەلەەۆتىڭ تابليتساسىنداعى بارلىق ەلەمەنتتەرى بار اۋدانىمىزدا كەن ورىندارىنىڭ يگەرىلۋىنە، شاعىن جانە ورتا بيزنەستىڭ قارقىندى وسۋىنە مۇمكىندىك تۋدىرارى انىق. شەكارانى شەكاراشىلار عانا ەمەس، شەكارا ماڭىنداعى حالىق تا قورعايتىنىن ەسكەرسەك، شەكارا ماڭىندا حالىقتىڭ كوپتەپ قونىستانۋى دا ستراتەگيالىق ماڭىزى بار ماسەلە دەپ ويلايمىز.

 

قادىرلى پرەزيدەنت مىرزا!

كۇرشىم اۋدانىنىڭ 20 مىڭنان استام تۇرعىندارى ەڭكەيگەن قاريادان باستاپ، ەڭ­بەك­تەگەن بالاعا دەيىن سىزگە زور ريزاشىلىعىمىزدى بىلدىرەمىز. مىقتى دەنساۋلىق، حالىق يگىلىگىنە باعىتتالعان ەڭبەگىڭىزگە تولاعاي تابىس تىلەيمىز.

ىزگى تىلەكپەن، كۇرشىم اۋدانىنىڭ اقساقالدارى: س.يسكاكوۆ، ە.اقتەكەنوۆ، ن.قايىروۆ، ءا.قوسامبەكوۆ، ق.مۇسا­قانوۆ، س.اقتانوۆ، ن.چۋمباسوۆ، ا.ما­ديەۆ، ن.قيسامبين، ە.جانگۋدەەۆ، ت.ەرۋ­باەۆ، م.بولعاەۆ.

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار