«ەكونوميكالىق دامۋدىڭ اسپەكتىلەرىن جان-جاقتى زەرتتەۋ كەز كەلگەن ماسەلەنى دەر كەزىندە شەشۋ ءۇشىن قاجەت. اتاپ ايتقاندا, يمپورتتى الماستىرۋ ءۇشىن وتاندىق كاسىپورىندارىنىڭ قۋاتتىلىعىن ارتتىرۋ, وتاندىق ءونىمدى ەكسپورتقا شىعارۋ, ءتۋريزمدى دامىتۋ, ساۋدا حابىن قۇرۋ, ءىت-سالاسىن دامىتۋ ارقىلى ەكونوميكانى تسيفرلاندىرۋ جانە «اقىلدى قالا» جوباسىن جۇزەگە اسىرۋ سىندى باعىتتاردا بىرقاتار ءتۇيىنى تارقاماعان سۇراقتار بار. ال بۇل ساۋالناما وڭتۇستىك استانانىڭ ەكونوميكاسىن قولداۋ جانە ارى قاراي دامىتۋ ءۇشىن, قالانىڭ بارلىق بيزنەس مۇمكىنشىلىكتەرىن انىقتاۋ ماقساتىندا قاجەت», – دەيدى ناريمان ابىلشايىقوۆ.
جاپپاي كاسىپكەرلىكتى دامىتۋ ءۇشىن نارىقتاعى سۇرانىس پەن بيزنەس يەلەرىنىڭ قاجەتتىلىكتەرىن ءبىلۋ وتە ماڭىزدى.
وسى ماقساتتا قالالىق كاسىپكەرلەر پالاتاسى مەن قالا اكىمدىگى بىرلەسە وتىرىپ ارنايى سكرينينگ جۇرگىزۋدى قولعا الدى. بۇل ساۋالناما بويىنشا دەرەكتەر تۇرعىن ۇيلەردى ارالاۋ, تەلەفون ارقىلى سۇحباتتاسۋ جانە جەكەلەي اڭگىمەلەسۋ ناتيجەسىندە ءبىر ورتاعا توعىستىرىلادى. ستاتيستيكالىق مالىمەتتەرگە سۇيەنسەك, قازىرگى كەزدە مەگاپوليستە سكرينينگكە قاتىساتىن 176 مىڭ كاسىپكەر مەن 69,5 مىڭ ءۇي يەسى بار. سونىمەن قاتار, پالاتا باسشىسى سكرينينگ ناتيجەلەرى مەملەكەتتىك باعدارلامالاردى ازىرلەۋ مەن قابىلداۋ كەزىندە نەگىزگى كومەكشى قۇرالعا اينالۋى ءتيىس ەكەنىن اتاپ ءوتتى.
