ء«بىرىنشى بايلىق – دەنساۋلىق» دەمەكشى, وسى جولداۋدا حالىقتىڭ دەنساۋلىعىن جاقسارتۋ ماسەلەسىنە دە باستى نازار اۋدارىلدى. ءيا, سالاماتتى ءومىر سالتىن ناسيحاتتاۋدا سپورتتىڭ الاتىن ورنى زور ەكەنى انىق. سونى قاپەرگە العان مەملەكەت باسشىسى سپورتتى, سونىڭ ىشىندە بۇقارالىق سپورتتى دامىتۋدى قولعا الۋ قاجەتتىگىن ايتتى.
ءوز سوزىندە قاسىم-جومارت توقاەۆ «سپورت ينفراقۇرىلىمىنىڭ بالالار ءۇشىن بارىنشا قولجەتىمدى بولۋىن قامتاماسىز ەتۋ كەرەك. بۇقارالىق دەنەشىنىقتىرۋدى وركەندەتۋ ءىسى جاڭا چەمپيوندار شىڭىنا شىعاتىن پيراميداعا اينالۋى ءتيىس. بۇل سالاماتتى ءارى بەلسەندى جاستاردىڭ, تۇپتەپ كەلگەندە, قۋاتتى ۇلتتىڭ نەگىزىن قالىپتاستىرادى», دەپ سپورت سالاسى مەن دەنەشىنىقتىرۋ ءىسىنىڭ ماڭىزدىلىعىنا توقتالدى.
مەملەكەت باسشىسى ايتقانداي, جولداۋ بويىنشا ءتيىستى جۇمىستار اتقارىلاتىن بولسا, قازاقستان جاڭا چەمپيونداردىڭ مەكەنىنە اينالاتىنىنا مەن بەك سەنىمدىمىن.
ەلدوس سمەتوۆ,
دزيۋدودان الەم چەمپيونى,
وليمپيا ويىندارىنىڭ كۇمىس جۇلدەگەرى
