ىشكى ىستەر ورگاندارىنا ساربازداردى قىزمەتكە شاقىرۋ ماقساتىنداعى كەزدەسۋدە ساربازدار پوليتسيا دەپارتامەنتىنىڭ قىزمەتىمەن تانىسىپ, مۇراجايىن ارالادى. ولارعا ىشكى ىستەر ورگاندارىنا قىزمەتكە تۇرۋداعى تالاپتارى ءتۇسىندىرىلدى.
- قوعامنىڭ قاۋىپسىزدىگىن قامتاماسىز ەتۋ – ءتارتىپ ساقشىلارىنىڭ باستى مىندەتى. سوندىقتان اسا جاۋاپتى قىزمەتتە ساقشىلاردان تياناقتىلىق, بىلىمدىلىك پەن بىلىكتىلىك تالاپ ەتىلەدى. قوعامعا, حالىققا قىزمەت ەتەتىن ساقشىلاردىڭ ساپىن لايىقتى جاستارمەن تولىقتىرۋ – ماڭىزدى مىندەتتەردىڭ ءبىرى. پوليتسيا دەپارتامەنتىندە پوليتسەيلەرمەن وتكەن كەزدەسۋ ساربازدار بويىنشا ءتارتىپ ساقشىسى قىزمەتىنە دەگەن قىزىعۋشىلىقتى وياتىپ, اسكەردەگى مەرزىمدى ۋاقىتى اياقتالعان سوڭ, ءبىزدىڭ قاتارىمىزدى تولىقتىرۋىنا قاناتتاندىرادى دەپ ويلايمىن, - دەيدى ماڭعىستاۋ وبلىستىق پوليتسيا دەپارتامەنتى كادر ساياساتى باسقارماسى ۇيىمداستىرۋشىلىق شتاتتىق توبىنىڭ ەرەكشە تاپسىرمالار بويىنشا اعا ينسپەكتورى پوليتسيا پودپولكوۆنيگى ت.سەراليەۆ.
