– ءبىرىنشى سۇراق – اقپاراتتىق قاۋىپسىزدىك. بۇل وزەكتى ماسەلە. قازىرگى تاڭدا ءداستۇرلى بۇقارالىق اقپارات قۇرالدارىنا قاراعاندا ينتەرنەت, ونىڭ ىشىندە الەۋمەتتىك جەلىلەر باسىم. ءبىر جاعىنان, بۇل جاقسى ءۇردىس. ينتەرنەتتە تانىمدىق جانە اعارتۋشىلىق اقپارات كوپ. ەكىنشى جاعىنان, كيبەرقاۋىپسىزدىككە بايلانىستى قاتەرلەر دە بارشىلىق, - دەدى ەلباسى.
قاۋىپسىزدىك كەڭەسىنىڭ توراعاسى اقپاراتتىق قاۋىپسىزدىكتى قامتاماسىز ەتۋ سالاسىندا حالىقارالىق تاجىريبەنى زەرتتەۋدىڭ ماڭىزدىلىعىن اتاپ ءوتتى.
– بۇل ماسەلەدە باسقا ەلدەرمەن تاجىريبە الماسۋ قاجەت. وسى باعىتتا دامۋدى قولداي وتىرىپ ادامداردىڭ قاۋىپسىزدىگىن قامتاماسىز ەتۋ ماڭىزدى, - دەدى قازاقستاننىڭ تۇڭعىش پرەزيدەنتى.
كۇن تارتىبىندەگى ەكىنشى ماسەلە بويىنشا اقپاراتتى تىڭداي كەلە, نۇرسۇلتان نازارباەۆ اقتوبە وبلىسىنىڭ كولىك-ترانزيتتىك دامۋ الەۋەتىنىڭ كەيبىر اسپەكتىلەرىنە نازار اۋداردى.
سونىمەن قاتار, ەلباسى وڭىردە كاسىپكەرلىك پەن ادامي كاپيتالدى دامىتۋ ءۇشىن قولايلى ورتا قالىپتاستىرۋ قاجەتتىگىن ايتتى.
سونداي-اق, وتىرىستا باتىس ماكرووڭىرىنىڭ اگروونەركاسىپتىك حابىن قۇرۋ ماسەلەلەرى قارالدى.
قاۋىپسىزدىك كەڭەسى وتىرىسىنىڭ قورىتىندىسى بويىنشا ۇكىمەت پەن اقتوبە وبلىسىنىڭ اكىمدىگىنە ءتيىستى تاپسىرمالار بەرىلدى.
