2019 جىلعى 2 قىركۇيەكتە قازاقستان پرەزيدەنتى قاسىم-جومارت توقاەۆ ءوز حالقىنىڭ الدىندا ماڭىزدى جولداۋىن جاريالادى. بۇل – قازاقستاننىڭ ۇلتتىق دامۋىن تۇتاستاي قامتيتىن جول كارتاسى. جولداۋدا ەل حالقىنىڭ ءومىرىن جاقسارتۋعا جانە ولاردى بولاشاققا باعىتتاۋعا باسا نازار اۋدارۋى قازاقستاندىقتاردى رۋحتاندىردى.
سالىق جۇيەسىن جانداندىرۋ, ۇلتتىق تابىستى نەعۇرلىم ءادىل ءبولۋ جانە بارلىق ازاماتتاردى ءتيىستى الەۋمەتتىك باعدارلامالارمەن قامتاماسىز ەتۋ قازاقستانعا يگىلىكتى قوعام قۇرۋعا مۇمكىندىك بەرەدى. بۇل دەگەنىمىز – ماڭدايالدى مىندەت – ۇلتتىق بىرلىككە جەتۋ. قازاقستان ازاماتتارى قازاق ۇلتىنىڭ يگىلىگى ءۇشىن قىزمەت اتقارا بەرۋى ءتيىس.
مەملەكەت باسشىسىنىڭ ينفراقۇرىلىمدىق دامۋعا, زاڭنامالىق جانە باعدارلامالىق قامتاماسىز ەتۋگە بارىنشا نازار اۋدارۋى كوڭىلگە جاقسى اسەر ەتتى. بۇل ونىڭ ەل ەكونوميكاسىن نىعايتۋ جانە بولاشاققا دايىن بولۋ ءۇشىن نە ىستەۋ كەرەكتىگىن تولىق تۇسىنەتىندىگىن كورسەتەدى. الەمدىك ەكونوميكا جاڭا داعدىلار مەن تەحنولوگيالارعا نەگىزدەلگەن. يننوۆاتسيالىق جانە تەحنيكالىق مۇمكىندىكتەر شەشۋشى ءرول اتقارادى. پرەزيدەنت ق.توقاەۆ ەلباسى ن.نازارباەۆتىڭ كوشباسشىلىعىمەن قازاقستاننىڭ قول جەتكىزگەن جەتىستىكتەرىنە سۇيەنەدى.
پرەزيدەنت ق.توقاەۆ ەلدى ءححى عاسىردىڭ سىن-قاتەرلەرىنە قارسى تۇرۋدىڭ ۇزاقمەرزىمدى جوسپارىن جۇزەگە اسىرۋعا كىرىستى. مەملەكەت ىشىندە نە ىستەۋ كەرەكتىگىن انىقتاي وتىرىپ, پرەزيدەنت قازاقستاننىڭ سىرتقى ساياساتتاعى ءرولىن دە ەسكەرەدى. ول قاجەتتى پروگرەسكە جەتۋ ءۇشىن تاماشا سىرتقى قاتىناستاردىڭ قاجەتتىلىگىن اتاپ ءوتتى. ول ەلدىڭ تىكەلەي شەتەلدىك ينۆەستيتسيالارعا (تشي) جانە ونىڭ ەكسپورتىنا, حالىقارالىق نارىققا كوبىرەك قول جەتكىزۋ قاجەتتىگىن جاقسى تۇسىنەدى. پرەزيدەنت قازاقستان سىرتقى ساياساتىنىڭ ەلدىڭ بولاشاققا دايىندىعىن كۇشەيتەتىن رەفورمالار اياسىندا جالعاساتىنىنا كوڭىل ءبولدى.
ونگ كەنگ يونگ,
سينگاپۋردىڭ نانيانگ تەحنولوگيالىق ۋنيۆەرسيتەتى جانىنداعى س.رادجاراتنام (RSIS) اتىنداعى حالىقارالىق زەرتتەۋلەر مەكتەبى توراعاسىنىڭ اتقارۋشى ورىنباسارى, قورعانىس جانە ستراتەگيالىق زەرتتەۋلەر ينستيتۋتىنىڭ ديرەكتورى
