ايماقتار • 23 قىركۇيەك، 2019

مەملەكەتتىك باعدارلامالاردىڭ جۇزەگە اسىرىلۋ بارىسىمەن تانىستى

21 رەتكورسەتىلدى

پرەمەر-مينيستر اسقار مامين جۇمىس ساپارىمەن جەتىسۋ جەرىن ارالادى. الماتى قالاسى ما­ڭىن­داعى اۋدانداردىڭ تى­نىس-تىرشىلىگىمەن تانىس­قان ۇكىمەت باسشىسى تۇڭعىش پرەزيدەنت – ەل­باسى نۇر­سۇلتان نازار­باەۆ باستا­ماشى بولعان «نۇرلى جول»، «نۇر­لى جەر»، ين­دۋس­تريالىق-يننو­ۆاتسيالىق دامۋ مەم­لەكەت­تىك باعدارلامالارى اياسىن­داعى ينۆەستيتسيالىق جوبا­لاردى ىسكە اسىرۋ بارى­­سىمەن، سونداي-اق مەم­لەكەت باسشىسى قا­سىم-جومارت توقاەۆ­تىڭ ءوڭىر ەكونوميكاسىن دا­مى­تۋ جونىندەگى تاپسىرما­لارىنىڭ ورىندالۋىمەن تانىستى.

 

مەگاپوليستى ازىق-تۇ­لىك، كوكونىس ونىمدەرىمەن قام­تۋدا الماتى وبلىسىنىڭ ەڭبەك­شى­قازاق اۋدانى ماڭىزدى قادام جاساپ وتىر. بۇگىندە بۇل اۋدانداعى الما باقتارىنىڭ كولەمى 6400 گەكتارعا جەتكەن. ونىڭ 1،5 مىڭ گەكتارى – ينتەنسيۆتى باۋ-باق­شا. ءىسىن ىلگەرىلەتىپ وتىرعان «Amal bio» سەرىكتەستىگى باق وسى­­رۋ­دە كوشباسشى ورىندا. شا­رۋا­شىلىققا قاراستى الما باق­­تارىن ارالاپ كورگەن پرە­مەر-مينيستر جەر يگەرۋدە­گى جاڭا تەحنولوگياعا نازار اۋ­داردى. باعباندار الما ءوسىرۋ­دىڭ تىڭ ءادىسى مەن الەمدىك تاجى­ريبەگە ارقا سۇيەپ، مول ءونىم­دى از شىعىنمەن جيناۋعا قول جەت­كى­زىپ وتىر. اۋەلگىدە ءوز ءىسىن 50 گەكتار القاپقا الما كوشە­تىن وتىرعىزۋدان باستاعان شارۋا­شىلىق ديرەكتورى اسقار سابي­روۆ قازىر 500 مىڭ ءتۇپ الما اعا­ش­ىنان جەمىس جيناپ الاتىنىن ايتادى. الما باقتىڭ كولەمىن 150 گەكتارعا دەيىن ۇلعايتىپ، المانىڭ 14 ءتۇرلى سۇرپىن كۇتىپ-باپتاۋدا. دايىن ءونىمدى الماتى قالاسىنىڭ تۇتىنۋشىلارىنا تاسىمالدايدى. الما باقتاعى جۇمىستى كوزبەن كورگەن ۇكى­مەت باسشىسى وتاندىق ءونىم­نىڭ دۇنيەجۇزىلىك نارىققا شى­­عۋىنا قاجەتتى جاعداي جا­سا­لىپ وتىرعانىن ايتتى. «Amal bio» سەرىكتەستىگىنىڭ بۇل با­عىت­تاعى قادامى ناتيجەلى. شارۋا­شى­لىقتا سىيىمدىلىعى 6 مىڭ تون­ناعا جەتەتىن جەمىس جانە كوك­ونىس ساقتايتىن قويما بار. اۋ­ماعى 750 شارشى مەتر بولاتىن كوتەرمە-بولشەك ساۋدا پا­ۆيلونى دا جۇمىس ىستەپ تۇر. قازىر «Amal bio» ساۋدا بەلگىسى­مەن ايشىقتالعان دايىن ءونىم شە­تەل نارىعىنا ەكسپورتقا جو­نەلتىلەدى.

ا.مامين ەڭبەكشىقازاق اۋ­­دانىنداعى «ادال» اگرو­ونەركاسىپ كەشەنىندە دە بولدى. ايماقتاعى ءسۇت ونىمدەرىن شىعارۋدا نەگىزگى ۇلەسكە يە سەرىكتەستىك شيكىزاتتى وزدەرى دايىندايدى. ساۋىن سيىر سانىن 2،5 مىڭ باسقا دەيىن كوبەيتكەن اگروونەركاسىپ كەشەنى جى­لىنا 20 مىڭ توننا ءسۇت وندى­رەدى. مالعا قاجەتتى جەمشوپتى دە وزدەرى ەگىپ، وسىرەدى. ءسۇت زاۋىت­تارىنداعى جۇمىس تولىقتاي تسيفرلى جۇيە­مەن باسقارىلادى. تا­بيعي ءسۇتتى يتاليالىق تاسىل­مەن وڭدەپ، 56 ءتۇرلى ءسۇت ءونى­مىن جاساپ شىعارادى. 262 ادام تۇراقتى جۇمىسپەن قام­تىلعان.

سونداي-اق ۇكىمەت باسشىسى جامبىل اۋدانىندا «Em­pireFood» جشس ەت كومبيناتىنا، قاراساي اۋدانىندا «حاملە» جشس كونديتەرلىك ونىمدەر زاۋىتىنا باردى.

الماتى وبلىسىنا جۇمىس ساپارى بارىسىندا ا.مامين «لۋكويل» جاق پرەزيدەنتى ۆاگيت الەكپەروۆپەن بىرگە ىلە اۋدانىندا بوي كوتەرگەن «لۋ­كويل لۋبريكانتس ورتالىق ازيا» سەرىكتەستىگىنىڭ جاڭا زاۋى­تى­نىڭ تۇساۋىن كەستى. رەسەي­مەن بىرلەسكەن كاسىپورىن ماي­لاۋ ماتەريالدارىن شى­عا­را­دى. زاۋىتتا جىل بويىنا 100 مىڭ تونناعا دەيىن ءونىم دا­يىن­دا­لادى. ونىڭ ىشىندە موتور مايى­نىڭ سەگىز جۇزدەن اسا ءتۇرىن وڭ­­دەيدى. ءوندىرىس قازاقستان مەن ور­تالىق ازيا ەلدەرىنىڭ، سون­داي-اق قىتاي، اۋعانستان جانە موڭ­عوليانىڭ ىشكى نارىعىن ماي­لاۋ مايلارىمەن قامتاماسىز ەتپەكشى.

– بۇگىنگە دەيىن ەلىمىزدىڭ كومىرسۋتەك سەكتورىنا 9،5 ملرد اقش دوللارى شاماسىندا ينۆەستيتسيا سالعان «لۋكويل» كومپانياسىنىڭ بۇل جاڭا زاۋىتى وتاندىق مۇناي-گاز سەكتورى دامۋىنىڭ قازىرگى ۆەكتورىنا، اتاپ ايتقاندا، شيكىزات باعىتىنان ءوتىپ، دايىن ءونىم شىعارۋعا كوشكەنىن بىلدىرەدى. كاسىپورىننىڭ قۇرىلىسىنا جانە ونى جاراقتاندىرۋعا سا­لىن­عان جالپى ينۆەستيتسيالار كولەمى 94 ملن اقش دوللارىن قۇرادى. جوبا قازاقستان رەس­پۋبليكاسىنىڭ زاڭناماسى مەن ونەركاسىپتىك قاۋىپسىزدىك، ەڭ­بەكتى قورعاۋ جانە قورشاعان ورتا­نى قورعاۋ سالاسىنداعى حا­لىق­ارالىق قۇقىق تالاپتارى­نا قا­تاڭ سايكەستىكتە جۇزەگە اسى­رىل­دى. زاۋىتقا «باتىس ەۋ­روپا – باتىس قىتاي» كولىك ماگيسترا­لىنىڭ جاقىن ورنالاسۋى لوگيس­تيكالىق پروتسەستەردى وڭ­تاي­لان­دىرۋعا مۇمكىندىك بەرەدى، – دەدى پرەمەر-مينيستر زاۋىت­تىڭ اشىلۋىندا سويلەگەن سوزىندە.

