20 قازاندا «سانكت-پەتەربۋرگ وپەرا» مەملەكەتتىك كامەرالىق مۋزىكالىق تەاتر زالىندا انشلاگ كۇتىلۋدە: پەتەربورلىق كورەرمەندەر ءبىر اي بۇرىن بارلىق بيلەتتەردى ساتىپ العان كورىنەدى.
جەتىنشى تەاتر ماۋسىمىنىڭ گاسترولدىك كەستەسىن اشاتىن «سانكت-پەتەربۋرگ وپەرا» ساحناسىنداعى ونەر كورسەتۋ رەسەيدىڭ حالىق ءارتىسى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى يۋري يسااكوۆيچ الەكساندروۆتىڭ شاقىرتۋى ارقاسىندا وتەدى. گاسترولدى ۇيىمداستىرۋ بويىنشا بارلىق شىعىنداردى سانكت-پەتەربۋرگ تەاترى تولىعىمەن ءوز موينىنا العان.
ء–بىزدىڭ ترۋپپا مەن كورنەكتى رەسەيلىك رەجيسسەر اراسىن تىعىز كوپجىلدىق دوستىق بايلانىستىراتىنىن اتاپ وتكەن ءجون. تالعامپاز پەتەربورلىق كورەرمەن الدىندا ونەر كورسەتۋ ءبىز ءۇشىن ۇلكەن قۇرمەت ءارى جاۋاپكەرشىلىك, سپەكتاكل ۇلكەن جەتىستىكپەن وتەتىنىنە سەنىم بىلدىرەمىز, – دەدى «استانا وپەرا» تەاترىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى عالىم احمەدياروۆ.
باستى پارتيالاردى ورىنداۋعا «استانا وپەرا» جەتەكشى سوليستەرى, قازاقستاندىق وپەرا جۇلدىزدارى دايىندالۋدا: دجۋليا – قازاقستاننىڭ ەڭبەك سىڭىرگەن ءارتىسى جاننات باقتاي, دورۆيل – قازاقستاننىڭ ەڭبەك سىڭىرگەن قايراتكەرى جان تاپين, دجەرمانو – قازاقستاننىڭ ەڭبەك سىڭىرگەن قايراتكەرى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى سۇندەت بايعوجين. سپەكتاكلگە, سونداي-اق تەاتردىڭ باسقا دا دارىندى سوليستەرى قاتىسادى.
ال 9 جانە 10 قاراشادا «سانكت-پەتەربۋرگ وپەرا» مەملەكەتتىك كامەرالىق مۋزىكالىق تەاتردىڭ شىعارماشىلىق ۇجىمى ءوز كەزەگىندە قازاقستاننىڭ استاناسىنا گاسترولمەن كەلەدى. العاش رەت «استانا وپەرا» ساحناسىندا ارتىستەر الەمدىك وپەرا ونەرىنىڭ جاۋھارلارى – دج.ۆەرديدىڭ «ريگولەتتو» جانە ج.بيزەنىڭ ء«ىنجۋ ىزدەۋشىلەر» تۋىندىلارىن ۇسىنادى.
«ەگەمەن-اقپارات»
