جامبىل وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى تيمۋرجان نۇرىمبەتوۆتىڭ ايتۋىنشا, بۇگىندە وڭىردە 37 149 وتباسىنا, ياعني 164 559 ادامعا 12,3 ملرد تەڭگە كولەمىندە جاڭا فورماتتاعى اتاۋلى الەۋمەتتىك كومەكبەرىلگەن. «بۇل ماقساتقا جىل سوڭىنا دەيىن بارلىعى 21,3 ملرد تەڭگە قاراستىرىلعان. ونىڭ ىشىندە رەسپۋبليكالىق بيۋدجەتتەن 20 ملرد تەڭگە, جەرگىلىكتى بيۋدجەتتەن 1,3 ملرد تەڭگە بولىنەدى. حالىق تاراپىنان ايلىق ەسەپتىك كورسەتكىشكە ءوتىنىش بەرۋشىلەر مەن الۋشىلار سانىنىڭ كۇرت ءوسۋىنىڭنەگىزگى سەبەبى, 1 ساۋىردەن باستاپ كەدەيلىك شەگىنىڭ جوعارىلاۋى بولدى. قازىرگى ۋاقىتتا 253 679 ادامنان 47 418 ءوتىنىش قابىلداندى. بۇل – جالپى حالىق سانىنىڭ 22,5 پايىزىن قۇرايدى. ايلىق ەسەپتىك كورسەتكىش تاعايىنداۋ تۋرالى شەشىم 164 مىڭ ادامعا نەمەسە حالىق سانىنىڭ 14,6 پايىزىنا قابىلداندى», دەيدى باسقارما باسشىسى.
الايدا, بۇگىندە تاپقان تابىسىن جاسىرىپ, الەۋمەتتىك كومەكتى الىپ قالعىسى كەلەتىن, ايتەۋىر مەملەكەتتىڭ قاراجاتىن پايدالانىپ قالعىسى كەلەتىندەر كوبەيدى. بۇل ورايدا, وبلىستا 8073 وتباسى نەمەسە 34 803 ادامنىڭ تابىستى ەكەنى انىقتالىپ, ولارعا ەشقانداي اتاۋلى الەۋمەتتىك كومەك تاعايىندالماعان. وڭىردە ءوتىنىش بەرۋ كەزىندە تابىستارىن جاسىرعان جانە جالعان اقپارات بەرگەن وتباسىلار انىقتالدى. ماسەلەن, باسقارمانىڭ مالىمەتىنشە, گۇلنۇر ساۋكانوۆا – قورداي اۋدانى, بەتقاينار اۋىلىنىڭ تۇرعىنى. اتاۋلى الەۋمەتتىك كومەك الۋعا 2019 جىلدىڭ 25 مامىرىندا ءوتىنىش بەرگەن. وتباسى قۇرامىندا كۇيەۋى, ەنەسى, كەلىنى, اعاسى, جەڭگەسى جانە 4 بالا, بارلىعى 10 ادام بار. ءوتىنىش بەرۋ كەزىندە جان باسىنا شاققانداعى تابىسى ءوز-ءوزىن جۇمىسپەن قامتۋشىلار ەسەبىنەن 17 مىڭتەڭگەنى قۇراپ, ولارعا 1 474 632 تەڭگە تاعايىندالعان. ياعني ايىنا 122 886 تەڭگە. الايدا, جۇيەگە تىركەۋ كەزىندە ءوتىنىش بەرۋشى مەن ونىڭ اعاسى ءبىرىنشى توقساندا «INDUSTRIAL CJN» جاۋاپكەرشىلىگى شەكتەۋلى سەرىكتەستىگىندە جۇمىس ىستەگەنىن جاسىرعان. بۇگىندە زەردەلەۋ جۇمىستارىنىڭ ناتيجەسىندە جۇيەدەن قايتا سۇراتۋ كەزىندە گۇلنۇر ساۋكانوۆاعا 253 250 تەڭگە جانە اعاسى وراق ساۋكانوۆقا قاڭتار, اقپان جانە ناۋرىز ايلارىنا 477 324 تەڭگە ەڭبەكاقى اۋدارىلعانى انىقتالدى. ناتيجەسىندە ولاردىڭ جان باسىنا شاققانداعى تابىستارى 41 352 تەڭگەبولاتىنى بەلگىلى. بۇگىنگى تاڭدا ولارعا اتاۋلى الەۋمەتتىك كومەك توقتاتىلىپ, مامىر, ماۋسىم جانە شىلدە ايلارىندا العان 368 658 تەڭگەنى قايتارۋ تۋرالى حابارلاما بەرىلءدى. ۇنەمدەلەتىن قاراجات 1 105 974 تەڭگەنى قۇرايدى.
سول سياقتى, جامبىل اۋدانى, قوستوبە اۋىلىنىڭ تۇرعىنى, زەينەتكەر اقىلتاي راحمانقۇلوۆ تا 2019 جىلى 20 مامىردا ءوتىنىش بەرگەن. وتباسى قۇرامىندا 8 ادام دەپ كورسەتىلگەن. وتباسىندا ءوزى, بالاسى مەن كەلىنىنەن باسقا 5 بالا بار. ءوءتىنىش بەرۋ كەزىندە جان باسىنا شاققانداعى تابىسى 19 078 تەڭگەنى قۇراپ, ولارعا 1 267 848 تەڭگە تاعايىندالعان. ياعني, ايىنا 105 654 تەڭگە العان. الايدا, زەردەلەۋ بارىسىندا يەلىگىندە 37 باس جىلقى جانە 5 باس سيىر بار ەكەنى انىقتالدى. بۇگىندە ولارعا تيەسىلى 316 962 تەڭگە كولەمىندەگى اتاۋلى الەۋمەتتىك كومەك توقتاتىلىپ, ونى قايتارۋ تۋرالى حابارلاما بەرىلءدى. مۇندا ءۇنەمدەلەتىن قاراجات 950 886 تەڭگەنى قۇرايدى ەكەن.
اتاۋلى الەۋمەتتىك كومەك تاعايىنداۋ ديناميكاسىنا قاراساق, الەۋمەتتىك كومەك العان وتباسىلار سانى ءساۋىر ايىندا 8 550 وتباسى, مامىر ايىندا 10 568 وتباسى بولسا, ماۋسىم ايىندا 5 565 وتباسىنا ازايدى. بۇل دا كوپشىلىكتىڭ تەگىن اقشانى تيىسىنشە پايدالانىپ قالۋعا دەگەن نيەتتەن تۋىنداعانىن بىلدىرەدى. ۋاقىت وتە كەلە جالعان اقپارات بەرگەندەر انىقتالا باستاعان. ەندى اتاۋلى الەۋمەتتىك كومەكتى شىن مانىندە كىمدەر الادى دەگەن ساۋالدىڭ بولاتىنى انىق. «1 قازاننان باستاپ, قۇجاتتارىن تاپسىراتىن ازاماتتاردىڭ ىشىنەن جان باسىنا شاققانداعى تابىسى 18203 تەڭگەدەن اسپايتىندار عانا قارالادى», دەيدى تيمۋرجان نۇرىمبەتوۆ.
اتالعان باسقارمانىڭ مالىمەتىنە سايكەس, اتاۋلى الەۋمەتتىك كومەك تاعايىنداۋ جانە تولەۋ بارىسىندا كەمشىلىكتەر ورىن العان 6891 وتباسىنىڭ ءتىزىمى انىقتالعان. ونىڭ ىشىندە 933 وتباسىنا زاڭسىز تاعايىندالعان 133,5 ملن تەڭگە بيۋدجەتكە قايتارىلۋى قاجەت ەكەن. بۇگىنگە 13,4 ملن تەڭگە قايتارىلعان جانە قالعان اقشالاردى قايتارۋ بويىنشا دا جۇمىستار جالعاسۋدا. باسقارما باسشىسىنىڭ ايتۋىنشا, 933 وتباسىعا تولەمدەردى توقتاتۋ ناتيجەسىندە جىل سوڭىنا دەيىن 362,6 ملن تەڭگە ۇنەمدەلەتىن بولادى. بۇگىندە قالعان 5589وتباسى بويىنشا دا تولەمدەر توقتاتىلىپ, ولاردىڭ زاڭدىلىعى, قايتا ەسەپتەۋ قاجەتتىلىگى انىقتالۋ ۇستىندە ەكەن. سونىمەن قاتار, قارجى ۇنەمدەۋ ماقساتىندا 1 قىركۇيەكتەن باستاپ بۇگىنگە دەيىن 730 ءوتىنىش تىركەلسە, ونىڭ 385-ءىنە كومەك تاعايىنداۋدان باس تارتىلعان. تەك 345-ءىنە عانا 29,9 ملن تەڭگەاتاۋلى الەۋمەتتىك كومەك تاعايىندالعان.
اتاۋلى الەۋمەتتىك كومەك الۋشىلار قۇرامىندا بارلىعى 5171 جەكە كاسىپكەر بار بولىپ شىقتى. ونىڭ ىشىندە 259 كاسىپكەر كاسىبىن اتاۋلى الەۋمەتتىك كومەك الا سالىپ توقتاتقان. الايدا بۇل كاسىپكەرلەردىڭ ءتىزىمى وبلىستىق مەملەكەتتىك كىرىستەر دەپارتامەنتىنە جولدانىپتى. قازىرگى كەزدە تابىسى جايلى جالعان اقپارات بەرۋشىلەرمەن كۇرەس جۇرگىزىلۋدە.
جامبىل وبلىسى