سونداي-اق وسى شارا اياسىندا «قازمۇنايگاز» ۇك» اق مەن «لۋكويل» جاق ارا­سىن­­دا «قا­زاقستان رەس­پۋب­لي­كا­­­سىنىڭ اۋما­عىنداعى ۋچاسكە­­­لەردى بىرلەسىپ زەرتتەۋ تۋ­را­لى» كەلىسىمگە قول قويىل­دى.

2019 جىلدىڭ قاڭتار-تامىز ايلارىندا الماتى وبلى­سىنىڭ نەگىزگى كاپيتالىنا ين­ۆەستيتسيا­لار كولەمى 305،3 ملرد تەڭگەنى نەمەسە وتكەن جىلدىڭ سايكەس كەزەڭىنە شاققاندا 103،3%-دى قۇرادى. ءوسىم يندۋستريالاندىرۋ كارتاسى جوبالارىن، «نۇر­لى جول»، «نۇرلى جەر» باعدار­لامالارىن ىسكە اسىرۋ، گازداندىرۋ جۇمىستارىن جۇرگىزۋ، «Alacem» تسەمەنت زاۋىتىن سالۋ، «سارىبۇلاق 2» جەس، «لۋكويل» مايلاۋ ماتەريالدارىن شىعارۋ زاۋىتىن سالۋ ارقىلى قام­تاماسىز ەتىلدى. يدمب جانە يندۋستريالاندىرۋ كارتاسى اياسىندا 2019 جىلى 1214 جۇمىس ورنىن قۇرۋمەن، 61،9 ملرد تەڭگەگە 11 جوبانى ىسكە اسىرۋ جوس­پار­لانعان. ولار­دىڭ ىشىندەگى ءىرى جۇمىس ورىن­دارى ساناتىنا «جەتىسۋ ما­جيكو اگروكەشەنى» جشس (ماي ونىمدەرى مەن قۇراما جەم­نىڭ وندىرىستىك كەشەننىڭ قۇرى­لىسى) جانە «Meat Proces­sing and Service» ەت وڭدەۋ كەشەنى ەنەدى.

ۇكىمەت باسشىسى الماتى وبلىسىنا جاساعان جۇمىس ساپارىن قورىتىندىلاي كەلە، وڭىردە قازاقستاننىڭ تۇڭ­عىش پرەزيدەنتى – ەلباسى نۇرسۇلتان نازارباەۆ باستاماشى بولعان «نۇرلى جول»، «نۇرلى جەر» جانە باسقا دا مەملەكەتتىك باع­دارلامالار اياسىنداعى ينۆەس­تيتسيالىق جوبالاردىڭ ىسكە اسۋ بارىسى مەن مەملەكەت باسشىسى قاسىم-جومارت توقاەۆتىڭ ءوڭىر ەكونوميكاسىن دامىتۋ جونىندەگى تاپسىرمالارىنىڭ ورىندالۋىنا وڭ باعا بەردى.

الماتى وبلىسى

سوڭعى جاڭالىقتار

جاڭا ۇلگىدەگى كولىكتەر

قوعام • بۇگىن، 09:08

Grand Slam جارىسىندا بەلدەسەدى

سپورت • بۇگىن، 08:30

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • بۇگىن، 08:29

وقىرمانمەن وي ءبولىستى

رۋحانيات • بۇگىن، 08:17

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

قازاقستان • بۇگىن، 07:04

ۇقساس جاڭالىقتار