ارمەنيا رەسپۋبليكاسى دەلەگاتسياسىنىڭ قۇرامىندا ۇلتتىق جيىن دەپۋتاتتارى, قازاقستانداعى ارمەنيا ەلشىلىگىنىڭ وكىلدەرى بولدى. ەكىجاقتى ىنتىماقتاستىق كەزدەسۋ بارىسىندا جانسەيىت تۇيمەباەۆ مارتەبەلى مەيمانداردى قازاقستان حالىقتارى اسسامبلەياسىنىڭ قۇرىلىمىمەن, قىزمەتىنىڭ ماقساتىمەن تانىستىردى.
سونداي-اق, ەتنوستار مەن ۇلتتاردىڭ مادەني قۇندىلىقتارىن دامىتۋعا, ءتىلىن, تۇرمىس سالتىن ساقتاۋعا بارلىق جاعداي جاسالعانىن تىلگە تيەك ەتتى. جانسەيىت قانسەيىت ۇلى اسسامبلەيا تاراپىنان ەكى ەل اراسىنداعى ساۋدا-ەكونوميكالىق جانە مادەني-گۋمانيتارلىق بايلانىستى دامىتىپ, نىعايتا تۇسۋگە ۇلەس قوسۋعا ازىرلىك تانىتتى.
ءوز كەزەگىندە ارمەنيا ۇلتتىق جيىنىنىڭ توراعاسى ارارات ميرزويان مۇنداعى ارمەنيا قاۋىمداستىعىنىڭ جۇمىسىمەن تانىسقانىن جانە قازاقستان تاراپىنان از ۇلتتاردىڭ دامۋىنا جاسالىپ وتىرعان مۇمكىندىكتى جوعارى باعالايتىندىقتارىن ايتتى.
