رۋحانيات • 26 قىركۇيەك، 2019

تانىمدىق باعدارلاما تاعىلىمى

90 رەت كورسەتىلدى

ەلباسى ن.نازارباەۆتىڭ «رۋحاني جاڭعىرۋ» باعدارلاماسى مەن « ۇلى دالانىڭ جەتى قىرى» ماقالاسىن ىسكە اسىرۋ اياسىندا بيىلعى جىلدىڭ تامىز ايىنان باستالعان «مۋزەي ءتۇنى» شەرۋى رەس­پۋبليكا بويىنشا قانات جايىپ كەلەدى.

«مۋزەي ءتۇنى» شەرۋى – حالىق­ارالىق مۋزەي كۇنى كوپشى­لىكتىڭ، اسىرەسە جاستاردىڭ مۋزەيگە دەگەن قىزىعۋشىلىعىن ارتتىرۋ ماقساتىندا كوپتەگەن مادەني مەكەمەلەردىڭ قاتىسۋىمەن جىل سايىن وتكىزىلەتىن اكتسيا رەتىندە باستاۋ السا، الداعى ۋاقىتتا ىرگەلى مۋزەيلەردىڭ ءبارى دە جيىرەك قولعا الۋدى جوسپارلاپ وتىر. «مۋزەي ءتۇنى» باستالعالى بەرى الماتىنىڭ مادەني ومىرىندەگى ماڭىزدى شارالاردىڭ بىرىنە اينالدى.

ەلىمىزدىڭ رۋحاني ورتا­لى­عىنداعى ءىرى مۋزەيلەردىڭ بىرىنەن سانالاتىن الماتى مۋزەيى كەشكى ساعات 19.00-دەن كەيىن ادەتتەگىدەي قالالىقتارعا ەسىگىن ايقارا اشتى. الماتى جانە جەتىسۋ ايماعىنىڭ تاريحىنا بايلانىستى 35 000 جادىگەر ساقتالىپ وتىرعان مۋزەي كەلگەندەردى ارنايى تاقىرىپتىق باعدارلامامەن جانە مادەني-كوڭىل كوتەرۋ شارالارىمەن قار­سى الدى. مۋزەيدەگى 11 ەكسپو­زي­تسيالىق زال بويىنشا ەكسكۋرسيالار ۇيىمداستىرىلىپ، جاستارعا سوناۋ تاس داۋىرىنەن باستاپ بۇگىنگى كەزەڭگە دەيىنگى جادىگەرلەردىڭ تاريحى تانىستىرىلدى. ايتا كەتۋ كەرەك، الماتى مۋزەيى ورنالاسقان عيماراتتىڭ ءوزى تاريح جانە ساۋلەت ەسكەرتكىشى رەتىندە مەملەكەت قورعاۋىنا الىنعان ايىرىقشا مارتەبەگە يە نىسان. ەندەشە، باستى تاريحي جادىگەر عيماراتتىڭ وزىنەن باستالادى. كەلگەندەر دە ءسانى مەن ساۋلەتى كەلىسكەن كونە عيماراتتىڭ سىرىن بىلگەنشە اسىعادى.

مۇندا ورنالاسقان «الماتى مۋزەيلەر بىرلەستىگىنىڭ» قۇرا­مىنا شاھارداعى بىرنەشە ىرگە­لى مۋزەي توپتاستىرىلعان. بىرلەس­تىك ديرەكتورىنىڭ ورىنباسارى جانىبەك نالىباەۆتىڭ ايتۋىن­شا، بۇل اكتسيا اسىرەسە ۋا­قىتى ەسەپتەۋلى، جۇمىسباستى ادام­­دار ءۇشىن جانە قارتتار مەن جاستار ءۇشىن وتە قولايلى. كۇندىزگى قاربالاستان كەيىن كەز كەلگەن الماتىلىق نەمەسە قالا قوناقتارى تەگىن كىرىپ، اسىقپاي ءجۇرىپ مۋزەي ارالاپ، ءوزى ءومىر ءسۇرىپ وتىرعان شاھار جايىندا مول مالىمەتكە قانىعا الادى. تۇنگى مەزگىلدە مۋزەي تاماشالاۋدىڭ دا وزىندىك اسەرى بولەك.

