ايماقتار • 21 قىركۇيەك، 2019

تۇركىستان – جاستار قالاسى!

135 رەتكورسەتىلدى

وبلىستىق قوعامدىق دامۋ باسقارماسىنىڭ «جاستار رەسۋرستىق ورتالىعى» ۇيىمداستىرۋىمەن وتكەن «TURKISTAN-JASTAR QALASY!» اتتى جاستار فەستيۆالىنىڭ قورىتىندى كەزەڭى مەن جابىلۋ سالتاناتى تۇركىستاندا ءوتتى.

جاستار اراسىندا مادەنيەتتىڭ دامۋىنا ىقپال ەتۋ، بوس ۋاقىتتى ۇيىمداستىرۋ، تالانتتاردى انىقتاۋ، سونداي-اق جاس دارىنداردىڭ شىعارماشىلىق تۇرعىدان ءوسىپ-وركەندەۋىنە قولداۋ تانىتۋ، سالاۋاتتى ءومىر سالتىن ناسيحاتتاۋدى ماقسات ەتكەن فەستيۆال اياسىندا ءۇش اي بويى 4 سپورتتىق-شىعارماشىلىق الاڭدا 1680 ءىس-شارا وتكىزىلگەن. وعان وبلىسقا قاراستى 13 اۋدان مەن 3 قالادان 30 000-نان اسا جاس  6 باعىت بويىنشا  قاتىستى. سپورتتىق دودالاردىڭ اپتالىق، ايلىق ىرىكتەۋلەرىنەن سۇرىنبەي وتكەن كىل مىقتىلار اقتىق سايىستا باق سىناستى. جاستار سپورتپەن قوسا ءوز ونەرلەرىن كورسەتتى. اتاپ وتەر بولساق، Street Danse بويىنشا 1-ورىندى  «Kirin بي» توبى ەنشىلەسە، RAP سايىسىنان «بەكبولات» توبى، Street Workout سايىسىنان جەتىساي قۇراماسى، Karaoke بايقاۋىنان ومىرزاق ارايلىم توپ جاردى. ۇلتتىق ويىنداربويىنشا، اسىقتان تۇلكىباس قۇراماسى ۇزدىك اتانسا، لاڭگى تەبۋدەن شاردارا قۇراماسى جەڭىمپاز اتاندى. 

اشىق اسپان استىندا ۇيىمداستىرىلعان فەستيۆالدىڭ جابىلۋ راسىمىنە تۇركىستان وبلىسى اكىمىنىڭ ورىنباسارى ساكەن قالقامانوۆ قاتىسىپ، جەڭىمپازداردى ماراپاتتادى. «ەل پرەزيدەنتى قاسىم-جومارت توقاەۆ ءوز جولداۋىندا جاستارعا قولداۋ كۇشەيتىلەتىنىن ايتقان بولاتىن. سەبەبى، تاۋەلسىزدىكتىڭ تىرەگى - جاستار! كەزىندە الاش قايراتكەرى احمەت بايتۇرسىنوۆ ء«بىلىمدى بولۋعا – وقۋ، باي بولۋعا – كاسىپ، كۇشتى بولۋعا – بىرلىك كەرەك!» دەگەن ەكەن. بيىل جاستار جىلىنا وراي، ەلىمىزدە جاستاردى قولداۋ باعىتىنداعى جۇمىستار كۇشەيتىلدى. وبلىسىمىزدا ناقتى جۇمىستار جۇزەگە اسۋدا. بۇل جوبا جاستار جىلىنىڭ العىشارتى رەتىندە وتكىزىلىپ وتىر»، - دەدى س. قالقامانوۆ.جەڭىمپازدار مەن جۇلدەگەرلەرگە ديپلوم مەن باعالى سىيلىقتار تاپسىرىلىپ، فەستيۆال سوڭى كونتسەرتتىك شوۋ-باعدارلاماعا ۇلاستى.

ايتا كەتەلىك، بۇگىنگى تاڭدا قالا ساياباقتارىندا Street Ball، Street Workout، ۇلتتىق ويىندار الاڭدارى سالىنىپ، جاستاردىڭ يگىلىگىنە بەرىلگەن. سونداي-اق اۋدانداردا، وبلىس ورتالىعىندا سپورتتىق-شىعارماشىلىق الەۋەتى جوعارى جاستار شوعىرىن قالىپتاستىرۋ،  جاستاردىڭ كوشە مادەنيەتىن دامىتۋ كوزدەلگەن جوبا ارقىلى جاڭا سپورت الاڭدارى كوبەيدى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار