ق.توقاەۆ بىرنەشە مەملەكەت باسشىسىمەن جانە كاسىپكەرلەرمەن كەزدەسەدى دەپ جوسپارلانعان. باس اسسامبلەيانىڭ سەسسياسى قىركۇيەكتىڭ 23-25 ارپالىعىندا وتەدى.
باس اسسامبلەيا جيىنىنا 196 دەلەگاتسيا, 100-گە جۋىق مەملەكەت باسشىسى, بۇۇ-عا مۇشە ەلدەردىڭ 80-نەن اسا ۇكىمەت جانە سىرتقى ساياسي ۆەدومستۆو باسشىلارى قاتىسادى دەپ كۇتىلەدى. ونىڭ جۇمىسى اياسىندا 630 ءتۇرلى كەزدەسۋ وتكىزۋ جوسپارلانعان.
مەملەكەت باسشىسى بيىلعى "كەدەيلىكتى جويۋ ءۇشىن كوپجاقتى كۇش-جىگەردى شوعىرلاندىرۋ, ساپالى ءبىلىم بەرۋدى, كليماتتىق ءىس-قيمىلدار مەن جان-جاقتى ءتاسىلدى ىلگەرىلەتۋ" تاقىرىبىندا وتەتىن باس اسسامبلەيانىڭ جالپى دەباتتارىندا, سونداي-اق, تۇراقتى دامۋ ماسەلەلەرى جونىندەگى جوعارى دەڭگەيدەگى ساياسي فورۋمدا ءسوز سويلەيدى.
سونىمەن قاتار قاسىم-جومارت توقاەۆتىڭ بۇۇ باس حاتشىسى انتونيۋ گۋتەرريشپەن, بىرقاتار ەلدىڭ مەملەكەت جانە ۇكىمەت باسشىلارىمەن, حالىقارالىق ۇيىمداردىڭ باسشىلارىمەن, امەريكالىق كاسىپتىڭ, ترانسۇلتتىق كومپانيالاردىڭ, اقش ساياسي جانە ساراپتامالىق توپتارىنىڭ وكىلدەرىمەن كەزدەسۋلەرى جوسپارلانعان.