بۇل جولى «مۋزەي ءتۇنى» قولونەر تاقىرىبىنا باسىمدىق بەرۋىمەن شارانىڭ رۋحاني سال­ماعىن ارتتىرا ءتۇستى. ت.جۇرگەنوۆ اتىنداعى ۇلتتىق ونەر اكادە­مياسىنىڭ 4-كۋرس ستۋدەنتى دانيار باباشەۆ مۋ­زەيدى تاماشالاپ كەلگەندەرگە قىش قۇمىرانىڭ جاسالۋ تەحنيكاسىن كورسەتتى. ءاپ-ساتتە ءارتۇرلى پىشىنگە وزگە­رىپ شىعاتىن قۇمىرالاردى جاستاردىڭ ءوزى دە جاساپ كورگىسى كەلىپ، قى­زى­عۋشىلىق ءبىلدىرىپ جاتتى. سونداي-اق و.تاڭسىقباەۆ اتىن­داعى الماتى ساندىك-قولدانبالى ونەر كوللەدجى وكىل­دەرىنىڭ قاتىسۋىمەن دە شەبەرلىك ساعاتى ءوتتى. ۋاقىتشا كورمە زالىندا وتكەن گۇلنارا شورماقوۆانىڭ «اسەم الەم. بالاۋىز بەينەلەر» اتتى اۆتورلىق كورمەسىنە جۇرت ەرەكشە ىقىلاس تانىتتى.

سونداي-اق شارا بارىسىن­دا مۋزەي جادىگەرلەرىمەن ين­تەر­اكتيۆتى كۆەست ويىندار ۇيىم­داستىرىلىپ، مۋزەي تاما­شالاعان كوپشىلىك سان ءتۇرلى ساۋال­دارعا جاۋاپ بەرىپ، ءوزارا تا­ريحي ءبىلىمى مەن تانىمىن جارىس­تىردى. ونەر جولىن قۋعان تالانتتى جاستاردىڭ كونتسەرتى اكتسيا مازمۇنىنا ءار بەرىپ، كەل­گەندەردىڭ قاتارىن ارتتىرا ءتۇستى.

الماتى

سوڭعى جاڭالىقتار

دوللار قىمباتتاي باستادى

قارجى • بۇگىن، 11:47

كونە ءداۋىر كورىنىستەرى

ونەر • بۇگىن، 09:03

استانا كۇنىنە ارنالادى

تەاتر • بۇگىن، 09:02

جوسپارلانعان جوبا جەتەرلىك

ايماقتار • بۇگىن، 09:00

ايالى الاقانداعى «ءومىر اعاشى»

ايماقتار • بۇگىن، 08:58

«جاسىلدان» «سارىعا» ءوتتى

ايماقتار • بۇگىن، 08:56

«ءۇندى» شتامى ۇرەيلى

كوروناۆيرۋس • بۇگىن، 08:55

Ashyq ىندەتتى اۋىزدىقتاي ما؟

مەديتسينا • بۇگىن، 08:53

ءبىرجان سال ەلىندەگى بەرەكە

ايماقتار • بۇگىن، 08:50

اكە كورگەن...

پىكىر • بۇگىن، 08:44

كۇرمەۋى قيىن ماسەلە – كۇرە جولدا

ايماقتار • بۇگىن، 08:43

تاۋەلسىزدىك جانە رۋحانيات

تاۋەلسىزدىكتىڭ 30 جىلدىعى • بۇگىن، 08:37

جاستار كەڭەسىنىڭ وتىرىسى ءوتتى

ساياسات • بۇگىن، 08:35

ەكونوميكادا وڭ سەرپىن بار

ساياسات • بۇگىن، 08:32

التىن وڭدەيتىن الىپ كەشەن

ەكونوميكا • بۇگىن، 08:30

جىلقى ەتى تۇسىڭە كىرەدى...

ەكونوميكا • بۇگىن، 08:27

ادامزات تراگەدياسى

تانىم • بۇگىن، 08:23

مەيىرىم شۋاعى

قوعام • بۇگىن، 08:15

اۋىلدا بالا كوپ، ۇيىرمە از

قازاقستان • بۇگىن، 07:59

ۇقساس جاڭالىقتار